MIKAH 6:6 - Bawm Common Language Bible Version

⁶ LALPA vân Pathian amah sawnh ding hen ka kal liauah zei ka put lai? A sinah duah mi thil ap pêk ding hen chawlâ ṭha chem ma ka put lai?

MIKAH 6:6 ပူးပေါင်းရင်းမြစ်များ

2 SAMUEL 21:3

Churawhchun, David nih Gibeon mi tla a kawh na le, an sinah, “Nan rangah zei ka ti kho lai? LALPA mipi tla mal nan sâwm khonâk ding hen nan tlûnah thil diklo ti hen a um mi tla hi remh ding ka duh asi,” a ti.

SAM 116:12

LALPA ka lakah a ṭhatnâk zawzawng ruangah a sinah zei ka pêk kho?

SAM 22:29

Mi zûm tla chu a sinah an kûn lai; thikho mi minung zawzawng a mâika ah an kûn lai.

SAM 95:2

A mâika ah lâwmthusim hen kan kal lai le, lâwm hen a sawrnâk la kan sak lai.

SAM 95:6

Hawng ule, amah sawnh hen kan kûn lai; Hawng u, kan LALPA hawng kan siamtu mâika ah kan siksidîr lai!

EXODUS 12:5

Kêl mawh dawrâ mawh zeital nan thîm kho, sikhawmsele, kum khat mi a mipa simsâwinâk umlo mi a siding asi.

EXODUS 23:15

Abib thla, Aigupta thawk hen nan suaknâk thla ah thu ka nan pêk na mi hâwi hen Sâng Thilnu telhlo Kût ulh u. Kût liauah ni sarih kar chu sang thilnu telh mi rerêng nan ei ding asi lo, thil ap ding put lo hen nan ka sawnh ding hen nan hawng ding asi lo.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

THUFING LASUIBU 21:3

A dik hen a ṭha mi bâwlnâk ngâk hen LALPA lawmhtirnâk chu ti rawh.

ISAI 40:16

Lebanon tumun ah mi ramsa zawzawng khawm kan Pathian sinah bâwlnâk rang chun a tâwk lo, A thing tla khawm tih ding ah a tâwm tuk.

JEREMIA 6:20

Seba ram thawk hen rimthâw mawh ram lât takah mi thing rimthâw ka sinah an hawng put mi hi ka sunhsaknâk zei a um? An thil ap tla chu ka pawm awtlo, anna bâwlnâk ah khawm ka lâwm awtlo.

EZEKIEL 46:9

“Mi tla chu zei kût ni tal ah LALPA sawnh ding hen an hawng tikah marlei kângah mi kawtkâ hen hawng lûttu tla chu Pathian an sawnh thluh nûnah simlei mi kawtkâ leiah an suak ding asi, simlei kawtkâ hen hawng lûttu tla chu marlei kawtkâ hen an suak ding asi. Âukhawm a hawng lûtnâk lampi lei hen a suak ding asi lo, sikhawmsele a hawng lûtnâk kulh kawtkâ hen â zâwn mi kulh kawtkâ ah a suak ding asi.

DANIAL 3:26

Churawhchun, Nebukadnezar chu meialh kiangah a va kal le, “Sadrak! Mesak! Abednego! Chungnungchem Pathian to-aw tla! hawng suak u!” ti hen a âuh na. Churawhchun, an suak sawm rawh.

DANIAL 4:9

Beltesazar, chamchawh thiam lakah a lû chem, pathian tla thlarau thenhlimh na sinah a um ti ka theih. Thuthup zawzawng theihtu na si, hi hi ka mang chu asi: A umzia hawng ka simh rawh.

DANIAL 5:18

“Pathian rokual nih na pa Nebukadnezar chu lal rokual takah a siam le, zahkâinâk leh lalnâk a pêk.

DANIAL 5:21

Minung lakah mi chu nar hen a um le, ran thinlung put hen a hawng um, mâng ah mi sanatung sinah a um le, chawchal hâwi hen belh a ei le, a sanhtu umlonâk lênglei ah dâmtî tlâ nâk ah a it, a dawnghnâk ah chun Pathian rokual nih minung lalnâk ram tlûnah thu a nei hen a duh mi zawng sinah a pêk kho ti a theih.

HOSEA 5:6

LALPA sinah bâwlnâk ah an dawrâ leh an ranrual tla an put le, sikhawmsele an rangah zeikhawm a ṭhatnâk a um lo. A kaltâk na rawh ruangah amah chu an tawng kho lo rawh.

AMOS 5:22

Duah mi thil ap leh sangvut thil ap nan hawng put khawm ah ka pawm lai lo; ran bit tal hen nan châwm mi ka sinah nan hawng put mi khawm ka pawm awtlo.

MATHAI 19:16

Chun, minung pakhat Jisu sinah a hawng kal le, “Sîntirtu, zungzâl nungnâk ka nei khonâk ding hen thil ṭha zei me ka ti lai?” a ti.

MARK 12:33

amah chu thinlung zawzawng hen, theihthiamnâk zawzawng hen, chaknâk zawzawng hen, mah a dâwt hâwi hen zâwlbâwm tla dâwt hi pum duah thilpêk leh bâwlnâk zawzawng ngâk hen a ṭha dauh khun ti hi, na sim dik tak ko,” a ti.

MARK 5:7

Chun, aw-hâu fakpi a âu hen, “Jisu, Pathian Chungnung chem Fapa, kei leh nang zei me kanna tlâinâk um? Hawng ka rêp lo ding hen Pathian min hen ka nan ngiar chiam asi,” a ti.

LUK 10:25

Chun, Dân sîntirtu âumawh a dîr le, amah niknâk ding hen “Sîntirtu, zungzâl nungnâk nei ding hen zei me ka ti lai?” a ti.

JOHAN 6:26

Chun, Jisu nih an sinah, “Thungâi tak hen ka nan simh na, thilchê tla nan muh ruangah nan ka hâwl mi asi lo le, sang tlang nan ei le, nan khawp ruang dauh khan asi.

THILTI 16:17

Chu minung nih chun Pawl leh kanmah a hawng kan zûl le, “Hi bang minung ruangsuahnâk lampi simtu tla hi Chungnungchem Pathian to-aw an si,” ti hen a âu.

THILTI 16:30

Chun, annih chu a kalpi na le, “Pu le tla, ruangsuak a um ding hen zei me ka ti lai?” a ti.

THILTI 2:37

Chun, chubang thu chu an theih hen an thinlung ah sunh hâwi hen an hawng si rawh le, Peter leh mifial dang tla sinah chun, “Unau tla zeitin me kan ti lai?” an ti.

EPHESI 3:14

Churuang chun, Krist chu lungnâk ruangah nan thinlung ah â chêl khonâk ding hen, a rokualnâk neih zia hâwi vima hen a Thlarau zârah minung sungril leiah chun thiltikhonâk ah chaktir hen a nan umtir na khonâk ding hen, Pa, tual leh vân ah dâwngsungkhur kip min putso mâika ah chun ka siksidîr tâwn le, chun Pathian rangtlingnâk zawng tluk hen khattir a nan um khonâk ding hen, nannih zângfahnâk ah ram thlâk leh ngauhsan nei a um hen, mi thenhlimh zawzawng hen a kauh zia, a sâu zia, a sâng zia, a thûk zia tla theihfiang khonâk, Krist zângfahnâk theih phâk lo theih khonâk nan nei kho lai.

HEBRAI 10:11

Chun, Juda bâwlpu kip nih ni siar rianṭuan hen, sual zei tik khawm ah veih kho lo mi bâwlnâk tla ap kumza hen an dîr tâwn.

1 SAMUEL 15:22

Samuel nih, “LALPA nih ê-aw ngâi ma a duh dauh, bâwlnâk ma? Amah sinah dawrâ ṭha leh ranrual ṭha hen bâwlnâk ngâk hen a lakah ê-aw ngâi a ṭha dauh asi.