NAHUM 3:3 - Bawm Common Language Bible Version

³ Rang tlûn chuan mi tla nih an nâwr, nâmsâu tla tlêukul hen a um, fei tla an lekzur! Ruak tla sâng tak hen an pawng, a thi mi rêl châwk lo-- minung tla chu ruak anna suih le, an tlû!

NAHUM 3:3 ပူးပေါင်းရင်းမြစ်များ

GENESIS 3:24

Chun, Eden saklei sîrah chun cherub tla leh nâmsâu alh zeilei zawng â zî kho mi a siah. Âuzawng nungnâk thing kiangah a hawng mi tla lakah vêng ding hen.

2 Lal 19:35

Chu zân chun LALPA vânmifial chu Asiria tla riaknâk mun ah a kal le, kawrsen nuaikhat leh sîngriat leh sângnga a thah na. A thaituan khua a dei rawh chun a thi chia hen an rîl phut!

ISAI 34:3

An ruak tla chu phûm asi lai lo le, chunah chun a thû lai le, a mân lai; tlâng chu thî hen a sen tût lai.

ISAI 37:36

LALPA vânmifial chu Asiria kawrsen riakmun ah a va kal le, kawrsen 185,000 a thah na. Thâizing khua a dei rawh chun an ektê hen an thi hep!

ISAI 66:16

Mei leh nâmsâu hen laikulh ah sual hen a muh na mi zawzawng chu a rêp na lai le, mi tam tak thah hen an um lai.

EZEKIEL 39:4

Gog leh a kawrsen leh amah lei ṭângṭawmtu tla chu Israel tlâng sâng tla tlûnah an thi lai le, an ruak chu ramsa tla leh va tla râwl ah ka mang lai.

LEVITICUS 26:37

Âukhawm ṭhâwltu umlo hen nanmah leh nanmah nanna pah lai le, mêlma do kho khawm nan si lai lo.

NAHUM 2:4

An kari tla chu khuaruat lo tak hen khualâi ah an ṭawl le, khua sungah a suk a let hen an tek. Meifâr hâwi hen an chêu le, mîmthlalek hâwi hen a lek, an thalkah chu mîmthlalek hâwi hen a zuang.

HABAKUK 3:11

Na thalzum lek zar hen a hawng suak le, na fei chêu a hawng lek. Nî leh thlâ khawm an um kumza.