NEHEMIAH 1:3 - Bawm Common Language Bible Version

³ A thibang an ram leiah tlung mi tla chu thungâi anna hamh, an kiangkam ramdang minung um tla nih thungâi an zauhnawmh ti an ka simh. Jerusalem kulh khawm râwk chia hen a um nget ko rih le, a kulh kawtkâ khawm an duahnâk thawk hen remh asi lo rih ti an ka simh.

NEHEMIAH 1:3 ပူးပေါင်းရင်းမြစ်များ

1 Lal 9:7

Israel mi tla rangah ram ka pêk na mi thawk hen ka nar na awt. Keimah sawnhnâk ding ah hi Biakin ka thenhlimhtir mi khawm hi ka kaltâk lai. Mun kip mi nih Israel tla chu siarlo tak hen an zauhnawmh na lai.

2 Lal 25:10

a kawrsen tla nih kulh vâm tla an râwk.

2 CHRONICLES 36:19

Biakin leh khuapi leh lal in leh mun zawzawng neih-le-siah zawng a duah hep le, khuapi kulh vâm tla a chimtir hep.

Ezra lasuibu 2:1

Sal ah tâng mi tam tak nih Babulon ram chu mâk hen mah umnâk chiauah Juda leh Jerusalem ah an hawng kîr rawh. An dâwngsungkhur tla chu Nebukadnezar nih sal ah a put na mi thawk hen chunah chun an um ko.

Ezra lasuibu 5:8

“Bâwipa, Juda umnâk ram ah kan va kal le, Pathian Biakin rokual chu lung lian tatak leh thing tla hen, a khua kulh tla khawm sak nawlh hen kan va muh ti kan theihtir. Rianṭuan chu zauhkhenhtu zauh vima hen ṭuan asi.

NEHEMIAH 11:3

Israel lakah mi bâwlpu tla, Biakin rianṭuantu tla leh Solomon to-aw thlâk tla chu anmah khuapi leh a lian dauh tla ah an um. Juda ram ṭhen lakah khuapi minung ruitu Jerusalem ah um mi tla chu hi bang tla hi an si:

NEHEMIAH 2:13

Zân asi rih liauah khuapi lakah mi chu ka suak le, thlanglei kângah Tivakuam ah mi kulh kawtkâ leiah ka kal le, simlei kângah Nâwm Lawnhnâk Kawtkâ leiah mi Dragon Tikhur leiah ka kal. Ka kal pah hen khuapi kulh a chim mi leh kulh kawtkâ mei nih a râwk mi chu ka zauh pah vima.

NEHEMIAH 2:17

Sikhawmsele, an sinah, “Jerusalem chu â râwk le, a kulh kawtkâ tla khawm râwk hep asi rawh ruangah kan rangah lawksawng a kâi zia hi zauhnik u! Hi khuapi kulh hi kan remh nawlh lai le, kan rangah ningzakkâi chem hi kan dawngtir lai,” ka ti na.

NEHEMIAH 2:3

ka sâng le, “Bâwipa, san sâu hen um rawh! Hawng ka thlâktu tla vûinâk mun leh a kulh kawtkâ chu mei nih a râwk hep mi zeitin zûr mêl putlo hen ka um kho zia lai?” ka ti.

NEHEMIAH 7:6

Babulon sal ah an tângnâk ram chu mi tam tak nih mâk hen Jerusalem leh Juda ram ah anmah khuapi chiauah an kîr rawh. Nebukadnezar san thawk hen Babulon ah sal ah an tâng.

ESTHER 1:1

Persia lalchem Zerzes nih a khuapi Susa thawk hen ram 127 lakah lâi a rêl le, India ram thawk hen Sudan ram tiang a uap hep.

SAM 79:4

Hawng kan kulhtu phun tla nih hawng kan nihsanh le, hawng kan zauhnawmh.

THUFING LASUIBU 25:28

Thinthawknâk sûm kho lo mi na si chun, khuapi kulhnei lo, awng hung hen vêngtu nei lo hâwi asi.

ISAI 43:28

Nan lâirêltu tla nih ka mun thenhlimh an nawmh. Churuangah kei khawm nih Israel tlûnah siatnâk ka tlungtir le, zauhnawmh ding hen ka mi tla chu ka umtir na,” a ti.

ISAI 5:5

“Hi hâwi hen ka grep dûm hi ka ti nik kher lai; a kiangah mi dâi ka awnh ver lai le, a kulh vâm tla ka râwk hep lai le, ramsa tla ka eitir na lai le, ka chîltir dip na lai.

JEREMIA 24:9

An tlûnah chubang hâwi rêpnâk chu ka tlungtir lai le, laikulh ah phun kip tla an lâu lai. Mi nih an nihsanh na lai le, an pangpi na lai le, an tluktlak na lai, ka rekrâwi na mi mun kip ah an min ah siatbarh mi an ti na lai.

JEREMIA 29:18

Râltuknâk, pâmnâk leh râi hen ka ṭhâwl na lai le, laikulh phun zawzawng tla nih chu chu an muh lai le, an lâu lai. Ka rekrâwitir na mi mun kip ah chubang hâwi hen an lakah thil a hawng tlung mi ruangah an lâu lai. Mi nih an zauhnawmh lai le, an min ah siatbarh mi tla an ti lai.

JEREMIA 39:8

Chu kar chun lal in chu Babulon mi tla nih an duah le, mi zapi tla in khawm an duah le, Jerusalem kulh tla an chimh ver.

JEREMIA 42:18

“LALPA, Israel Pathian nih, ‘Aigupta ram ah nan kal mi asi chun, ka thinthawknâk Jerusalem mi tlûnah ka tawih mi hâwi hen nan tlûnah ka thinrunnâk ka tawih lai. Minung mit muhnâk ah ṭihnungkâi rê hen nan um lai le; mi nih an zauhnawmh na lai le, nan min ah siatbarh ti nan si lai. Hi mun hi nan muh nawlh lai lo rawh,’ ” a ti.

JEREMIA 5:10

Ka mi tla grep hâu piak na ding hen mêlma tla ka fial lai le, sikhawmsele veih lam chu ka veih dep na lai lo. Chubang ṭeng tla chu ka tâ an si lo ruangah thlangh ver na ding hen ka simh na lai.

JEREMIA 52:14

kawrsen tla nih kulh an râwk.

LUNGFÂKNÂK 1:7

Jerusalem chu tu chun thimpem hen a um rawh le, A lânah a rokualnâk tla a theih vung rawh. Mêlma nih a neh liauah âukhawm ṭangpitu a um lo, A nehtu tla nih a tlû mi chu an nihsanh.

LUNGFÂKNÂK 2:9

A kulh kawtkâ tla chu nâwm nih a silh le, A kalhnâk tluan tla khawm a man ver. Lalchem leh milian tla khawm tu chun sal ah an um ver rawh. Dân sîntirnâk khawm a um lo rawh, Khuavâng tla khawm nih LALPA sinah mi muhnâk an nei lo rawh.

LUNGFÂKNÂK 3:61

“LALPA, an ka zauhnawmh mi leh an ka phiarnâk tla na theih.

LUNGFÂKNÂK 5:1

LALPA kan lakah thil a hawng tlung mi theihkumza. Hawng kan zauh le, kan mualphonâk hi zauhnik.

LEVITICUS 26:31

Fih hen nan khuapi tla chu ka râwk lai le, nan pathian sawnhnâk tla khawm râwk hen, nan bâwlnâk ka nawng awt.

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.