MIKAH 7:10 - Bawm Common Language Bible Version

¹⁰ Chu chu kan mêlma tla nih an muh lai le, “LALPA nan Pathian chu zei ah?” ti hen hawng kan nihsanhtu tla chu an ningzak lai rawh. Tualmâi ah nêngthû hâwi hen lamhbêk hen neh an si mi chu kan muh na lai.

MIKAH 7:10 ပူးပေါင်းရင်းမြစ်များ

2 SAMUEL 22:43

Ka dêng na le, vûisadip hâwi an hawng si. Khua lâiah valei nêng hâwi hen ka lamh na.

SAM 109:29

Ka mêlma tla chu ningzak saih hen um na seh; an ningzaknâk chu thuam hâwi hen a aih na seh.

SAM 115:2

Zei rangah phun tla nih “Zeiah na Pathian a um?” hawng kan ti zia lai?

SAM 18:42

Valeidip hâwi siding hen ka lamh dip na, chu chu thli nih a sêm phin. Khua lâi ah nêngthû hâwi hen ka chîl na.

SAM 35:26

Ka tuarnâk lakah hawng ka diriamhtu tla chu neh dep leh nawktir hen um seh. Keimah ngâk a ṭha dauh hen â rêl mi tla chu, ningzak leh mualphonâk nih khuh dep na seh.

SAM 42:10

Zauhnawmh hen an ka nâuneh le, “Zeiah me na Pathian chu?” an ka ti kumza ko.

SAM 42:3

Sûn leh zân hen ka âu le, ka mitthli chu ka buh asi; Zeiliau zawng ah ka mêlma tla nih, “Na Pathian chu zeiah?” an ti.

SAM 58:10

Mirep tla nih misual rêp hen a um mi an muh tikah anna lâwm lai, misual tla thisen hen a kê chu a ṭâwl lai.

SAM 79:10

Zei rangah phun tla nih, “Zeiah nan Pathian?” hawng kan ti zia lai. Na to-aw tla thisen suahtu phun na rêp na mi chu hawng kan muhtir.

SAM 92:12

Mirep chu tûm kûng hâwi hen a ṭhang lai le; Lebanon ah mi sidar thing hâwi hen a ṭhang lai.

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 41:25

“Saklei ah um mi minung chu ka thîm rawh; mârlei thawk hen dotu ding ah ka hawng put lai. Nehtu hâwi hen lâirêltu tla chu a lamh na le, bêlhêmtu nih sunhtlung valei a lamh hâwi hen.

JEREMIA 49:15

LALPA nih chaklo leh âukhawm nih a nan zah lo ding hen a nan siam awt.

JEREMIA 51:24

LALPA nih, “Babulon leh a mi tla chu Jerusalem ah an thilsual ti zawzawng ruangah lehrûl ka sam na mi nan ka muh lai.

JEREMIA 51:51

‘Ramdang mi tla nih Biakin ah mi mun thenhlimh chu an lâk rawh ruangah ningzak saih leh mualpho tak hen kan um le, kan kawng a dawng thlo rawh,’ nan ti.

EZEKIEL 7:18

Salâpuan anna aih lai le, an thir lai. An lû tla an mêt lai le, ningzakkâi tak hen an um hep lai.

DANIAL 3:15

Tuah, thil tumphung, theikhang, rirâwt, ṭingṭang, harmoniam hâu leh tumphung dang rihâu theih asi kâ hen milem mâimûk ule, sawnh u, nan tilo mi asi chun meihum lakah lawnh sawm nan si lai, nanmah sanhtu pathian um hen ma nan ruat?” a ti.

JOEL 2:17

Bâwlpu tla nih mâichâm leh LALPA Biakin kawtkâ karah LALPA rianṭuan na sele, ṭap hen thlacham na seh: “LALPA, na mi tla hi lungkham na rawh. Phundang tla nih zauhnawmh ding leh nehsawh hen, ‘Nan Pathian zeiah?’ hawng kan ti ding hen hawng kan siang lah,” ti na seh.

OBADIAH 1:10

“Na unau Jakob thlâk tla na râwk hen na thah na ruangah na vei lai le, zahkâi lo hen na um pawt lai rawh.

OBADIAH 1:12

Na unau Juda tla vânduainâk lakah na diriam ding asi lo. An siat ni ah na lâwm ding asi lo, an tuar liauah na nihsanh na ding asi lo.

MIKAH 4:11

Phun tam tak nangmah do ding hen anna pûm, “Jerusalem chu râwk ding mi asi! Hi khuapi hi râwk hen kan muh teh lai!” an ti.

MIKAH 7:8

Kan mêlma tla nih a san umlo hen hawng kan diriamh. Kan tlû le, sikhawmsele kan thawk nawlh lai. Tu chun mûi ah kan um le, sikhawmsele LALPA nih chêu hawng kan pêk teh lai.

ZEPHANIAH 3:15

LALPA nih an rêp na mi a dawngtir rawh, nan mêlma tla khawm a kiangtir ver rawh. LALPA, Israel Pathian chu nan sinah a um le, tu chun zeikhawm ṭih ding a um lo rawh.

ZEKARIA 10:5

Juda mi tla chu râltuknâk ah nehtu kawrsen tla nih khualâi nêngthû lakah an mêlma tla lamhbêktu hâwi an si lai. LALPA chu an sinah a um ruangah an mêlma rang tlûnah a chuan mi tla khawm an neh na lai.

MALAKI 1:5

Israel nih anmah mit ngelchel hen an muh lai le, “Israel ram lênglei khawm ah LALPA chu a chak asi! ” an ti lai.

MALAKI 4:3

Thil ka ti ni ah chun, misual tla chu nan neh na lai le, nan kezaphah tangah valeidip hâwi hen lamhbêk mi hâwi an si lai.

MATHAI 27:43

Pathian a lung si lo ma, amah hi a duh chun tuhin Pathian nih ruangsuah seh,! ‘Pathian Fapa kasi,’ a ti dangâi ah,” an ti.

JOSUA 7:9

Kanaan mi leh ram lakah mi tla nih hi thu hi an theih lai le, hawng kan kulh lai le, hawng kan thah hep ding ko rawh. Chu hâwi asi chun zah na kâinâk hi zeitin na hum kho zia lai ne?” a ti.

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.