MIKAH 6:4 - Bawm Common Language Bible Version

⁴ Aigupta mi chu kan suakpi na le; sal nan tâng mi chu kan suah na rawh; Nanmah an ruitu ding hen Mosi, Aron leh Miriam ka hawng fial na.

MIKAH 6:4 ပူးပေါင်းရင်းမြစ်များ

2 SAMUEL 7:23

Israel mi tla sal ah tang mi, na mi rang ding ah na suah na mi hâwi hen tual tlûnah âu phun khawm an um lo. An rangah thilchê rokual tak tla na ti le, laikulh pumpi ah na min a thang rawh. Nangmah mi siding hen Aigupta ram ah mi na suah na mi tla, an kalnâk zawzawngah phun tla leh an pathian chu na nar piak hep na.

SAM 77:20

Dawrâpu hâwi hen na mi tla chu hotu Mosi leh Aron hen na rui na.

EXODUS 12:51

Chu ni ah chun Israel tla chu Aigupta ram ah mi LALPA nih a suakpi na.

EXODUS 20:2

“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.

EXODUS 3:10

Tuah Aigupta lalchem sinah ka nan fial asi, a ram ah mi ka minung tla chu suakpi hen na rui na ding hen,” a ti.

EXODUS 4:10

Sikhawmsele, Mosi nih, “Silo, LALPA, hawng ka fial lah. Thusim thiam mi ka silo, na hawng ka sawnhnâk thawk hen khawm mi hawlh ring thiam ka silo. Mi hawlh ring thiamlo tak kasi, ka hawlh a fûm hen ka hawlh a hak,” a ti.

EXODUS 4:16

Nangmah ruangrûl ah thusimtu asi lai le, na ruangrûl ah zapi minung sinah thu a sim lai. Churawhchun, nang chu Pathian hâwi hen sim ding mi zawzawng amah chu na simh lai.

EXODUS 6:27

Chu tla chu Aigupta lalchem rangah Israel mi tla suaktir na titu tla chu an si.

JEREMIA 32:21

Thilchê leh singsiahnâk hen kan mêlma tla chu na lâutir le, Aigupta ram ah na mi Israel tla chu na thiltikhonâk leh na chaknâk mang hen na suakpi na.

AMOS 2:10

Aigupta ram a mi chu kan suakpi na le, ramkaro mun ah kum sâwmli kar vial ka rui na le, Amor ram chu nanmah tâ siding hen kan pêk na.

NUMBER 12:1

Mosi nih Kus nunau a umpi, churuangah Aron leh Miriam nih an sâwi.

NUMBER 33:1

Mosi leh Aron rui hen Aigupta ram an suaktâk nûnah Israel tla nih hi bang tla hi an riaknâk mun min tla chu asi.

THILTI 7:36

Anih nih chun Aigupta ram tla, Tipi Sen tla leh ramkaro tla ah chun kum sâwmli karah thilchê leh singsiahnâk tla a muhtir tâ le, anmah tla a rui na rawh.

DEUTERONOMY 15:15

Nannih khawm Aigupta ram ah sal nan si mi kha theihkumza ule, chunah mi chu LALPA Pathian nih an suah na mi nan si ruangah, hi thupêk tla hi tuah kan pêk na mi asi.

DEUTERONOMY 24:18

Aigupta ram ah sal ah nan um mi LALPA nan Pathian nih an suah na mi kha theihkumza u; churuang tak chun hi thupêk hi kan pêk na mi asi.

DEUTERONOMY 4:20

Sikhawmsele, nannih lam chu Aigupta ram ah êrnâk meialh lakah mi an suah na mi asi. Amah minung tak siding hen a nan lâk na mi asi, tusûn tiang nan si hâwi hen.

DEUTERONOMY 4:34

Aigupta ram ah LALPA nan Pathian nih a nan ti piak na mi hâwi hen phun dang lakah um mi suah ding hen kal ngamtu leh amah minung ah siam natu pathian rerêng nan nei mazei? Nan mitmuh ngelchel hen a thiltikhonâk rokual leh a chaknâk mang hen râi leh râltuknâk a tlungtir, thilchê a ti le, thilchê a umtir, thil ṭihnungkai tla a tlungtir.

DEUTERONOMY 5:6

‘Aigupta ram ah sal ah nan um mi an suah natu LALPA nan Pathian kasi.

DEUTERONOMY 7:8

Sikhawmsele LALPA nih an dâwt na le, an thlâk natu sinah thu a tiamh mi zûltu siding hen an duh na. Churuangah asi, Aigupta lalchem sal nan si mi a chaknâk hen ruang an suah na mi chu.

DEUTERONOMY 9:26

Churawhchun, ‘LALPA sinah thla ka cham le, LALPA zahkai, na mi tla, na thiltikhonâk leh chaknâk hen Aigupta ram ah mi na suakpi na mi chu veih lah na.

1 SAMUEL 12:6

Samuel nih a sim vima le, “LALPA chu Mosi leh Aron thîmtu leh an thlâk natu tla Aigupta ram ah mi suakpitu asi.