MIKAH 7:9 - Bawm Common Language Bible Version

⁹ LALPA lakah thilsual kan ti, churuang chun a thinthawk kar vial chu kanna dawnh rarâm ding asi. Sikhawmsele a dawnghnâk ah chun hawng kan hum lai le, kan lakah thil diklo tla dik hen a hawng diktir lai. Chêu lakah hawng kan kalpi lai le; ruang hawng kan suah mi muh ding hen kan nung lai.

MIKAH 7:9 ပူးပေါင်းရင်းမြစ်များ

2 SAMUEL 24:17

David nih vânmifial nih mipi a thah mi a muh le, LALPA sinah, “Keimah kasi a sual mi chu. Kei kasi thil diklo titu chu. Hi mipi ngâkṭah tak tla nih zei an sual? Kei leh ka dâwngsung tla rêp dauh na,” a ti.

JOB LASUIBU 23:10

Sikhawmsele, Pathian nih kê ka kâr mi kip hi a theih. Hawng ka nik khawmsele, thenhlimh tak hen hawng ka muh lai.

JOB LASUIBU 35:14

Job, Pathian ka muh kho lo na ti, sikhawmsele, felfê tak hen ngâk, na thu chu a mâika ah a um asi.

SAM 119:154

Râwknâk lakah mi hawng ka vêng hen hawng ka suah le, na thutiam hâwi hen ruang hawng ka suah.

SAM 37:6

Na repnâk, chu nî sunh chir liau hâwi hen a chêutir lai.

SAM 43:1

Pathian, lunglo tla lakah hawng ka vêng hen hawng ka mawhtir lah. Misual leh mi âwkrâwl tla lakah mi ruang hawng ka suah.

SAM 7:6

LALPA, thinrun hen thawk le, ka mêlma tla thinthawknâk ah hin hawng dîr; nangmah ngelchel thawk le, hawng ka ṭangpi! Diknâk chu na duhzia asi.

SAM 94:15

Lâirêlnâk ah chun lâirêl diknâk a lang nawlh lai, mirep tla zawzawng nih anna âwi lai.

ISAI 42:16

“An kal dah lonâk lampi tla ah ka minung mitchâw tla chu ka rui na lai. An mâika ah mûi chu chêu ah ka changtir lai le, ram siakhâ chu rual zat hen ka siam lai. Hi bang tla hi ka thutiam asi le, pakhat khawm relhlo hen ka zûl lai.

ISAI 42:7

Mitchâw mit na deitir lai le, rêngin mûi ah to mi tla chu na suah na lai.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 51:22

LALPA nan Pathian a nan vêngtu nih, “Ka thinthawknâk hâi ka nan pêk mi chu ka lâk ving rawh. A nan hâwrtirtu uain chu na din lai lo rawh.

ISAI 56:1

LALPA nih a mi tla sinah, “Sâwtlotê ah ruang ka nan suah na awt ruangah, a dik mi leh â rep mi chu ti u.

JEREMIA 10:19

Jerusalem mi tla an âu le, “Kan tuar zia a fâk a! Kan liammâ tla chu a dam lai lo rawh. Kannih nih hi hi tuar kho ding mi thil zeimawh ah kan ruat!

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

JEREMIA 51:10

LALPA nih, “Ka mi tla chu, ‘LALPA nih kan dik zia a langhtir. Kan kal lai le, LALPA kan Pathian nih thil a ti mi chu Jerusalem mi tla kan simh na lai, ti hen âu u,’ ” a ti.

LUNGFÂKNÂK 1:18

“A thu ka ngâilo menza khawmsele LALPA chu a dik asi. Mun kip ah mi tla, ngâi ule; ka nganfâk tuar hi hawng ka zauh u. Ka tlangvâl leh nunau tla khawm sal ah an put hep na.

LEVITICUS 26:41

ka lung an sitir lo ruangah an mêlma tla ram ah sal ka tângtir na mi nih an sual tla leh an pu sual tla an lêt lai. A dawnghnâk ah chun nan thlâk tla chu an helnâk leh an sual ruangah rêp an si lai le, anna nautir lai rawh.

MALAKI 3:18

Veikhat chu ka mi tla nih mirep leh misual tlûnah thil a hawng um ding mi tla, ka rianṭuantu leh ṭuanlotu tlûnah â dang zia an muh teh lai,” a ti.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.

1 SAMUEL 24:15

Âu kan diklo dauh LALPA nih lâirêl seh. Hi thu hen LALPA nih lâirêl sele, na lakah mi LALPA nih hawng ka vêng hen hawng ka hum seh,” a ti.

1 SAMUEL 25:39

David nih Nabal thih thu a theih rawh chun, “Nabal hawng ka siarlotu lakah lehrûl sam ding mi leh thil diklo ti ding mi lakah a to-aw hawng ka humtu LALPA chu sawr hen um seh!” a ti. Chun, David nih Abigail hen umh ding mi thu ah mi a fial.

1 SAMUEL 26:10

David nih a sim vima le, “LALPA a nung mi min sal hen ka sim asi, Saul chu amah thihnâk ni ding ah mawh râltuknâk ah LALPA nih a thah awt ti ka theih.

1 SAMUEL 3:18

Churawhchun, thil zawzawng a simh hep, zeitê khawm a pheh loh. Eli nih, “LALPA asi mi chu, ṭha hen a ruat mi zawng a ti lai ta a!” a ti.