MIKAH 7:6 - Bawm Common Language Bible Version

⁶ Chu tikah chun mi â nih ti mi hâwi hen an pa rangah an ti lai, fanu tla nih an nu tla an do lai, nungâk tla nih an ni le an tawhpi lai. Mi, a mêlma tla chu amah dâwngsungkhur ah mi asi.

MIKAH 7:6 ပူးပေါင်းရင်းမြစ်များ

GENESIS 49:4

Nang chu tîlian hâu hâwi na si, Sikhawmsele, mi herh chem chu na si lai lo, Ka nupisûn na ihpi ruangah leh ka ihkhun na nawmh ruangah.

2 SAMUEL 16:11

Churawhchun, David nih Abisai leh a rianṭuantu tla sinah, “Ka fapa ngelchel nih thah ding a hawng ka awt, churuangah hi Benjamin mi thilti hi zei rangah chê nan ti? LALPA nih ti ding hen a simh mi asi. Churuangah amah chu mâk thlap ule, ti ko seh.

SAM 41:9

Ka hâwikawmh chem, ka zumh chem mi, buh munkhat hawng ka eipitu chu ka leido a hawng si.

THUFING LASUIBU 30:11

Mi zeimaw mi nih an pa siat an barh le, an nu thinlung duhzia hen an umlo.

THUFING LASUIBU 30:17

Âuzawng a pa nihsanhtu leh a tar nûnah a nu zauhnawmhtu chu, mulukawlh nih a sa an ei hen langâk tla nih a mit chawih seh.

ISAI 3:5

Khatlei khatlei a nâuneh tawnh hen an um lai. Seino tla nih anmah ngâk upa an zah lai lo le, zeikhawm chawhchân lo mi tla khawm nih an hotu an zah lai loh.

ISAI 9:19

LALPA Zeizawng tikho chu a thinthawk ruangah, a rêpnâk nih chun ram pumpi mei hâwi hen a khangh le, mi zapi tla a veih na, mikip mah rang chiau asi.

JEREMIA 12:6

Na dâwngsungkhur lakah mi na unau tla men nih a nan perpet hen nangmah do ding hen anna bawp. Kawmh tak hen thu sim na khawmsele zumh lah na,” a ti.

JEREMIA 20:10

Mikip nih, “Mun kip ṭihnung a kâi rawh! Thuneitu tla sinah kan sim lai! ” ti hen thu thup an ruat mi ka theih. Ka hâwikawmh ṭha tla khawm nih, niamh hen ka um ding mi an ka bawh ko. “Perpet asi kho lai mawh,” asi kho chun, “Kan tleih lai le, phû kan lam lai,” an ti.

JEREMIA 9:4

Mikip mah hâwi lakah anna vêng ding asi, unau kip chu Jakob hâwi hen perpettu leh mikip mah hâwi tla sâwitu an si ruangah pakhat khawm nih a hâwi tla a zumh kho lo rawh.

EZEKIEL 22:7

Khuapi lakah âukhawm nu leh pa zahtu an um lo. Ramdang minung chu na perpet le, numei leh mi ngâkṭah tla chu dingchangnâk ah na mang na.

OBADIAH 1:7

An ṭangpitu tla nih an perpet asi; na ram sungah mi an nar ving rawh. Nangmah hen rem tak hen nan um mi tla nih tu chun an neh rawh. Munkhat hen tî-le-râwl an ei mi nih na rangah thang an tunh. ‘Finghnâk a nei mi zeiah a um rawh?’ a nan ti.

MATHAI 10:21

“Chun, thah ding hen unaupa leh unaupa anna tleihtir lai le, pa khawm nih a fa a tleihtir ber lai; fa tla khawm nih an nu leh pa tla an do lai le, an thahtir na lai.

MATHAI 26:23

Chun, anih nih chun, “Khêng hawng ka purhpitu tak nih a hawng ka tleihtir lai.

LUK 12:53

pa nih a fapa, a fapa nih a pa; a nu nih a fanu, a fanu nih a nu; a nînu nih a mo, a mo nih a nînu a do lai,” a ti.

LUK 21:16

Chun, nan nu leh pa tla, nan unau tla, nan rualsia tla, nan hâwi tla nih an tleihtir na lai; a zeimaw mi an nan thah na lai.

JOHAN 13:18

“Nan ektê thu ka sim lo; ka thîm mi tla chu ka theih, sikhawmsele chu chu, ‘Ka sang eitu nih a hawng ka leido rawh,’ ti Pathian lasui thu kha a hawng tlung khonâk ding asi.