MIKAH 5:7 - Bawm Common Language Bible Version

⁷ Israel mi lakah a dam rih mi tla chu LALPA nih dâmtî phun tam tak rangah a hawng tlâktir mi hâwi hen leh a fachî tuhtu nih thlâi a chîng mi hâwi an si lai. Minung silo hen Pathian an ngauhsan lai rawh.

MIKAH 5:7 ပူးပေါင်းရင်းမြစ်များ

2 SAMUEL 17:12

Churawhchun, David chu zei mun tal ah um seh kan tawng lai le, zei thil a hawng tlung ti a theih manh lânah kan do lai le, amah leh a mi le khawm pakhat khawm an him lai loh.

SAM 110:3

Na mêlma na do ni ah chun na mi tla nih anmah thu hen an do lai. Zînglei ah dâmti hâwi hen na tlangvâl tla chu tlâng thenhlimh ah na sinah an hawng lai.

SAM 133:3

Hermon Tlângah dâmtî fîm a tlâ mi hâwi leh Zion tlâng tlûnah a tlâ mi hâwi chu asi. Chunah chun LALPA nih a malsâwmnâk thu nungnâk dawng kho lo a tiamh.

SAM 72:6

Lal chu a lo lakah ruah a sûr mi hâwi leh ram lakah chî vawrh a tlâ mi hâwi si seh.

THUFING LASUIBU 19:12

Lal thinthawknâk chu chakeibaknei hûk hâwi asi. Sikhawmsele a mi sunhsaknâk chu ruah lawmhkâi tak hâwi asi.

ISAI 32:15

Sikhawmsele, veikhat chu Pathian nih kan lakah a thlarau a hawng fial nawlh lai. Ram â râwk rawh mi chu a hawng ningno nawlh lai le, phâisen tla khawm nih thlâi tam tak a hawng suah nawlh lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 55:10

“Ka thu chu vûr leh ruah vân thawk hen tual ah chinh ding hen a sûr mi hâwi asi. Thlâi tla a ṭhangtir hen, tuh ding mi chî leh ei ding mi buh a pêk.

ISAI 66:19

kei hi anmah rêptu kasi mi an theih lai rawh. “Sikhawmsele a zeimaw mi chu ka zuah na lai le, phun tla leh ram lât tak tla ah ka min thang zia theihlotu tla leh ka rokualnâk leh ka thiltikho zia muhlotu tla: Spain, Libia, leh Lidia, a chanhtiang kah thiam tla hen, Tubal leh Greek ram ah ka fial na lai. Hi bang phun tla nâwngah hin ka rokual zia thu an phuang lai.

JEREMIA 14:22

Phun tla milem pakhat khawm nih ruah a sûrtir kho lo, vân khawm nih a mah thu hen a sûrtir kho lo. LALPA, kan Pathian nangmah lakah lungumnâk kan nei, hi bang thil tla titu chu nangmah lâwng na si ruangah.

EZEKIEL 14:22

Âutal a thibang nih a fa tla a hum hen na sinah an hawng tikah zauh na. An sual zia tla zauh le, Jerusalem tlûnah rêpnâk ka tlungtir mi chu a dik ti theih rawh;

EZEKIEL 47:1

Chu minung nih chun Biakin tualmâi leikângah hawng ka kîrpi nawlh. Tualmâi tanglei hen tî a hawng suak le, Biakin hawinâk saklei kângah a luang. Biakin simlei kâng a tanglei thawk hen simlei kâng mâichâm sîr hen a luang.

EZEKIEL 5:5

LALPA Zahkâi nih, “Jerusalem zauh. Laikulh ah ramdang zawzawng nih kulh hen a lâi chirah ka siah.

DANIAL 11:32

Perpet hen lal chu phung thu kaltâktu tla nih an neh na le, sikhawmsele Pathian zûltu tla nih an do rûl lai.

HOSEA 14:5

Israel mi tla sinah, ram châr lakah ruah sûr mi hâwi kasi lai. Chawmpâr hâwi hen an ên lai, Lebanon ah thing tla hâwi hen ram bir tak an thlâk lai.

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

JOEL 2:32

“Jerusalem ah mi zeimaw mi tla, keimah nih ka thîm na mi tla chu an âwl lai,’ ” ti hen LALPA nih a sim mi hâwi hen.

AMOS 5:15

Sual chu hua le, thil dik chu duh le, lâirêlnâk ah chun diknâk hi dingchangnâk asi ti theih rawh. Hi phun thibang um rih mi tla sinah hin LALPA nih khua a ruat lai dahmawh.

MIKAH 2:12

“Sikhawmsele nannih Israel mi tla lakah um rih mi tla, munkhat ah ka nan pumh ver na awt. Dawrâ tla an kâwm sungah an hawng kîr mi hâwi hen kan kîrpi na lai. Ram ningno dawrâ a khat mi hâwi hen nan ram chu nan khat zat nawlh teh lai,” a ti.

MIKAH 4:13

LALPA nih, “Jerusalem mi tla, kal ule, nan mêlma tla va rêp na u! Chawchal a kî thîr, a tin dâr nei a chak mi hâwi hen ka nan siam lai. Phun tam tak na veih na lai le, mi leh tuknâk ruangah neih leh siah anna ting mi chu laikulh pumpi LALPA, Keimah sinah na hawng pêk lai,” a ti.

MIKAH 4:7

Mikhêng in thawk hen lât takah um mi an si le, chubang a thibang tla hen a thartê hen dawmh nawlhnâk ka siam lai le, phun rokual tak ah an um lai. Chu thawk hen chun kumleza hen Zion tlângah an tlûnah lâi ka rêl lai,” a ti.

MIKAH 5:3

Churuangah LALPA nih a mi tla chu fapa ring lânlo chu an mêlma sinah a mi chu a kaltâk awt rih. Churawhchun, ram sungah a hâwi tla sal ah an um mi tla chu anmah minung tla hen anna fawnh nawlh lai.

MIKAH 5:8

Phun lakah a um rih mi tla chu chakeibaknei thing mun ah ei ding a hâwl mi hâwi mawh an tlawngnâk ah â sawk mi hâwi asi lai le, a nam na le, a sâm dip na le, sanh kho an silo rawh mi hâwi an si lai.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

ZEPHANIAH 3:13

Israel a thibang tla nih chun âu sin khawm ah thil diklo ti hen âwkrâwl thu an sim lai lo le, perpet ding an tum lai lo. Sul-le-lam tluang leh him tak hen an um lai le, âukhawm ṭih an nei lai lo,” a ti.

ZEKARIA 14:8

Chu ni a hawng tlung tikah chun, tî thar chu Jerusalem thawk hen a hawng luang lai le, a khingkhuai chu Tipi Thi ah a luang lai le, a khingkhuai dang chu Mediteranian ah a luang lai. A fûr a ṭhâl hen zeiliau zawng ah a luang kumza lai.

ZEKARIA 9:13

Juda chu chanhtiang kûk ah ka siam lai le, Israel chu a thalzum ah ka siam lai. Greek mi tla do ding hen Zion mi tla chu nâmsâu hâwi hen ka mang na lai.

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

THILTI 11:15

Chun, thu ka sim tîrah Thlarau Thenhlimh kan tlûnah a hawng tlungtir liau hâwi ber hen khan an tlûnah a hawng tlung rawh.

THILTI 13:46

Chun, Pawl leh Barnaba nih chun râlṭha tak hen an sim le, “Pathian thu hi nanmah tla sinah sim masa ding rêng asi; sikhawmsele, nan nar le, zungzâl nung tlâklo hen nanna ruat rawh nûnah hin theih u, Phundang leiah kanna her lai rawh.

THILTI 16:9

Chun, zân ah Pawl nih muhtirnâk a muh; Makedonia ram ah minung pakhat dîr hen, “Makedonia ram ah hawng kâi le, hawng kan bawmh rawh,” ti hen, ngiar chiam hen a muh.

THILTI 9:15

Sikhawmsele, Lalpa nih chun a sinah, “Kal ko rawh, Phundang tla, lalchem tla leh Israel mi tla sinah ka min theihtirtu ding hen leh mang ding ah ka thîm mi asi lo mazei?

ROM 10:20

Chun, Isai nih râlṭha tak hen, “An ka hâwl lo mi tla tawng hen ka um le, an ka lam lo mi tla sinah theihtir hen ka um,” ti hen a sim.

ROM 11:12

Churawhchun, Juda tla sualnâk chu laikulh neihsiahnâk asi, chun an thlarau ngâkṭahnâk chu Phundang tla rangah neihsiahnâk asi. An rangtlingnâk châng chu neihsiah khunnâk si lai.

ROM 9:30

Zei me kan sim lai rawh ne? Phundang repnâk ṭhâwl lo tla nih chun repnâk an hawng phâk rawh asi-- lungnâk ruangah repnâk chu.

1 KORIN 3:6

Kei nih ka phun le, Apolo nih tî hen a châwm, sikhawmsele, Pathian nih a ṭhangtir asi.

DEUTERONOMY 32:2

Ka sîntirnâk tla chu ruah hâwi hen a sûr lai le, dâmtî hâwi hen tual tlûnah a um lai. Ka thu tla chu thlâi keuh no leh belh no lakah ruah a sûr mi hâwi asi lai.

LÂIRÊL 6:36

Churawhchun, Gideon nih Pathian sinah, “Israel mi tla sanhtu ding ah hawng ka mang ding hen thu na tiamh.