MIKAH 7:20 - Bawm Common Language Bible Version

²⁰ A lânah hawng kan thlâktu sinah thu na tiamh mi hâwi hen zumh na kâinâk leh na dâwtnâk dawnglo Abraham leh Jakob thlâk na mi tla sinah na langh lai.

MIKAH 7:20 ပူးပေါင်းရင်းမြစ်များ

GENESIS 24:27

“LALPA, ka pu Abraham Pathian chu sawr hen um seh, ka pu sinah zumhkâi tak hen thutiamtu chu. LALPA nih ka pu chik-le-ngerh sinah tluang tak hen hawng ka tlengtir rawh,” a ti.

GENESIS 32:10

Na to-aw rangah na vêlneihnâk leh zumh na kâinâk hawng ka tawngtir ding hen ka tlâklo. Jordan va ka kanh liauah chun ṭhianṭhunh pakhat lo chu zeikhawm ka nei lo, tu chun hi bang murui nih hen ka hawng kîr nawlh rawh.

JEREMIA 33:6

Sikhawmsele hi khuapi leh a mi tla hi ka damh na lai le, nung dam hen ka umtir nawlh na lai. Thlangamnâk leh himnâk tam tak ka muhtir na lai.

DEUTERONOMY 7:12

“Hi thupêk hi nan ngâi hen zumhkai tak hen nan zûl chun LALPA nan Pathian nih nan sinah thu a tiamh mi chu a theihkumza lai le, a nan thlâk natu sinah thu a tiamh mi hâwi hen a dâwtnâk dawnglo a nan muhtir kumza na lai.

DEUTERONOMY 7:8

Sikhawmsele LALPA nih an dâwt na le, an thlâk natu sinah thu a tiamh mi zûltu siding hen an duh na. Churuangah asi, Aigupta lalchem sal nan si mi a chaknâk hen ruang an suah na mi chu.