MIKAH 6:8 - Bawm Common Language Bible Version

⁸ Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

MIKAH 6:8 ပူးပေါင်းရင်းမြစ်များ

GENESIS 18:19

A fa tla leh a thlâk tla nih ka sinah ê-aw ngâi ding leh diknâk leh repnâk chu zûl ding hen thu a pêk kho na ding hen ka thîm mi asi. An ti mi asi chun, a rangah thil zeizawng ka tiamh mi chu ka ti lai,” a ti.

GENESIS 5:22

Chu nûnah chun Enok chu kum 300 ding Pathian hen anna kâwm le, fa dang tla a nei.

2 CHRONICLES 30:11

Sikhawmsele, mi zeimaw mi Aser Manaseh, Zebulun phun tla lakah mi chu Jerusalem ah hawng ding an duh nget rih.

2 CHRONICLES 32:26

A nehnûn chun Hezekiah leh Jerusalem mi tla chu thinlung nâutak hen an um ruangah Hezekiah thih tiang hen rêpnâk an tlûnah a tlungtir lo.

2 CHRONICLES 33:19

Lal thlachamnâk leh Pathian nih a sângnâk, a rim lânah thilsual a ti mi tla, lunglo pathiannu Aserah lem leh a sâwnhnâk mun siam mi tla zawzawng chu khuavâng thâwngthâng rînnâk bu ah rîn asi.

2 CHRONICLES 33:23

Sikhawmsele, a pa hâwi hen nâu tak hen LALPA leiah a kîr duh loh, a pa ngâk hen a sual zia a zual dauh.

2 CHRONICLES 34:27

Jerusalem leh a mi tla rêp ding hen thihnâk thu na theih rawh chun na nipuan thlêk hen leh ṭap hen ka mâika ah nâu tak hen na rim.

NEHEMIAH 9:13

Sinai Tlângah vân thawk hen na hawng ṭum le, na mi tla sinah thu na sim le, sîntirnâk ṭha tak leh Dân ṭha na pêk na.

SAM 101:1

Ka la chu lâirêlnak dik leh zumhkainâk asi, LALPA, na sinah ka hawng sak asi.

SAM 112:4

Mi ṭha tla rangah chêu chu mûi a cherhtir, khuaruat mi, vêlnei leh mi dik rangah.

SAM 112:9

Mi samphâng sinah tam tak a pêk na le, a vêlneihnâk chu a palh dahlo, thiltikho tak leh zahkâi tak hen a um lai.

SAM 37:26

Zeiliau zawng ah midang rangah a thawt hen a pêk hen a pûktir na le, a fa le khawm malsâwm hen an um.

SAM 73:28

Kei lam chu, na kiangah um hi thungâi chê ka ti le, LALPA, Chungnungchem zauhkhenhnâk ting ding leh a thilti phuang ding hen.

THUFING LASUIBU 21:3

A dik hen a ṭha mi bâwlnâk ngâk hen LALPA lawmhtirnâk chu ti rawh.

THUSIMTU 12:13

Hi bang tla nûnah hin, thil pakhat cho sim ding a um: Pathian ṭih rawh, a thupêk zûl, hi bang tla zawng hi minung a siam na mi tla rang ding asi ruangah.

ISAI 56:1

LALPA nih a mi tla sinah, “Sâwtlotê ah ruang ka nan suah na awt ruangah, a dik mi leh â rep mi chu ti u.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

JEREMIA 22:16

Mipâm tla chu nunsimhnâk ṭha tak a pêk le, an ektê hen ṭha tak hen an zûl. Chu chu asi LALPA theihtu umdân chu.

JEREMIA 22:3

“Repnâk leh diknâk ti ding hen, Kei, LALPA nih thu ka nan pêk na asi. Mi perpê nih a perpet mi chu hum rawh. Ramdang mi, mi ngâkṭah, numei tla nehsawh lah na; hi mun thenhlimh ah hin sualnâk nei lo mi tla thah lah na.

JEREMIA 9:23

LALPA nih, “Mifing khawm an finghnâk zumh lah seh, mi chak tla khawm nih an chaknâk zumh lah seh, minei khawm nih an neihnâk zumh lah seh.

LUNGFÂKNÂK 3:26

Churuangah ruang hawng kan suah ding mi lakah felfê tak hen amah kan ngâk chun kan rangah a ṭha chem asi.

EZEKIEL 16:63

Thilsual na ti mi zawzawng ka nan ngaihdam lai le, sikhawmsele nang khawm nih na theihkumza na lai le, na ningzak tuk ruangah hawlh khawm na hawlh lai lo,” a ti. LALPA Zahkâi nih a sim asi.

EZEKIEL 33:14

Misual chu a thi ding asi ti hen ka sim mi lakah, a sual a lêt hen thil dik a ti chun,

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

HOSEA 12:6

Churuangah Jakob thlâk tla, tuah nan Pathian chu rinhsanh ule, a sinah kîr u. Zumhkâi leh rep tak hen um ule, nan Pathian nih thilti ding mi dawnh kho tak hen ngâk rarâm u.

HOSEA 6:6

Ran hen bâwlnâk silo hen nan dâwtnâk dawnglo ka duh, duahphung thil ap ngâk hen ka mi tla nih nan hawng ka theih ding kan duh na.

LEVITICUS 26:41

ka lung an sitir lo ruangah an mêlma tla ram ah sal ka tângtir na mi nih an sual tla leh an pu sual tla an lêt lai. A dawnghnâk ah chun nan thlâk tla chu an helnâk leh an sual ruangah rêp an si lai le, anna nautir lai rawh.

AMOS 5:24

Chu ngâk hen, diknâk chu tiva hâwi hen luangtir ule, repnâk chu kang dahlo mi tiva hâwi hen umtir u.

MIKAH 6:9

LALPA ṭih chu fingnâk asi. Khuapi a auh le, “Nannih khuapi ah a pûmtu tla, ka thu ngâi u!

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

ZEKARIA 7:9

“A lân thawk hen ka mi tla sinah hi thupêk tla hi ka pêk na rawh: ‘Rep tak hen thil nan ti ding asi, nan lakah khatlei khatlei vêlneih suah ule, khuaruat u.

MATHAI 5:3

“Thlarau leikâng ah thinlung hamh mi tla chu an thaw a suak; Vân Ram an tâ asi ruangah!

MATHAI 5:7

“Mi khuaruat kho tak tla chu an thaw a suak, Pathian khuaruatnâk anna ting awt ruangah!

LUK 10:42

thil pakhat cho a herh; Mari nih tingvo ṭha chu a thîm le, chu chu lâk piak ding asi loh,” a ti le, a sâng.

LUK 11:42

“Nannih Farisai tla, nan tlûn a pit! Pudina, chawngrei leh, thlâi kip tla parâ lû ah pakhat nan pêk tâwn le, repnâk leh Pathian dâwtnâk chu nan thlahthlamh tâwn. Chubang tla chu asi nan ti ding mi chu, a dang tla chu tlawlh lêmlo hen.

LUK 12:14

Sikhawmsele, anih nih chun a sinah, “Minung, nannih tlûnah âunih me lâirêltu ah leh sum ṭhenhtu ah hawng ka siam?” a ti.

LUK 6:36

Nan pa nih mi a zângfah hâwi hen zângfah bâk u.”

ROM 7:16

Ka ti duhkâng chu ka ti asi chun, Dân chu a ṭha ti hen zâwt kasi lo lai mazei?

ROM 9:20

Asi, sikhawmsele, aw minung, Pathian êltu chu âu me na si le? Thilsiam nih chun a siamtu sinah, ‘Zei rangah me hi hâwi hen na hawng ka siam?” a ti lai ma?

1 KORIN 7:16

Aw! nupi, na pasal ruang na suah awt leh awtlo zeitin na theih kho? Aw! pasal, na nupi ruang na suah awt leh awtlo zeitin na theih kho?

EPHESI 4:32

Chun, a zângfah tawnh hen siherhnâk nei hen um ule, Pathian nih Krist ah a nan ngaihdam na hâwi ber hen a ngaihdam tawnh u.

DEUTERONOMY 27:10

churuangah a thu ngâi ule, tusûn ni ah a dân tla ka nan pêk na mi zawzawng kil u,” an ti.

DEUTERONOMY 30:15

“Tusûn ni hin thil ṭha leh thil ṭhalo, nungnâk leh thihnâk thîm ding hen ka nan pêk na.

KOLOSA 3:12

Chun, Pathian mi thîm, mi thenhlimh leh duhtak tla hâwi hen siherhnâk thinlung tla, vêlneihnâk thinlung tla, ngâiniamnâk tla,

2 THESALONIKA 2:16

Chun, kan Lalpa Jisu Krist ngelchel leh Pathian kan Pa, hawng kan zângfahtu leh a siherhnâk hawng kan pêk mi thinlung dik lungumnâk ṭha pêktu nih chun nan thinlung tla chu an lungngamh na hen,

JEM 2:20

Mi â, thilti tel lo hen lungnâk ko chu zeikhawm asi lo ti na theih duh ma?

JOSUA 24:14

Josua nih thu a sim vima le, “Churawhchun, tuah, LALPA chu zah ule, zumhkâi tak leh rinh tlâk hen a rianṭuan u. A nan thlâk natu leh pathian tla Mesopotamia leh Aigupta ram ah an sawnh mi tla lakah mi chu a lêt ule, LALPA amah rian chu ṭuan u.

1 PETER 3:8

A dawnghnâk ah chun nan ektê hen thinlung munkhat hen um u, a siherh tawnh u; unau tla hâwi hen a dâwt tawnh u, zângfahnâk nei tawnh ule, a nâutir tawnh u.

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.

1 SAMUEL 15:22

Samuel nih, “LALPA nih ê-aw ngâi ma a duh dauh, bâwlnâk ma? Amah sinah dawrâ ṭha leh ranrual ṭha hen bâwlnâk ngâk hen a lakah ê-aw ngâi a ṭha dauh asi.