MIKAH 6:7 - Bawm Common Language Bible Version

⁷ Dawrâ sâng tam tak mawh oliv sariak tiva hâwi hen kanglo mi a sinah put sele LALPA â lâwm lai ma? Ka sual mi ruangah ka fa tîr a sinah bâwlnâk ah ka ap lai ma?

MIKAH 6:7 ပူးပေါင်းရင်းမြစ်များ

2 Lal 16:3

Israel lal tla zia a châwng. A fapa tiang milem sawnhnâk ding hen thil duah apnâk ah a pêk, a lânah Israel mi tla an kalnâk kip ah LALPA nih a nar na mi tla ti dân fihnungkâi a châwng.

2 Lal 21:6

Bâwlnâk duahphung lakah a fapa a mang. Chamchawh thiam leh kutzalam zauh a châwng, vânsia vânṭhat siamtu leh tin-tlah-ninh thiam tla thu a deih na. LALPA tlûnah thilsual ti hen a thin a runhtir.

2 Lal 23:10

Lalchem Josiah nih chun âukhawm nih Milkom pathian sinah an fanu leh an fapa duah hen bâwlnâk an ap lo rawh ding hen Hinom Vakuam ah lunglotu pathian sawnhnâk mun Topheth khawm a râwk.

2 Lal 3:27

Churawhchun, a fapa upachem, amah ruangrûl ah lal ding mi chu Moab pathian sinah khuapi tlûnah bâwlnâk ah a ap. Israel tla chu an lâu le, anna nâwp le, an ram leiah an kîr rawh.

JOB LASUIBU 29:6

Ka chaw leh kêl tla nih an nûk hâng tam tak an suah le, lung nâwngah ka oliv thing tla an ṭhang.

SAM 50:9

Nan phâisen ah mi chawchal leh ranrual lakah mi kêl chu ka herh lo;

SAM 51:16

Bâwlnâk tla duh le, ka nan pêk ding mi, duah mi thil ap lakah khawm na lâwm lo.

SAM 51:18

Pathian, Zion chu dâwt le, ṭangpi, Jerusalem kulh chu dirh nawlh.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

THUFING LASUIBU 21:3

A dik hen a ṭha mi bâwlnâk ngâk hen LALPA lawmhtirnâk chu ti rawh.

ISAI 1:1

Hi lasuibu lakah hin, Uziah, Jotham, Ahaz leh Hezekiah Juda lalchem an si liauah Amoz fapa Isai sinah Pathian nih Juda tla leh Jerusalem thu a sim mi rîn asi.

ISAI 40:16

Lebanon tumun ah mi ramsa zawzawng khawm kan Pathian sinah bâwlnâk rang chun a tâwk lo, A thing tla khawm tih ding ah a tâwm tuk.

JEREMIA 19:5

an fa tla chu bâwlnâk ah mei ah duah ding hen Baal rangah mâichâm an siam. Chubang ti ding hen kei nih thu ka pêk na dahlo; ka thinlung khawm ah a um dahlo.

JEREMIA 6:20

Seba ram thawk hen rimthâw mawh ram lât takah mi thing rimthâw ka sinah an hawng put mi hi ka sunhsaknâk zei a um? An thil ap tla chu ka pawm awtlo, anna bâwlnâk ah khawm ka lâwm awtlo.

JEREMIA 7:31

Hinom Kuam ah Topheth an ti mi mâichâm an siam le, chunah chun an fanu leh an fapa bâwlnâk ding hen mei ah an rawh ding hen. Chu hâwi ti ding hen thu ka pêk na lo le, ka thinlung khawm ah chu hâwi ti ding hen a um lo.

EZEKIEL 23:37

Ṭângdang an pawm le mi an thah, milem tla lakah ṭângdang an pawm le, fapa an ka ring piak mi tla an thah na. Ka fapa tla chu an milem lakah bâwlnâk ah an mang.

HOSEA 5:6

LALPA sinah bâwlnâk ah an dawrâ leh an ranrual tla an put le, sikhawmsele an rangah zeikhawm a ṭhatnâk a um lo. A kaltâk na rawh ruangah amah chu an tawng kho lo rawh.

HOSEA 6:6

Ran hen bâwlnâk silo hen nan dâwtnâk dawnglo ka duh, duahphung thil ap ngâk hen ka mi tla nih nan hawng ka theih ding kan duh na.

LEVITICUS 18:21

Na fa tla Molek pathian sawnhnâk ah mang ding hen pêk lah, LALPA Pathian min mualphohnâk asi ruangah.

LEVITICUS 20:1

LALPA nih Mosi rangah Israel mi tla sinah thusim ding hen a simh.

AMOS 5:22

Duah mi thil ap leh sangvut thil ap nan hawng put khawm ah ka pawm lai lo; ran bit tal hen nan châwm mi ka sinah nan hawng put mi khawm ka pawm awtlo.

PHILEMON 1:12

Amah ngelchel ka thinlung tak hi, na sinah ka hawng kîrtir nawlh rawh asi.

LÂIRÊL 11:31

râltuk neh hen ka hawng kîr tikah, ka in thawk hen hawng ka dawng masa chem mi minung chu bâwlnâk thil duah rangah na sinah ka hawng pêk lai,” a ti.

LÂIRÊL 11:39

Thla nih nûnah chun a pa sinah a hawng kîr nawlh rawh. LALPA sinah thu a tiamh mi hâwi hen a ti le, nungâk thenhlimh si bû hen a thi rawh. Hi hi Israel lakah dân bulpi si hen

1 SAMUEL 15:22

Samuel nih, “LALPA nih ê-aw ngâi ma a duh dauh, bâwlnâk ma? Amah sinah dawrâ ṭha leh ranrual ṭha hen bâwlnâk ngâk hen a lakah ê-aw ngâi a ṭha dauh asi.