MIKAH 7:18 - Bawm Common Language Bible Version

¹⁸ LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

MIKAH 7:18 ပူးပေါင်းရင်းမြစ်များ

GENESIS 4:7

Thil dik ti le chu na nihsuak ding mi; khawmsele thilsual na ti ruangah sualnâk nih na inkhâr bul ah an bawh ko. Chu sualnâk nih chun na tlûnah thuneih a duh le, chu chu na neh ding asi,” a ti.

1 Lal 8:23

“Israel LALPA leh Pathian, tlûnlei mi vân ah leh tanglei mi tual ah nang hâwi hi pathian dang âukhawm an um lo! An thinlung zawzawng hen na lakah ê-aw ngâi tak hen an um liauah chun thu na tiamh na mi hâwi hen an lakah na dâwtnâk na langh tâwn.

2 CHRONICLES 30:9

LALPA sinah nan hawng kîr chun nan unau sal ah put hen an um mi tla khawm anmah a lungkham na lai le, in leiah a tlungtir nawlh na lai, LALPA nan Pathian chu mi vêlnei leh khuaruat kho mi tak asi, a sinah nan kîr chun anih nih a nan pawm na lai,” ti hen.

2 CHRONICLES 6:21

Ka thlachamnâk leh Israel mi tla thlachamnâk khawm, hi leikâng hawi mi vial chu ngâi rawh. Na vân in thawk hen hawng kan ngâi le, hawng kan ngaihdam rawh.

NEHEMIAH 9:17

Thu an ngâilo le; na thilti tla khawm an philh ver; anna zûmnâk ruangah Aigupta ram lîlâ ah sal tângpitu ding ah ruitu an thîm. Sikhawmsele, nang chu ngaihdamtu Pathian na si le; an lakah vêl na nei hen, na dâwt na, na thinthawk duh loh, Na khuaruatnâk a rokual le, na kaltâk na lo.

SAM 103:13

Pa nih a fa tla lakah thinlung a nei hâwi hen, LALPA nih amah zahtu tla lakah thinlung a nei.

SAM 130:4

Sikhawmsele nangnih na kan ngaihdam le, zah tak hen kan zûl khonâk ding hen.

SAM 35:10

Ka thinlung tak hen LALPA sinah chun, “Nang hâwi hi pakhat khawm an um lo. Mi chak thawk hen mi chaklo ruang na suah, mi ngâkṭah chu nehsawhtu thawk hen ruang na suah.”

SAM 65:3

Mun kip ah mi tla an sual ruangah na sinah an hawng lai. Kan sualnâk nih hawng kan neh le, sikhawmsele nangmah nih na kan ngaihdam.

SAM 65:4

Nangnih na thîm na mi tla, na mun thenhlimh ah um ding hen na hawngpi na mi chu an lâwptlo. Na in ah mi thil ṭha leh na Biakin thenhlimh ah malsâwmnâk hen kan khim lai.

SAM 71:19

Pathian, na repnâk nih vân a dêng. Thil rokual tak tla na ti le, nangmah hâwi âukhawm an um lo.

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

SAM 89:6

LALPA, nang hâwi vân ah âukhawm an um lo; vân minung tla lak khawm ah nang tluk âukhawm an um lo.

SAM 89:8

LALPA Pathian, Zeizawng tikho, nang hâwi âukhawm mi chak an um lo; LALPA, thil zawzawngah zumh na kâi.

EXODUS 15:11

LALPA, pathian tla lakah nang hâwi âu me um? Thenhlimhnâk leikângah chê tak mi nang hâwi âu me um? ‘Nangmah hâwi hen mi chak leh thilchê tikho âu me um?

EXODUS 34:9

“LALPA nangmah lawmhkâng mi kasi chun kan sinah hawng ding hen ka nan ngiar, hi minung tla hi an lung a khung le, sikhawmsele, kan palhnâk leh kan sual tla hawng kan ngaihdam le, nangmah mi takah hawng kan ruat rawh,” a ti.

ISAI 1:18

LALPA nih, “Tuah thu kan rêl lai. Nan sualnâk chu sen khawmsele, vûr hâwi a vâr hen ka nan ṭâwl na lai. Nanna buaih mi chu sen duk rê khawmsele, samul hâwi hen nan vâr lai.

ISAI 33:24

Kan ram lakah um mi minung âukhawm damlo ruangah chipchiarnâk an nei lai lo le, sualnâk zawzawng chu ngaihdam asi lai rawh.

ISAI 38:17

Ka ngaihsiatnâk chu thlangamnâk ah â chang lai. Ṭihnungkâi lakah mi ka nungnâk chu na hum le; Ka sualnâk zawzawng na ngaihdam rawh.

ISAI 40:18

Pathian chu âu hen me kan tahṭhimh kho lai? Zei hâwi asi na sim kho lai ma?

ISAI 40:25

Pathian thenhlimh hi âu hen me tahṭhimh kho asi lai? Amah hâwi mi midang an um rerêng ma?

ISAI 43:25

Sikhawmsele na sual ngaihdamtu Pathian kasi, keimah kasi ruangah chu chu ka ti asi. Na lakah sual chu ka theihkumza lai loh.

ISAI 44:22

Sûm ka thiangtir mi hâwi hen na sualnâk chu ka thiangtir. Nangmah ruang an suahtu kasi; ka sinah hawng kîr rawh,” a ti.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

ISAI 57:10

Nanmah khawm pathian dang hâwl hen nan dî phah rê rawh, sikhawmsele nan bâng dahlo rih. Nan milem fihnungkâi nih chaknâk an pêk na ding nan ruat le, churuang chun nan lung a dawng kho lo mi asi.

ISAI 57:16

Ka mi tla chu nungnâk ka pêk tâwn le, an lakah phiarnâk leh thinthawknâk ka umtir kumza awtlo.

ISAI 62:5

Tlangvâl nih nungâk thenhlimh mo a lâk mi hâwi hen A nan siamtu nih a nan umpi lai. Pasal chu a nupi thar lakah â lâwm mi hâwi hen, Na Pathian chu na lakah â lâwm lai.

ISAI 64:9

churuang chun kan lakah na thinthawk tuktarâi lah le, kan sualnâk kan tlûnah siah kumza lah. Na mi tla kan si le; kan lakah khuaruat rawh.

ISAI 65:19

Keimah ngelchel khawm Jerusalem leh a mi tla ruangah ka lâwm lai. Chunah chun ṭapnâk khawm a um lai lo, ṭangpi ding sâwmtu khawm a um lai lo.

JEREMIA 3:12

Israel sinah kal hen thu va sim ding hen hawng ka simh, “Zumhkâilo Israel, ka sinah hawng kîr rawh. Kei chu mi khuaruat mi kasi, ka thin a run lai lo; na lakah ka thinrun kumza ding asi lo.

JEREMIA 3:5

Na thinthawk kumza lai lo rawh; ka lakah kalh hen na um kumza lai lo rawh,’ na ti. Israel chu hâwi hen thu na sim le, sikhawmsele thilsual na ti ding mi chu na ti nget,” a ti.

JEREMIA 31:20

“Israel, nang chu ka fapa duh chem, ka nan dâwt chem mi na si. Na min ka sim kip ah ka nan dâwt mi ka dawn tâwn. Na sinah ka thinlung a um le; khua ka ruat lai.

JEREMIA 31:34

A mêchem thawk hen a lianchem mi nih an ka theih awt ruangah, ram lakah mi âukhawm nih LALPA theih ding hen an hâwi le tla sîntir an herh lai lo rawh. An sual tla ka ngaihdam na lai le, an thilsual ti khawm ka theihkumza lai lo rawh. Kei, LALPA nih ka sim asi,” a ti.

JEREMIA 32:41

An rangah thil ṭha ti ding hen thinlung thawk tak hen ka ti lai le, hi ram hi luah kumza ding hen ka birhtir na lai.

JEREMIA 33:8

Ka lakah sualnâk an ti mi chu ka thiangtir na lai le, an sualnâk leh an helnâk chu ka ngaihdam na lai.

JEREMIA 38:8

Ebedmelek chu chunah lal um mi sinah a va kal le,

JEREMIA 50:20

Chu tik chu a hawng tlung chun Israel lakah leh Juda lakah sualnâk leh ṭhatlonâk muh asi lai lo rawh, an nungnâk ka zuah na mi tla chu ka ngaihdam na awt ruangah. Kei, LALPA nih ka sim asi,” a ti.

JEREMIA 9:24

Mi nih putso ding mi a duh chun, keimah hawng ka theih mi leh hawng ka theihthiamnâk putso seh, ka dâwtnâk chu a dawnglo hen repnâk leh diknâk ka ti ruangah. Chubang tla nih hawng ka lawmhtir. Kei, LALPA nih ka sim asi,” a ti.

EZEKIEL 18:23

Misual a thi mi muh hen a lâwm ding hen ma nan ka ruat?” LALPA Zahkâi nih a ti. Ka lâwm rîlmâl lo, rim hen a nung mi muh ka duh dauh.

EZEKIEL 33:11

Kei, LALPA Zahkâi Pathian nung kasi sung zawng chu ka mitmuh hen misual a thi mi lakah lâwmnâk ka nei kho lo ti simh na. An sual rim hen an nung mi muh ka duh dauh asi. Israel, na thilsual ti bâng rawh. Zei rangah thi ding na duh eu?

EZEKIEL 33:16

Thilsual a ti mi tla ka ngaihdam lai le, thil dik leh thil ṭha a ti ruangah a nung lai.

DANIAL 9:9

Na lakah hel menza khawmsele, kan lakah khua na ruat hen na kan ngaihdam.

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

HOSEA 14:5

Israel mi tla sinah, ram châr lakah ruah sûr mi hâwi kasi lai. Chawmpâr hâwi hen an ên lai, Lebanon ah thing tla hâwi hen ram bir tak an thlâk lai.

JOEL 2:32

“Jerusalem ah mi zeimaw mi tla, keimah nih ka thîm na mi tla chu an âwl lai,’ ” ti hen LALPA nih a sim mi hâwi hen.

AMOS 1:11

LALPA nih, “Edom mi tla chu an sual nûnah an sual nawlh ruangah ka rêp nget na awt. An unau Israel tla an thah na le, an lakah khuaruatnâk an nei lo. An thinthawknâk chu a dawng hen a bâng kho lo.

AMOS 7:8

Anih nih, “Amos, zei na muh?” ti hen hawng ka deih. Kei nih ka sâng le, “Tahnâk rî,” ka ti. Churawhchun, anih nih “Rî hen tahlo mi vâm an sizia langhtir ding ka tum mi asi. Anmah ka rêp na awt mi thinlung ka lêt awtlo.

AMOS 8:2

LALPA nih, “Amos, zei na muh?” hawng ka ti. “Theirah bâwm khat,” ti hen ka sâng. LALPA nih ka sinah, “Ka mi Israel rangah a dawnghnâk a hawng tlung. Ka rêp na ding mi lakah ka lêt ding asi lo.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

MIKAH 2:12

“Sikhawmsele nannih Israel mi tla lakah um rih mi tla, munkhat ah ka nan pumh ver na awt. Dawrâ tla an kâwm sungah an hawng kîr mi hâwi hen kan kîrpi na lai. Ram ningno dawrâ a khat mi hâwi hen nan ram chu nan khat zat nawlh teh lai,” a ti.

MIKAH 4:7

Mikhêng in thawk hen lât takah um mi an si le, chubang a thibang tla hen a thartê hen dawmh nawlhnâk ka siam lai le, phun rokual tak ah an um lai. Chu thawk hen chun kumleza hen Zion tlângah an tlûnah lâi ka rêl lai,” a ti.

MIKAH 5:3

Churuangah LALPA nih a mi tla chu fapa ring lânlo chu an mêlma sinah a mi chu a kaltâk awt rih. Churawhchun, ram sungah a hâwi tla sal ah an um mi tla chu anmah minung tla hen anna fawnh nawlh lai.

MIKAH 7:14

LALPA, na thîm mi na minung tla lakah vêngtu si rawh. Ramkaro ah a dangtê hen um menza na khawmsele an kiangkam ah ram ningno tak a um. A lânah an um mi hâwitê hen ram ṭha Basan leh Gilead ram ah kaltir na le, châwm na.

ZEPHANIAH 3:17

LALPA, nan Pathian chu nan sinah a um le; a thiltikhonâk nih nehnâk an pêk na. LALPA chu nan lakah â lâwm lai le, amah dâwtnâk ah nunchan thar a nan pêk na lai. Nan tlûnah la sak hen â lâwm lai.

NUMBER 23:21

Israel tla nih mâilei ah vânduainâk Leh nawknâk an tawng lo ding mi ka muhkanh asi. LALPA an Pathian chu an sinah a um le; An lalchem asi ti an phuang.

LUK 15:32

Lâwptlo tak hen kan um ding asi, hi na nau hi a thi le, a hawng nung nawlh rawh; a tlâu le, kan tawng nawlh rawh asi hi,’ ” a ti.

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

ROM 11:4

Sikhawmsele, Pathian nih zeitin me a sâng? “Baal mâika ah siksidîr dahlo mi sâng sarih keimah rangah ka zuah ko asi,” ti hen a sâng.

DEUTERONOMY 33:26

Israel mi tla, nan Pathian hâwi hi zei pathian khawm a um lo. Rokual tak hen vân ah â chuan le, Nanmah ṭangpi ding hen sûm lakah chuan hen a hawng kal.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

LÂIRÊL 10:16

Churawhchun, ramdang pathian chu kaltâk hen LALPA chu an sawnh rawh; chun Israel tuarnâk ruangah chun a lawksawng rawh.