NAHUM 1:2 - Bawm Common Language Bible Version

² LALPA Pathian nih heltu a sâithiam lo le, Amah dotu tla chu a rêp na, a thinthawknâk hen lehrûl a sam na.

NAHUM 1:2 ပူးပေါင်းရင်းမြစ်များ

JOB LASUIBU 20:23

A duh tâwk eitir u! Pathian nih a thinthawknâk ṭihnungkâi tak hen a rêp lai.

SAM 94:1

LALPA, nang Pathian mi rêptu chu na si, na thinthawknâk hawng langh!

EXODUS 20:5

Zei ruk khawm sawnh hen kûn lah u, Kei, LALPA nan Pathian kasi, helnâk rêng ka sâithiam lo. Hawng ka huatu tla chu an thlâk tla tusîn fapâr tiang ka rêp na awt.

EXODUS 34:14

“Kei, LALPA nih helnâk ka sâithiam lo ruangah pathian dang rerêng sawnh lah u.

EXODUS 34:7

San sâng tla tiang thutiam kil thlirtu leh sualnâk leh palhnâk ngaihdamtu kasi; sikhawmsele, an tu leh fa tla san thum leh san li thlâk tiang an nu leh an pa sualnâk ruangah ka rêp na ding mi chu an âwl rerêng lai loh,” a ti.

ISAI 42:13

LALPA chu râltuk thiam mi hâwi hen tuk ding hen a kal le; râltuk ding hen thinlung thawk tak hen â timhtuah. Râltuk ding phuang hen a âu; a mêlma tla lakah a thiltikhonâk a langh.

ISAI 51:17

Jerusalem, thawk rawh! A ṭhang le, thawk rawh! LALPA nih a thinthawknâk rêpnâk hâi a nan pêk mi chu na din rawh; Na din hep le, a nan hâwrtir.

ISAI 51:20

Khuadung a ken a pak ah na mi tla chu an uai tuk le an tlû; Sazuk a râltu lên nih a awh mi hâwi an si. Pathian thinrunhnâk an tuar.

ISAI 66:15

LALPA chu mei hen a hawng lai. An tlûnah a thinthawk mi tla rêp na ding hen thlipi thla tlûnah a hawng a chuan lai.

JEREMIA 25:15

LALPA, Israel Pathian nih ka sinah, “Hinah ka thinthawknâk hen a khat mi uain hâi a um. Ka nan fialnâk phun zawzawng tla sinah kal le, hi lakah mi hi dintir na.

JEREMIA 28:8

Khuavâng tla, nangmah leh keimah lânah simtu tla khawm nih râltuknâk, pâmnâk leh râi tla chu phun tam tak leh lalram thiltikho tak tlûnah hawng tlung ding hen an simkan rawh.

JEREMIA 3:5

Na thinthawk kumza lai lo rawh; ka lakah kalh hen na um kumza lai lo rawh,’ na ti. Israel chu hâwi hen thu na sim le, sikhawmsele thilsual na ti ding mi chu na ti nget,” a ti.

JEREMIA 36:7

LALPA nih a thinthawknâk leh a hehhârnâk ṭihnungkâi tak hen a ṭhih na mi asi ruangah an thilsual ti lakah mi chu LALPA lei anna her hen thla an cham lai mawh,” a ti.

JEREMIA 4:4

Nannih Juda mi leh Jerusalem mi tla, ka sinah thudân nan tuk mi chu kil thlir ule, kei nan LALPA lakah hawng a pêk u. Chu hâwi nan ti lo chun thilsual nan ti mi ruangah ka thinthawknâk nih mei hâwi hen an khangh na lai. A kâng lai le, âukhawm mihtu a um lai loh,” a ti.

JEREMIA 50:15

Khuapi hêl dak hen râltuk hâu suah u! Tu chun Babulon â pêk rawh. A kulh tla chu â râwk hen a chim rawh. Babulon mi tla rangah lehrûl ka sam rawh. Churuangah an lakah nan phû lam ule, midang an nehsawh na mi hâwi hen nehsawh bâk na u.

LUNGFÂKNÂK 4:11

LALPA nih a thinthawknâk zawzawng chu a thlah dul; Zion ah mei a tih le, chu nih chun a khangh hep.

EZEKIEL 36:6

“Churuangah kei, LALPA Zahkâi nih phun tla nih zauhnawmh hen an nâuneh na mi ruangah ka thîknâk thinthawknâk thusim chu Israel ram tlâng sâng tla, tlâng tênâu tla, tivatê tla leh tivakuam tla sinah thu chu simh na.

EZEKIEL 38:18

LALPA Zahkâi nih, “Gog nih Israel a do tikah ka thin a thawk lai.

EZEKIEL 38:19

Chu ni ah chun ka thinthawknâk fâk tak hen Israel ram ah lînîn fâk tak a um lai ti ka phuang asi.

EZEKIEL 39:25

LALPA Zahkâi nih, “Sikhawmsele, tu lam chun Jakob thlâk Israel mi tla tlûnah khua ka ruat lai le, sul-le-lam tluang tak hen ka siam na lai. Ka min thenhlimh chu ka hum lai rawh.

EZEKIEL 5:13

“Ka dî a riam lânlo chu, ka thinthawknâk leh ka thinrunnâk na tuar lai. Hi bang zawzawng a hawng tlung tikah nangmah zumh na kâilonâk ruangah ka thinthawknâk ka suah mi thu kei, LALPA nih na sinah ka sim mi asi ti na theih lai.

EZEKIEL 6:12

Lât takah um mi tla khawm damlo hen an thi lai; lam nâi ah um mi tla khawm tuknâk lakah an thi lai; chu lakah a thibang tla khawm sungvâng hen an thi lai. Ka thinthawknâk fâk tak chu an theih hep lai.

EZEKIEL 8:18

Ka thinthawknâk fâk tak an tawng teh lai. Ka zuah na hen an lakah khua ka ruat ding asi lo. An hâu a fâk kho rirî hen ka sinah thla an cham lai le, sikhawmsele ka ngâi piak na ding asi lo,” a ti.

JOEL 2:18

LALPA nih ram chu a sunhsak le, a mi tla rangah khua a ruat.

LEVITICUS 26:28

ka thinthawk hen nan lakah ka lung asi lai lo le, kan rêp na nâk chu a ṭhalo chem mi vei sarih ka hawng tlungtir lai.

MIKAH 5:15

Ka thu ngâilotu phun zawzawng tlûnah ka thinthawknâk fâk tak hen phû ka lam awt,” a ti.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

ZEKARIA 1:14

vânmifial nih LALPA Zeizawng tikho thusim chu sim ding hen hawng ka simh: “Jerusalem, ka khua thenhlimh chu thungâi ka dawn hen ka dâwt.

ZEKARIA 8:2

“Jerusalem chu ka mi dâwt tak tla ruangah a mêlma tla hen ka thin hawng ka thawktir khawmsele amah ṭangpi ding hen ka duh.

NUMBER 25:11

“Phinehas thilti ruangah Israel mi zapi tlûnah ka thinthawknâk chu a reh rawh. Keimah cho lo chu zei pathian khawm sawnh ka duh lo ruangah, churuang tak chun ka thinthawk hen ka veih na lo mi asi.

ROM 12:19

Duhtak le tla, nan phû lam lah u, “Keimah nih lehrûl ka sam lai, Lalpa nih a ti,” ti rîn asi.

ROM 13:4

Thil ṭha ti le, a sawr na tawng lai; anih chu na ṭhatnâk ding hen Pathian rianṭuantu asi. Khawmsele, thilsual na ti chun, ṭih rawh, rêp ding hen a thiltikhonâk chu a tak asi ruangah. Anih chu Pathian rianṭuantu, thilsual titu tlûnah thinthawk hen phu lamtu asi.

DEUTERONOMY 4:24

LALPA nan Pathian chu meialh hâwi asi ruangah; hel mi rêng a saithiam lo.

DEUTERONOMY 7:10

sikhawmsele, amah huatu tla chu rêp ding hen a dawrh na awtlo.

HEBRAI 10:30

“Phulam rerêng chu keimah nih ka lam lai le, keimah nih ka rulh lai,” a ti mi leh, “Lalpa nih a mi tla chu lâi a rêl piak na lai,” a ti mi khawm kan theih.

JOSUA 24:19

Josua nih zapi tla sinah, “Sikhawmsele, LALPA rian nan ṭuan kho ding asi lo. Pathian thenhlimh asi, nan sualnâk a ngaihdam ding asi lo, dotu chu a sâithiam lo.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.