MIKAH 7:16 - Bawm Common Language Bible Version

¹⁶ Phun tla nih chu chu an muh hen chak ding ngangâk hen an lawk lam a sawng lai. An lung a dawng tuktarâi ah an kâ an chîp lai le, an nâ tla an phih lai.

MIKAH 7:16 ပူးပေါင်းရင်းမြစ်များ

JOB LASUIBU 21:5

Hawng ka zauh. Thinlung purh khit hen dâi dep ka nan siam ding mi chu a tâwk lo ma?

SAM 126:2

Nih leh khêk hen, lâwmnâk la sak hen kan um le! Phun dang tla nih anna thawh le, “LALPA nih an rangah thil rokual tak a ti,” an ti.

THUFING LASUIBU 30:32

Mi rangah zauhnawmh leh thilsual ti tum hen na â mi asi chun, a ngâichâng le, ruat set!

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 52:15

Sikhawmsele tu lam chun phun tam tak nih amah chu chê an ti lai le, lalchem tla khawm nih chê an ti tuk lai le, sim ding an theih lai lo. An theih dahlo mi thil tla chu an muh hen an theihthiam lai rawh,” a ti.

ISAI 66:18

An thinlung dawn leh an thilti chu ka theih. Phun zawzawng tla lakah mi pumh ding hen ka hawng. An hawng a pûm tikah ka thiltikhonâk nih a ti kho zia an muh lai le,

EZEKIEL 38:23

Hi hâwi hen phun zawzawng tla chu ka rokual zia leh ka thenhlimh zia ka zauhtir na lai. Chu tikah kei LALPA kasi ti an theih lai,” a ti.

MIKAH 3:7

Mâilei thu um ding mi simhkanhtu chu a diklonâk nih ningzak â saih lai. Pathian nih a sâng na lo ruangah nâutir hen an um hep lai.

MIKAH 5:8

Phun lakah a um rih mi tla chu chakeibaknei thing mun ah ei ding a hâwl mi hâwi mawh an tlawngnâk ah â sawk mi hâwi asi lai le, a nam na le, a sâm dip na le, sanh kho an silo rawh mi hâwi an si lai.

HAGAI LASUIBU 2:22

lalram tla leh an thiltikhonâk ka dawngtir awt, an kari leh a khalhtu tla chu ka thal tlak lai le, rang tla an thi lai le, a tlûnah totu tla chu anmah leh anmah anna thah lai.

ZEKARIA 12:9

Chu tik chun Jerusalem do tumtu phun chu ka veih hep na lai.

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.