MIKAH 7:3 - Bawm Common Language Bible Version

³ Sual leikângah ti chu an thiam ver, rianṭuan ding leh lâirêl ding hen nawhnâk an hauh. Mi kuaih khotu nih a duh thu chu a simh na le, churawhchun a ti dân an ruat tawnh.

MIKAH 7:3 ပူးပေါင်းရင်းမြစ်များ

THUFING LASUIBU 16:30

Nangmah rangah lipha hen zei siarlo tak hen an zauhtu chu zauh set. Thil diklo zeimawh an dawn mi asi.

THUFING LASUIBU 17:23

Siatnâk ding ah lâirêlnâk diklo nih nawhnâk a lâk le, sikhawmsele lâirêlnâk dik nih a ti duh lo.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

ISAI 26:21

LALPA chu vân ah a umnâk thawk hen tual ah mi tla an sual ruangah rêp ding hen a hawng kal. A thuptê hen tual tlûnah mi thahtu tla khawm a puang lai le, thah hen a um rawh mi tla khawm tual nih a thuh lai lo rawh.

ISAI 3:5

Khatlei khatlei a nâuneh tawnh hen an um lai. Seino tla nih anmah ngâk upa an zah lai lo le, zeikhawm chawhchân lo mi tla khawm nih an hotu an zah lai loh.

ISAI 32:7

Mi mâwl chu a sual le, thilsual a ti; mipâm tâ chu âwkrâwl hen veitir a tum.

ISAI 5:23

Sikhawmsele nawhnâk ruangah misual chu dik hen na siam, midik lam chu a dik sual lebang lai ti hen na vêng rêt.

JEREMIA 3:5

Na thinthawk kumza lai lo rawh; ka lakah kalh hen na um kumza lai lo rawh,’ na ti. Israel chu hâwi hen thu na sim le, sikhawmsele thilsual na ti ding mi chu na ti nget,” a ti.

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

JEREMIA 8:10

An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

EZEKIEL 22:12

Na mi lakah a zeimaw mi nih a man lâk hen mi an thah. A zeimaw mi nih mah hâwi Israel mi lakah pûk an pêk mi lakah a pung an lâk, anmah lakah dingchangnâk lâk hen neihnâk an tawng. An hawng ka philh rawh,” a ti. LALPA Zahkâi nih a sim.

EZEKIEL 22:27

Sawrkar rianṭuantu tla chu, chingngia nih ramsa an thah mi sâm diptu hâwi an si. Nei ding duh hen mi an thah na.

EZEKIEL 22:6

Israel ruitu tla zawzawng chu anmah chaknâk an rinhsanh le mi an thah.

EZEKIEL 34:21

A nganfâk mi chu khatlei kângah nan eng le, a rual lakah mi chu nan tul ving.

EZEKIEL 9:9

Pathian nih a sâng le, “Israel leh Juda mi tla nih thilsual ṭihnungkâi tla an ti, ram pumpi ah mi an thah na le, Jerusalem chu buarnâk hen an khattir. Kei, LALPA nih an ram chu kaltâk hen anmah tla ka muh na lo rawh mi hâwi hen an sim.

HOSEA 4:18

Uain cherkhet an din rawh chun, anna zuarnâk lakah anna lâwm le, zahkâinâk ngâk hen ningzaknâk an thîm dauh.

HOSEA 7:3

LALPA nih, “Mi nih an thilsual an ruatnâk hen lal leh milian tla an perpet na.

AMOS 5:12

Sual ṭihnungkâi tatak nan ti mi leh dân tam tak nan buar mi tla ka theih, mi ṭha tla nan nehsawh na le, nawhnâk nan lâk, mipâm tla khawm lâirêlnâk ah an dik mi khawm diklo hen nan tuah na.

MIKAH 2:8

LALPA nih a sâng le, “Ka mi tla chu mêlma hâwi hen nan do na. Râltuknâk thawk hen mi tla chu in leiah him ziar a um ding tum hen an hawng kîr le, sikhawmsele chunah nannih nih an dunglei ah an kawrdawh tla fîr piak na ding hen nan bawh na ko.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MIKAH 3:2

sual leikâng chu nan duh, ka mi tla nung bû hen an vun nan lîk le, an ruh lakah mi an sa tla nan khelh.

MATHAI 26:15

“Amah chu kan tleihtir na lai le, zei nan ka pêk lai?” a ti. Chun, tangka shekel sâwmthum pêk ding an tiamh.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.