MIKAH 7:4 - Bawm Common Language Bible Version

⁴ An lakah mi ṭha chem leh zumhkâi chem ti mi khawm belh hâwi hen zeirang khawm an tlâklo. Khuavâng tla mang hen Pathian nih rêp ding hen a simhkan mi ni chu a tlung rawh. Tuah chun anna nawk rawh.

MIKAH 7:4 ပူးပေါင်းရင်းမြစ်များ

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 22:5

Tu hi ningṭih tik, neh tik leh tivakuam ah langhnâk lakah nawknâk LALPA Zeizawng tikho nih kan lakah a hawng fial mi tik chu asi. Kan khuapi kulh tla chu chim rel hen an dêng le, ṭangpi duh hen âu hâu nih tlâng tla a râwng.

ISAI 55:13

Bua nâwngah far thing chi dang tla a kho lai le, Lênmui kûng tla chu bualingnei ruangrûl ah a kho lai. Chu chu zungzâl um ding mi singsiahnâk asi lai le, Kei, LALPA nih ka ti mi theihtir nawlhnâk asi,” a ti.

JEREMIA 10:15

Mangtlâklo leh zauhnawmh ding mi an si le; LALPA, anmah do ding hen a hawng tik chun an vei lai.

JEREMIA 11:23

Anathoth mi tla lakah siatnâk tlung ding hen tik ka ruat rawh, chu chu a tlung tik chun pakhat khawm an dam lai lo,” a ti.

JEREMIA 46:21

A kawrsen a mang mi tla khawm chawlâ ṭangpitu hâwi hen an um. An dîr hen an do lo le, an ektê hen anna her le, an tek hep. An vânduai ni leh an siatnâk tik a tlung rawh.

JEREMIA 8:12

Ka mi tla, hi bang thil fihnungkâi nan ti ruangah nan ning a zak ma? Zak lo, na ning zak lo thlo; ningzak khawm nan theih lo! Churuangah midang an tlû mi hâwi hen nan tlû bâk lai, ka nan rêp na tikah nan dawnghnâk asi lai rawh. Kei, LALPA, nih ka sim asi.

EZEKIEL 2:6

“Sikhawmsele, nang thikho mi minung, anmah leh an thusim chu na ṭih ding asi lo. An zauhnawmh hen an siar lai lo; tlâng cha-âi nâwngah um mi hâwi na si lai. Chubang an hel mi leh an thusim tla chu zeiliau khawm ah ṭih lah.

EZEKIEL 28:24

LALPA nih, “Israel kiangkam ah phun amah zauhnawmhtu tla chu ling leh bua hâwi hen a rangah nganfâk pêktu an si lai lo rawh. Kei, LALPA Zahkâi kasi ti an theih lai,” a ti.

AMOS 8:2

LALPA nih, “Amos, zei na muh?” hawng ka ti. “Theirah bâwm khat,” ti hen ka sâng. LALPA nih ka sinah, “Ka mi Israel rangah a dawnghnâk a hawng tlung. Ka rêp na ding mi lakah ka lêt ding asi lo.

NAHUM 1:10

Banhtu ling leh fapawn a châr mi hâwi hen na kâng hep lai!

LUK 21:25

“Chun, nî, thlâ leh ârfi tla ah singsiahnâk a um lai. Tisumsumriat rûm leh a tlingtlawk ruangah tual ah khawm phun kip hamhnâk leh lawksawngnâk a tlung lai;

HEBRAI 6:8

Sikhawmsele, ling tla leh bua tla a suah chun zeirang khawm ah a tlâktlâi loh, Pathian siatbarh ṭihnungkâi nâk ah a um le, chun mei hen duah asi lai.