NAHUM 2:2 - Bawm Common Language Bible Version

² (LALPA nih Israel tla chu an mêlma tla nih an rûn lânah mi hâwi hen rokualnâk a pêk na awt.)

NAHUM 2:2 ပူးပေါင်းရင်းမြစ်များ

SAM 47:4

Kan umnâk ding ram hawng kan thîm piak; a dâwt mi minung tla nih anna umsan mi neihnâk chu.

ISAI 60:15

“Kaltâk leh huat hen um mi, khuapi râwk leh a karo hen Um mi na si lai lo rawh. Zungzâl hen lâwmnâk mun, rokual tak leh dawh tak hen ka nan siam lai.

JEREMIA 25:29

Keimah khuapi thawk hen ka râwknâk rian chu ka dawmh awt. Rêp lo hen suak ding ma anna ruat? Si rilmâl lo, rêp an si ngelchel lai, tual tlûnah mi zawzawng tlûnah râltuknâk ka tlungtir awt ruangah. Kei, LALPA Zeizawng tikho nih ka sim asi.

JEREMIA 48:11

LALPA nih, “Moab chu him tak hen a um kumza le, zeiliau khawm ah sal ah put hen a um dahlo. Moab chu uain a dûr ah mi a dang ah tleng lo hen siah ziar mi hâwi asi. A rim khawm â râwk dahlo, a thâwtnâk khawm a mahmun kumza.

JEREMIA 49:9

Mi nih grep an kawih chun, a zûn lakah tâwm an mâk, zân ah mifîr a hawng khawm ah an duh mi cho an lâk.

EZEKIEL 37:21

Churawhchun, kei, LALPA Zahkâi nih an va umnâk phun tla lakah mi ka mi zawzawng chu ka lâk na lai le, ka pumh na lai le, anmah ram takah ka kîrpi nawlh na lai.

EZEKIEL 37:23

Milem fihnungkâi tla hen anna nawmh lai lo rawh le, sualnâk hen anna râwk lai lo rawh. An hawng ka phiarnâk leh an sualnâk zawzawng lakah mi ka lîttir na lai rawh. Ka thiangtir na lai le, ka mi tla an si lai le, kei, an Pathian kasi lai rawh.

HOSEA 10:1

Israel mi tla chu grep zûn rah tak mi hâwi an si, an sul-le-lam tluang hen an um dadauh le, an mâichâm siam khawm a tam dadauh. An ram ah thil suak a tam dadauh le, an sawnh mi lungphun thenhlimh dawh tak an siam mi sawnh ding hen a tam dadauh.

NAHUM 2:10

Ninevi chu a vei rawh, a karo hen a um, a lâwng keng rawh! Thinlung chu ningṭihnâk hen a khat le, chaknâk a vei le, khûp tla a thir; mêl a dâng rê.

NAHUM 3:14

Kulh hualnâk timhtuahnâk ding ah tî than le, na in kulh tla birhtir! Tual rawh siam ding hen nêng chîl, tual rawh chu a siamnâk ah timhtuah!

ZEPHANIAH 3:11

Chu tik chun, ka mi tla, ka lakah nan hel mi kha ningzakkâi tak hen nan um lai lo rawh. Mi â zûm mi leh â khâwng mi tla chu ka veih ver na lai le, ka tlâng thenhlimh ah âukhawm ka lakah nan hel lai lo rawh.