MIKAH 7:19 - Bawm Common Language Bible Version

¹⁹ Kan tlûnah khua na ruat nawlh nget lai, kan sual tla chu na kê tangah na lamhbêk hen tipi tawdeng ah na siah ving lai.

MIKAH 7:19 ပူးပေါင်းရင်းမြစ်များ

2 SAMUEL 24:14

David nih, “Dîrmun ṭhalo tak ah ka um rawh asi! Sikhawmsele minung rêp chu ka duh lo. Hawng ka rêp ding hen amah LALPA si dauh seh, anih chu khuaruat khotu asi ruangah,” a ti.

SAM 103:12

Sak leh thlang anna lât hâwi hen, kan lakah mi sual chu kanmah thawk hen lât takah a ṭhial.

SAM 130:8

Israel mi tla chu an sual zawzawng lakah mi ruang a suah na lai.

SAM 85:3

An lakah na thinthawknâk chu na lêt le; na thinrunhnâk fâk tak chu na nâwp.

ISAI 33:24

Kan ram lakah um mi minung âukhawm damlo ruangah chipchiarnâk an nei lai lo le, sualnâk zawzawng chu ngaihdam asi lai rawh.

ISAI 38:17

Ka ngaihsiatnâk chu thlangamnâk ah â chang lai. Ṭihnungkâi lakah mi ka nungnâk chu na hum le; Ka sualnâk zawzawng na ngaihdam rawh.

ISAI 43:25

Sikhawmsele na sual ngaihdamtu Pathian kasi, keimah kasi ruangah chu chu ka ti asi. Na lakah sual chu ka theihkumza lai loh.

JEREMIA 31:20

“Israel, nang chu ka fapa duh chem, ka nan dâwt chem mi na si. Na min ka sim kip ah ka nan dâwt mi ka dawn tâwn. Na sinah ka thinlung a um le; khua ka ruat lai.

JEREMIA 31:34

A mêchem thawk hen a lianchem mi nih an ka theih awt ruangah, ram lakah mi âukhawm nih LALPA theih ding hen an hâwi le tla sîntir an herh lai lo rawh. An sual tla ka ngaihdam na lai le, an thilsual ti khawm ka theihkumza lai lo rawh. Kei, LALPA nih ka sim asi,” a ti.

JEREMIA 33:8

Ka lakah sualnâk an ti mi chu ka thiangtir na lai le, an sualnâk leh an helnâk chu ka ngaihdam na lai.

JEREMIA 50:20

Chu tik chu a hawng tlung chun Israel lakah leh Juda lakah sualnâk leh ṭhatlonâk muh asi lai lo rawh, an nungnâk ka zuah na mi tla chu ka ngaihdam na awt ruangah. Kei, LALPA nih ka sim asi,” a ti.

LUNGFÂKNÂK 3:22

LALPA dâwtnâk leh khuaruatnâk chu tlawlh dahlo hen a um vima.

LUNGFÂKNÂK 3:32

Ngaihsia tak hen hawng kan umtir kho. Sikhawmsele, hawng kan dâwtnâk chu a fâk thlo asi ti theih chia asi.

EZEKIEL 18:22

Thil dik a ti ruangah a sualnâk zawzawng tla ngaihdam si hen a nung lai.

EZEKIEL 39:29

Ka mi Israel tla tlûnah ka thlarau ka tawih lai le, anmah tla ka kaltâk na lai lo rawh. Kei, LALPA Zahkâi nih ka sim asi,” a ti.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

HOSEA 14:4

LALPA nih, “Ka sinah ka mi tla chu ka kawh nawlh lai. Ka thinlung zawzawng hen ka dâwt na lai le, an lakah ka thin a run lai lo rawh.

ZEKARIA 3:4

Vânmifial nih chun vânminung um mi tla sinah, “Hi minung nih puan bâl tak â aih mi hi lît piak u,” a ti. Churawhchun, Josua sinah, “Na sualnâk chu ka lâk ving rawh le, puan thar aih ding ka nan pêk lai,” a ti.

ROM 6:14

Sualnâk nih nan tlûnah thu a nei awtlo rawh, Dân lâirêl hen um nan si lo le, zângfahnâk lâirêl hen um nan si dauh.

ROM 8:13

Taksa duh dân hen nan um chun nan thi ngelchel ding asi. Sikhawmsele, taksa thilti tla chu Thlarau ah nan thah tâwn chun nan nung lai.

DEUTERONOMY 30:3

LALPA nan Pathian nih nan lakah khua a ruat lai. A nan rek na nâk phun lakah mi chu an kîrpi nawlh na lai le, sul-le-lam tluang tak hen an siam nawlh na lai.

DEUTERONOMY 30:6

LALPA nan Pathian nih nanmah leh nan thlâk tla rangah ê-aw ngâinâk thinlung a nan pêk na lai le, churawhchun nan thinlung zawzawng hen amah nan dâwt lai le, chu ram ah chun nan um kumza lai.

DEUTERONOMY 32:36

Chaknâk zeikhawm an nei lo rawh ti a muh tikah a mi le tla chu LALPA nih ruang a suah na lai. ṭangpi an herh mi a muh na tikah a rianṭuan piaktu tla tlûnah khua a ruat lai,

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 8:12

“An buarnâk tla lakah khua ka ruat lai le, an sual tla khawm ka theih kumza lai lo rawh,” a ti.

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.