MIKAH 6:13 - Bawm Common Language Bible Version

¹³ Churuang chun nan thilsual ti ruangah nanmah siat leh râwknâk tlungtir ding hen ka dawmh ko rawh.

MIKAH 6:13 ပူးပေါင်းရင်းမြစ်များ

ISAI 6:11

Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

JEREMIA 14:18

Phâisen ah ka kal le, râltuknâk ah a thi mi ruak tla ka muh; khuapi ah ka va lût le, sungvâng hen a thi mi tla ka muh. Khuavâng tla leh bâwlpu tla nih an rian chu an ṭuan le, sikhawmsele zei an ti ti khawm an theih loh.”

LUNGFÂKNÂK 1:13

“Vân thawk hen mei a hawng thlâk mi nih ka sungah hawng ka duah. Ka rangah thang a tunh le, tual ah hawng ka siah. Churawhchun, nganfâknâk reh lo hen hawng ka kaltâk ving.

LUNGFÂKNÂK 3:11

Lampi ah hawng ka ṭhâwl le, hawng ka sâm dip le, hawng ka mâk thlo.

LUNGFÂKNÂK 5:16

Kan umsan mi zawzawng chu zeikhawm an mâk mi a um lo. Thilsual kan ti le, tu chun kan vânduai rawh.

HOSEA 13:16

Samaria chu ka lakah a hel ruangah rêp asi lai. A mi tla chu râltuknâk ah an thi lai le, fasêm tla chu tual ah lawnh an si lai. Nunau a râi mi paw chu an khei lai,” a ti.

HOSEA 5:9

Rêpnâk ni a hawng tlung rawh, Israel chu siat leh râwk hen a um lai. Israel mi tla, hi hi a hawng tlung ngelchel lai!

LEVITICUS 26:16

ka nan rêp na awt. Nan tlûnah vânduainâk râi dam kho lo leh zâwtnâk, nan mit châwtirtu ka hawng tlungtir lai le, nan nungnâk chu a vei lai. Thlâi nan chîng lai le, zeikhawm a ṭha lai lo, nan mêlma tla nih an neh na lai le, nan chîng mi tla khawm an ei piak hep na lai.

MIKAH 1:9

Samaria â liam mi chu damh kho asi lai lo, Juda khawm chu hâwitê hen a tuar bâk awt; ka mi tla umnâk Jerusalem kulh kawtkâ tiang chu siatnâk nih a phanh rawh” a ti.

MIKAH 6:16

Lal Omri thilsual ti dân leh a fapa lal Ahab thilsual ti dân nan zûl ruangah chubang chu a hawng tlung lai. An thilti dân nan châwng vima ruangah siatnâk ka hawng tlungtir lai le, mikip nih an zauhnawmh na lai. Munkip mi nih an siar na lai lo rawh.

MIKAH 7:13

Sikhawmsele a tlûnah misual um mi tla ruangah tual chu ramkaro hâwi hen a hawng um rawh.

THILTI 12:23

Chun, anih nih chun Pathian sinah chawnglawmhnâk a pêk lo ruangah Lalpa vânmifial nih lâkkhat ko ah a tleih le, khuprûl nih a ei le, a thi rawh.