NAHUM 2:9 - Bawm Common Language Bible Version

⁹ Tangka thlawk u! Ngûn tla thlawk u! Khuapi chu rothil a khat zat!

NAHUM 2:9 ပူးပေါင်းရင်းမြစ်များ

2 CHRONICLES 36:10

Tifûr a tlâk rawh chun Jehoiakin chu Nebukadnezar nih Babulon ah sal ah a put ving le, Biakin ah mi thil-le-rî khawm a kalpi hep. Nebukadnezar nih Jehoiakin patê Zedekiah chu Jerusalem leh Juda lal ah a siam.

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

ISAI 33:4

An neih tla chu anna thuam le, an lâk piak na.

JEREMIA 25:34

Nannih ruitu tla, ṭap u, nannih ka mi vêngtu tla, hâu fâk hen ṭap u! Ulh ule, valei lakah rîl u. Nanmah an thah na ding mi tik a tlung rawh, dawrâ chal tla hâwi hen thah nan si lai.

JEREMIA 46:5

Sikhawmsele LALPA nih, “Zei ka muh ne?” a ti. Ningṭih hen dunglei ah anna her rawh. An kawrsen tla kîrtir hen an um le; lâunâk hen neh hen an um, an chelh rî hen an tek, dunglei rêng an hawng a her lo.

JEREMIA 51:56

Babulon râwk ding hen an hawng le, a kawrsen tla chu neh hen an um le; an chanhtiang kûk tla chu a kiak rawh. Kei chu misual rêptu Pathian kasi. Babulon chu amah hen dêng ding hen ka rêp awt.

EZEKIEL 26:12

Nan neihnâk leh sawlehnâk tla chu nan mêlma tla rangah dingchangnâk asi lai. Nan kulh tla chu an râwk lai le, nan nuamchenhnâk in tla an râwk lai. Lung tla, thing tla, nâwmtâm tla chu an lâk lai le, tipi lakah an lawnh lai.

DANIAL 11:8

An pathian lem tla leh an pathian tla sinah an ap mi ngûn leh tangka tla chu Aigupta ram leiah a kîrpi lai.

NAHUM 3:17

Na rianṭuantu tla chu khâubawk rual vâm lakah a dâi liauah an um mi hâwi an si. Sikhawmsele nî a hawng suak rawh chun an zuang hep le, zeiah an kal rawh ti âukhawm nih an theih lo.

THUPHUANG 18:12

an thil tla chu, ngûn tla, tangkarua tla, lungmantam tla âitikep lung tla, puan mangṭhia tla, puan senduk tla, mâimaw puan tla, puan senlâr tla, thing man tam chi kip tla, sâihâ hen siam mi thil leh thing man tam hen siam mi tla, dâr leh thîr hen siam mi tla, lungvâr hen siam mi tla hen;

THUPHUANG 18:16

‘’Khua rokual, puan mangṭhia leh puan senduk leh sen lâr aih hen, ngûn leh lungmantam leh âitikep lung hen â thuam mi chu a tlûn a pit!