MIKAH 7:8 - Bawm Common Language Bible Version

⁸ Kan mêlma tla nih a san umlo hen hawng kan diriamh. Kan tlû le, sikhawmsele kan thawk nawlh lai. Tu chun mûi ah kan um le, sikhawmsele LALPA nih chêu hawng kan pêk teh lai.

MIKAH 7:8 ပူးပေါင်းရင်းမြစ်များ

JOB LASUIBU 31:29

Ka mêlma tla nih vânduai an tawng liau khawm ah ka lâwm dahlo le, anna râwk anna siat liau khawm ah ka lâwm lo.

SAM 112:4

Mi ṭha tla rangah chêu chu mûi a cherhtir, khuaruat mi, vêlnei leh mi dik rangah.

SAM 143:3

Ka mêlma tla nih an ka neh thlo rawh. Mûi rêngin ah a ka khumh le, a thi ving rawh mi hen ka bang cho.

SAM 20:8

Chu hâwi mi zapi tla chu anna suih lai le, an tlû lai, kannih lam chu kan thawk lai le, bir tak hen kan dîr lai.

SAM 27:1

LALPA chu ka chêu leh ruangsuahnâk asi. âukhawm ka ṭih lai loh. LALPA nih chun ṭihnungkâi lakah mi a ka hum le; ka ṭih rêng lai loh.

SAM 35:19

Neh hen ka um mi lakah ka mêlma tla, mi âwkrâwl thusim tla nih hawng ka diriamh ding hen siang lah. A san lo hen an ka huatu tla nih ka lawksawngnâk lakah lâwm hen an ka imh ding siang lah.

SAM 37:21

Misual nih a pûk le, a rulh loh, khawmsele mi ṭha chu tam tak a pêk.

SAM 37:24

Tlû khawmsele, an tlû pawt lai loh, LALPA nih a ṭangpi na awt ruangah.

SAM 38:16

Hamhnâk ka tawng mi lakah ka mêlma tla hawng ka diriamhtir lah le; ka tlû mi ruang hin a zûm lah na seh!

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

SAM 97:11

Mirep tlûnah chun chêu a hawng chêu le, lâwmnâk chu mi ṭha tlûnah a hawng tlung.

ISAI 2:5

Jakob thlâk tla, tuah LALPA nih chêu hawng kan pêk mi lakah kan kal lai!

ISAI 49:9

Rêngtlâ mi le sinah, ‘Thawsuak tak hen Kal u!’ ka ti lai le, mûi lakah um mi tla sinah ‘Chêu leiah hawng suak u!’ ka ti na lai! Tlângah dawrâ tla an tlawng mi hâwi an si lai le;

ISAI 50:10

Nannih LALPA zahtu tla leh a to-aw thu zûltu tla nan kalnâk lampi chu mûi khawmsele LALPA chu zumh ule, nan Pathian lakah a ngauh u.

ISAI 9:2

Mûi ah kaltu tla nih chun chêu rokual tak an muh. Dâidul ram ah an um le, sikhawmsele tu lam chun chêu nih a cherh na.

JEREMIA 48:27

Moab, Israel tla rangah zeitin na nihsanh na zia theih rawh? Rawkmang rual tla nih an tleih na mi hâwi hen na ti na.

JEREMIA 50:11

LALPA nih, “Babulon mi tla, ka phun chu na rûn na. Na lâwm hen na lâwptlo le, chawpinu nih fâng a chîl mi mawh, rang a âwn le â sawk mi hâwi na si,

JEREMIA 8:4

LALPA nih a mi le tla sinah thu sim ding hen hawng ka simh le, “Mi a tlû chun a thawk nawlh lo ma? Mi nih lam a vâi chun a kîr nawlh lo ma?

EZEKIEL 25:6

“Hi hi LALPA Zahkâi nih a sim mi chu asi: Nan za nan bengh le, lâwm bû hen nanna lawk. Israel ram nan zauhnawmh.

EZEKIEL 35:15

a karo hen ka nan siam lai le, niamh hen na um mi lakah laikulh pumpi anna lâwm lai. Asi, Seir tlâng sâng tla Edom ram zawzawng a karo hen an um lai. Churawhchun, mikip nih LALPA kasi ti an theih lai rawh,” a ti.

EZEKIEL 36:5

“Kei, LALPA Zahkâi nih, ka thinthawknâk hen a kiangkam mi phun tla leh a bîk hen Edom kalh hen thu ka sim asi. Lâwm leh siarlo tak hen ka ram tla an lâk le, ram ningno tla anna ting.

AMOS 9:11

LALPA nih, “David lalram, in a tlû le, â râwk mi hâwi chu dirhnawlhnâk ding ni chu a hawng tlung awt rawh. A kulh vâm tla chu ka remh nawlh lai le, a lânah mi hâwitê hen ka dirh nawlh lai. A lânah mi hâwitê hen ka sak hen ka siam nawlh lai.

OBADIAH 1:12

Na unau Juda tla vânduainâk lakah na diriam ding asi lo. An siat ni ah na lâwm ding asi lo, an tuar liauah na nihsanh na ding asi lo.

MIKAH 4:10

Jerusalem mi tla, nunau nih fa a ring awt mi hâwi a, merh le rûm, tuah khuapi kaltâk hen mâng ah na um awt rawh ruangah. Babulon ah sal ah na kal lai le, sikhawmsele chu lakah mi na mêlma lakah mi LALPA nih ruang an suah lai.

MIKAH 7:10

Chu chu kan mêlma tla nih an muh lai le, “LALPA nan Pathian chu zei ah?” ti hen hawng kan nihsanhtu tla chu an ningzak lai rawh. Tualmâi ah nêngthû hâwi hen lamhbêk hen neh an si mi chu kan muh na lai.

ZEKARIA 12:8

Chu tikah chun Jerusalem ah um mi tla chu LALPA nih a hum na lai le, anmah lakah a chak lo chem mi khawm David hâwi hen an chak lai. David thlâk tla nih chun LALPA vânmifial hâwi leh amah Pathian tak hâwi hen an rui na lai.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MATHAI 4:16

Mûi nâwng ah to tla nih chun chêu fâk tak an muh lai, Thihnâk mun leh a thlaliah ah um mi tla tlûnah chun, chêu a hawng suak rawh,’ ti hen, a sim mi kha a hawng tlung khonâk ding hen.

JOHAN 16:20

Thungâi tak hen ka nan simh na, nannih nan mitthli a tlâ lai le, nan ṭap chiam lai le, laikulh lam chu anna lâwm lai; nannih nan ngaihsia lai le, sikhawmsele nan ngaihsiatnâk chu lâwmnâk ah â chang lai.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

2 KORIN 4:9

nehsawh hen kan um le, sikhawmsele kaltâk hen kan um lêm loh; tlû thlo hen hawng kan vuak le, sikhawmsele veih thlo hen kan um loh.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.

THUPHUANG 22:5

Chun, zân a um lai lo le, khâwnvâr chêu leh nî chêu a herh lai lo le, Lalpa Pathian chu an chêu asi ruangah, zungzâl hen lâi a rêl lai rawh.