NAHUM 1:3 - Bawm Common Language Bible Version

³ LALPA chu a thinthawk sawm lo le, sikhawmsele thil a ti kho hen misual chu rêp lo hen a siah na lo. LALPA kalnâk ah chun thlipi a râng le, a kê hen valeidip chu sûm hâwi hen a zâmtir!

NAHUM 1:3 ပူးပေါင်းရင်းမြစ်များ

2 SAMUEL 22:10

Vân â ṭhen le, a kê tangah sûm dum hen a hawng ṭum.

NEHEMIAH 9:17

Thu an ngâilo le; na thilti tla khawm an philh ver; anna zûmnâk ruangah Aigupta ram lîlâ ah sal tângpitu ding ah ruitu an thîm. Sikhawmsele, nang chu ngaihdamtu Pathian na si le; an lakah vêl na nei hen, na dâwt na, na thinthawk duh loh, Na khuaruatnâk a rokual le, na kaltâk na lo.

JOB LASUIBU 10:14

Ka sual ding mi muh ding hen na ka ngâk rêt le, churawhchun nangnih ngaihdam ding na ka duhlonâk ding hen.

JOB LASUIBU 38:1

Churawhchun, thli thawk hen LALPA nih Job sinah thu a sim. LALPA nih

JOB LASUIBU 9:4

Pathian chu thungâi a fing le, thil a ti kho; amah do khotu âukham an um lo.

SAM 103:8

LALPA chu khua a ruat hen mi a dâwt, a nunfual hen dâwtnâk dawnglo hen a khat.

SAM 104:3

tî tlûnah na in chu na sak. Sûm tla chu kari hâwi hen na mang. Thli thla tlûnah na chuan.

SAM 145:8

LALPA chu dâwttu leh khuaruattu asi, mi nunfual leh dâwtnâk dawnglo hen khat mi asi.

SAM 147:5

Kan LALPA chu a chak hen a rokual le, a finghnâk chu tah kho asi lo.

SAM 50:3

Kan Pathian chu dâisip hen a hawng lo; thinthawknâk mei chu a mâi ah a um, thlipi ṭihnungkâi chu a kiangkam ah a um.

SAM 62:11

Thiltikhonâk leh a dâwtnâk dawnglo chu amah lak thawk hen mi asi ti Pathian nih a sim mi veikhat ngâk a tam ka theih.

SAM 66:3

“Thil na ti mi tla chu an chê a! Na thiltikhonâk chu a rokual ngâk! Na mêlma tla chu lâu hen na mâika ah an kûn.

ISAI 19:1

Hi hi Aigupta thu ah thuchah asi. LALPA chu sûm tlûnah chuan hen Aigupta ah a hawng kal. Aigupta ram ah milem tla chu a mâika ah an thir le, Aigupta minung tla chu an zer rawh.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

ISAI 66:15

LALPA chu mei hen a hawng lai. An tlûnah a thinthawk mi tla rêp na ding hen thlipi thla tlûnah a hawng a chuan lai.

JEREMIA 4:13

Zauhnik, sûm hâwi hen mêlma tla an hawng. A râltuknâk kari tla chu thli â hêl mi hâwi asi, a rang tla chu mupi ngâk hen an chak. Kan vei mi rawh! Kan vânduai rawh!

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

HOSEA 8:7

Thli an tuh le, ruahpi an ât lai! Phâisen fâng a min lo mi nih chun sang a suah dah lai lo, suah menza khawmsele ramdang mi nih an ei hep lai.

JOEL 2:13

Nan nipuan thlêk cho â tâwk lo, nan thinlung a kuai mi chu nan ngaihsiat zia lang rê seh,” a ti. LALPA nan Pathian sinah hawng kîr u. Anih chu vêlnei leh khuaruatnâk hen khat mi asi. A dawnh kho hen thutiam bir tak hen a kil le; rêp ding tum lo hen ngaihdam ding a tum kumza.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

ZEKARIA 9:14

LALPA chu a mi le tla tlûnah a hawng a langh lai le, mîmthlalek hâwi hen a thalzum tla chu a kah lai. LALPA Zahkâi nih tâwtawrâwt a tum lai le, simlei thawk hen thlipi lakah a kal lai.

NUMBER 14:18

‘Kei, LALPA mi nunfual kasi, mi hel tla lakah zângfahnâk rokual leh sual ngaihdamtu ding hen mi zumhkâi kasi, na ti asi lo ma?’ An nu leh an pa sual ruangah an tu leh an fa tla san thum leh san linâk tiang hen ka rêp na awt ti rawh khawm le;

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

JEM 1:19

Unau duhtak tla, hi hi theih u, mikip nih thu ngâi ding a chuh sele, thusim chu a chuh lah sele, thin sâu seh.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.