MIKAH 7:14 - Bawm Common Language Bible Version

¹⁴ LALPA, na thîm mi na minung tla lakah vêngtu si rawh. Ramkaro ah a dangtê hen um menza na khawmsele an kiangkam ah ram ningno tak a um. A lânah an um mi hâwitê hen ram ṭha Basan leh Gilead ram ah kaltir na le, châwm na.

MIKAH 7:14 ပူးပေါင်းရင်းမြစ်များ

SAM 100:3

LALPA chu Pathian asi ti philh râlmâl lah u. Hawng kan siam le, amah tâ kan si. A mi tla kan si, a ranrual kan si.

SAM 143:5

Ni a len rawh mi tla ka theih le, thil na ti mi tla chu ka dawn le, na thilti zawng tla chu ka thinlung ah ka siah.

SAM 28:9

LALPA na mi le tla chu ruangsuah na le, na tâ tla chu malsâwm na. An rangah dawrâ vêngtu si le, zungzâl hen vêng na.

SAM 95:7

Amah chu kan Pathian asi; kannih chu amah zauhkhenh mi tla, a ranrual a châwm na mi chu kan si. Tusûn ah a sim mi chu ngâi rawh:

EXODUS 33:16

Kan sinah na hawng lo mi asi chun na mi le tla leh ka lakah na lâwm mi âunih a theih lai? Nangmah kan sinah na um mi nih hin tual tlûnah midang tla hen kanna khat lo ti a langtir asi,” a ti.

LA TLA LA 4:1

Ka duh mi, na dawh chiam e! Na puan khuh phên ah na mit ah dâwtnâk a lang. Na sam chu kêl rual Gilead tlângah anna lawk mi hâwi hen a thing nanak.

ISAI 27:13

Chu ni chu a hawng tlung tik chun, Asiria leh Aigupta ah Israel mi tla sal ah tâng hen um mi ruangah kîr ding hen kawhnâk tâwtawrâwt an tum lai. An hawng lai le, LALPA chu Jerusalem ah mi a tlâng thenhlimh ah an sawnh lai rawh.

ISAI 35:2

Ramkaro chu lâwm hen la sak hen a âu lai le, Lebanon tlang â dawh mi hâwi leh Saron leh Karmel phâisen a ningno mi hâwi asi lai. Mikip nih LALPA lianh zia leh rokual zia leh thiltikhonâk an muh lai.

ISAI 37:24

Na to-aw chu Lebanon tlâng sâng chem na nehnâk kari zawzawng hen keimah khâwng nawh ding hen na hawng fial. Sidar thing sâng chem leh theipi kûng ṭha chem tla ka hâu, tumun sung tla ka tleng ver ti hen na khâwng.

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

ISAI 49:10

an sungvâng hen an tî a hâl lai lo rawh. Nî sa leh ramkaro linhnâk nih nganfâk a pêk lai lo rawh, anmah dâwttu pakhat nih a rui na lai rawh. Tinungva leiah a kalpi na lai.

ISAI 65:10

An hawng ka sawnh lai le, an dawrâ leh ranrual tla chu thlanglei ah mi Saron Phâi leh saklei ah mi “Akor” (Nawknâk Vakuam) ah an kalpi lai le, an tlawngtir lai.

JEREMIA 49:31

‘Hawng! Ruangsuak leh him rawh hen a ruat mi tla chu kan do na lai! An khuapi chu kulh kawtkâ khawm a nei lo, renh khawm a renh lo, zauhkhenhtu khawm a um lo.’

LUNGFÂKNÂK 1:7

Jerusalem chu tu chun thimpem hen a um rawh le, A lânah a rokualnâk tla a theih vung rawh. Mêlma nih a neh liauah âukhawm ṭangpitu a um lo, A nehtu tla nih a tlû mi chu an nihsanh.

LUNGFÂKNÂK 5:21

LALPA, na sinah hawng kan kîrtir nawlh rawh! Hawng kan kîrtir nawlh râm rawh! A lânah mi kan rokualnâk hawng kan pêk nawlh.

EZEKIEL 36:11

Minung leh ran tla tam tak ka zantir lai. A lânah mi ngâk hen nan tam lai le, te leh fa tam tak nan nei lai. Um ding nan tum mi hâwi hen chunah ka nan umtir na lai le, a lân ngâk hen sul-le-lam tluang dauh hen kan siam na lai. Churawhchun, LALPA kasi ti nan theih lai rawh.

LEVITICUS 27:32

Ran vulh mi kip parâ lû ah pakhat chu LALPA tâ asi. Ran nan rêl hen parâ lû kip ah pakhat chu LALPA tâ asi.

AMOS 9:11

LALPA nih, “David lalram, in a tlû le, â râwk mi hâwi chu dirhnawlhnâk ding ni chu a hawng tlung awt rawh. A kulh vâm tla chu ka remh nawlh lai le, a lânah mi hâwitê hen ka dirh nawlh lai. A lânah mi hâwitê hen ka sak hen ka siam nawlh lai.

OBADIAH 1:19

“Simlei mi Juda tla nih Edom ram an luah lai. Thlanglei kângah tlâng bul ah um mi tla nih Philistia ram an lâk lai. Israel tla nih Efraim leh Samaria ram anna ting lai. Benjamin mi tla nih Gilead ram an lâk lai.

MIKAH 5:4

A hawng tikah chun LALPA sinah mi chaknâk leh LALPA Pathian amah lalnâk hen a mi tla lâi a rêl piak na lai; laikulh ah mi zawzawng nih a rokualnâk an theih awt ruangah leh thlangamnâk a pêk na awt ruangah a mi tla chu

ZEPHANIAH 3:13

Israel a thibang tla nih chun âu sin khawm ah thil diklo ti hen âwkrâwl thu an sim lai lo le, perpet ding an tum lai lo. Sul-le-lam tluang leh him tak hen an um lai le, âukhawm ṭih an nei lai lo,” a ti.

ZEKARIA 10:10

Aigupta leh Asiria ram thawk hen an in leiah ka kalpi na lai le; anmah ram nget ah ka umtir nawlh na lai. Gilead ram leh Lebanon khawm ah ka umtir nawlh na lai le, minung chu ram pumpi hen an khat lai.

ZEKARIA 11:7

Dawrâ tla châwktu leh zuartu nih an hawng ka mang le, thahnâk ah put ding mi dawrâ rual vêngtu ah ka chang ving. Ṭhianṭhunh panih ka lâk le, pakhat chu “Sunhsak mi” a dang pakhat chu “Thurualnâk” ka ti. Churawhchun, ranrual chu ka zauhkhenh.

MALAKI 3:4

Churawhchun, Juda mi leh Jerusalem mi tla nih LALPA sinah thil ap an hawng put mi tla chu a lânah mi hâwi hen LALPA nih a lawmh lai rawh.

NUMBER 23:9

Lungpi sâng tak thawk hen annih tla chu ka muh na le; Tlâng tla thawk hen annih tla chu ka vêng kho na. Anmah phun tla lâwng hen um mi an si; phun dang tla ngâk hen malsâwmnâk ting dauhtu an si ti anna theih.

NUMBER 32:1

Reuben leh Gad phun nih ran rual tam tak an nei, Gilead leh Jazer ram chu an zauh nakah ran vulhnak ding hen thungai a rem hen an muh.

MATHAI 2:6

‘Nang, Bethlehem, Juda ram ah mi, Juda khuapi lakah na mê chem rîlmâl lo! Na sung thawk hen lâirêltu a hawng suak awt ruangah, ka mi Israel tla vêngtu ding chu, ti hi,’ ” an ti.

JOHAN 17:16

Annih chu laikulh ah mi ansi lo, kei laikulh ah mi kasi lo hâwi hen.

DEUTERONOMY 33:28

Churuangah Jakob thlâk tla chu thlangam tak hen an um, Vân mi dâmtî nih a chinh mi tual ah fâng leh uain hen a khat mi ram ah him tak hen um na seh.