MIKAH 6:3 - Bawm Common Language Bible Version

³ LALPA nih, “Ka mi tla, nan sinah zei thil ka ti? Nan rangah thilrit tak na maw kasi? Hawng ka sâng u?

MIKAH 6:3 ပူးပေါင်းရင်းမြစ်များ

SAM 50:7

“Ka mi tla, ngâi u, thu ka sim awt; Israel, kei Pathian, nan Pathian, Keimah kalh hen nan um mi thu kan theihtir na awt.

SAM 51:4

Na lakah ka sual le, nangmah sin ngelchel ah ka sual, thilsual hen na ruat mi chu ka ti. Ka lakah lâi na rêl mi hi na dik asi; na ka mawhtir mi hi na dik asi.

SAM 81:13

Ka mi le tla nih ka thu an ngâi ding thungâi ka duh; ê-aw ngâi ding khawm thungâi ka duh na!

SAM 81:8

Ka mi tla ka nan simhkanh na mi hi ngâi u; Israel tla ka thu ngâi ding hen kan duh na zia hi!

ISAI 5:4

Hi rangah ka ti mi lakah hin ka palh mi a um ma? Zei rangah grep ṭha siding ka ruat mi hawi silo hen a hawng thur zia?

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 2:5

LALPA nih: “Nan thlâktu tla nih hawng ka phiar ding hen zei an ti? Zei nih ka sinah mi kâng dang leiah a hertir na? Zeikhawm silo mi milem an sawnh le, anmah khawm zeikhawm an si lo rawh.

MIKAH 6:5

Ka mi tla, Moab lal Balak nih nan sinah thilti ding a tum mi leh Beor fapa Balaam nih a thu a sâng dân tla kha theihkumza u. Akasia thawk hen Gilgal leiah kalnâk lampi ah thil a hawng tlung mi tla kha theihkumza u. Nanmah ruang an suah na ding hen thil ka ti mi tla kha nan theih ko ruangah hi bang thil tla hi theihkumza u,” a ti.

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.