MIKAH 5:2 - Bawm Common Language Bible Version

² LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

MIKAH 5:2 ပူးပေါင်းရင်းမြစ်များ

GENESIS 35:16

Jakob leh a dâwngsung tla nih Bethel chu an kaltâk le, Efrat thawk hen tâwm an kal le, Rakel chu nâu a neih tik a tlung rawh, a nâu neih a har thlo.

GENESIS 35:19

Rakel chu a thi rawh chun Efrat, tûliau ah Bethlehem an ti mi lam vâu ah an vûi.

GENESIS 48:7

Hi hi na nu Rakel ruangah ka ti mi asi. Anih chu Kanaan ram ah a thi le, thungâi ka lung a fâk. Mesopotamia ram thawk hen kan hawng kîr liauah Efrat khua naih zâu ah, Efrat kalnâk lam vâu ah amah chu ka vûi rawh,” a ti. (Efrat chu tûliau Bethlehem khua asi.)

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

1 CHRONICLES 2:54

Bethlehem khua tuahtu Salma chu Netophat, Atroth Beth Joab leh Zor tla Manahath ah um mi tla chi nih lakah pakhat thlâktu asi.

1 CHRONICLES 5:2

Juda phun chu phun zawzawng lâirêltu ding leh chak chem siding hen pêk asi.)

SAM 132:6

Bethlehem ah Thudântuk Bâwm umnâk thu kan theih le, chun, Jearim phâi ah kan tawng.

SAM 90:2

Laikulh leh tlâng tla na siam lân khawm ah nang chu zungzâl Pathian leh um kumza mi Pathian na si.

EXODUS 18:21

Sikhawmsele, thil dang lakah chun a tlâk dauh mi minung thîm le, zapi minung ruitu ding ruat na le, sângkhat ruitu, zâ ruitu, sâwmngâ ruitu, parâ ruitu tla ding mi ruat na. Pathian ṭih mi, mi zumhkâi, nawhnâk lâk lo mi an siding asi.

EXODUS 18:25

Israel mi lakah mi zumhkâi tla a thîm na rawh. Sâng hotu tla, zâ hotu tla, sâwmngâ hotu tla, parâ hotu tla a ruat na.

ISAI 11:1

David thlâk lal chi chu thing hâu mi hâwi asi le; sikhawmsele a kûng bul lakah ṭeng thar tla a chawrh mi hâwi hen David thlâk tla thawk hen lal thar a hawng suak lai.

ISAI 53:2

Thil phun tual châr lakah a ram a thlâk mi hâwi hen a to-aw ṭhang ding mi chu LALPA duhzia asi. Amah kan theih khonâk ding hen rokualnâk leh dawhnâk khawm a nei lo. Amah lakah duhrim a kâinâk khawm a um lo le amah lakah va a bek ding hen duh san ding zeikhawm a um lo.

ISAI 55:4

Anih chu phun tla lakah ruitu ah leh thupêktu ah ka siam le, amah mang hen ka thiltikhonâk ka langh.

ISAI 7:14

Churuangah Lalpa amah tak nih singsiahnâk a nan pêk lai: Nungâk Thenhlimh a râi mi nih fapa a ring lai le, a min ah ‘Immanuel’ sak asi lai

JEREMIA 30:21

An lâirêltu chu anmah phun thawk hen an hawng lai le, an lal tla khawm anmah minung thawk hen an hawng lai. Ka sâwm tikah ka sinah a hawng lai, sâwm silo mi tla chu an hawng ngam awt mazei? Annih chu ka mi tla an si lai le, kei chu an Pathian kasi lai. Kei, LALPA nih ka sim asi,” a ti.

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

AMOS 9:11

LALPA nih, “David lalram, in a tlû le, â râwk mi hâwi chu dirhnawlhnâk ding ni chu a hawng tlung awt rawh. A kulh vâm tla chu ka remh nawlh lai le, a lânah mi hâwitê hen ka dirh nawlh lai. A lânah mi hâwitê hen ka sak hen ka siam nawlh lai.

MIKAH 4:10

Jerusalem mi tla, nunau nih fa a ring awt mi hâwi a, merh le rûm, tuah khuapi kaltâk hen mâng ah na um awt rawh ruangah. Babulon ah sal ah na kal lai le, sikhawmsele chu lakah mi na mêlma lakah mi LALPA nih ruang an suah lai.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

MATHAI 2:1

Chun, lalchem Herod a lal liauah Judai ram ah Bethlehem ah Jisu a hawng suak liauah, ngâinik, khawsak lei thawk hen mifing tla Jerusalem khua ah an hawng kal le, “Kha zeiah Juda tla lalchem a hawng suak mi chu?

MATHAI 2:6

‘Nang, Bethlehem, Juda ram ah mi, Juda khuapi lakah na mê chem rîlmâl lo! Na sung thawk hen lâirêltu a hawng suak awt ruangah, ka mi Israel tla vêngtu ding chu, ti hi,’ ” an ti.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

LUK 23:2

Chun, “Hi minung nih hin kan phun tla a râwk le, Kaisar sinah siah châwi a khap le, Mesia, Lalchem â ti mi kan theih,” ti hen an phûm rawh.

LUK 23:38

Chun, a tlûn leiah chun, “HI HI JUDA TLA LALCHEM ASI,” ti hen lasui rîn a um.

JOHAN 7:42

Mesia chu David thlâk lakah, David umnâk khua Bethlehem ah a suak ding asi ti Pathian lasui thu nih a sim lo mazei?” an ti.

DEUTERONOMY 1:15

Churawhchun, phun kip lakah mi mifing leh ti dân thiam tla nan thîm na mi chu ka put na lai le, nan hotu rang ding ah ka siam na lai. A zeimaw mi sâng tlûnah mawhphurhtu ding hen, a zeimaw mi zâ tlûnah, a zeimaw mi sâwmnga tlûnah, a zeimaw mi parâ tlûnah mawhphurhtu tla ka ruat na.

KOLOSA 1:17

Krist chu zeizawng um lânah um mi rawh asi, amah lakah chun zeizawng munkhat dut hen a dîr.

HEBRAI 13:8

Jisu Krist chu mazân khawm, tusûn khawm ah leh kumleza hen a mahmun hen a um kumza.

HEBRAI 7:14

Kan Lalpa chu Juda phun lakah a hawng suak ti fiang tak hen a lang; hi phun hen anna tlâinâk, bâwlpu leikâng thu ah, Mosi nih zei thu khawm a sim lo.

1 JOHAN 1:1

Nungnâk Thu, a tîr thawk hen a um mi kha, kan nâ hen kan theih le, kan mit hen kan muh kha, kan zauh le, kan kut hen kan tawngh kha.

THUPHUANG 19:16

Chun, a puan leh a kê ah min rîn, “lal tla Lal leh hotu tla Hotu,” ti hen a um.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.

THUPHUANG 21:6

Chun, hi hawi hen a sim le, “Â lîm rawh, kei Alpha leh Omega, a bul leh a dawng kasi, a tîhâl mi zawng sinah nungnâk tiva ah mi a thawt hen ka pêk lai.

LÂIRÊL 17:7

Chu liau chir chun Juda ram ah Bethlehem khua ah Levi mi tlangvâl pakhat a um.

RUTH 1:1

Hun sâwt ual asi rawh, Israel tla nih lal an nei lânah ram lakah pâm a hawng tlung. Churawhchun, minung pakhat Elimelek, Ephrath phun ah mi Juda ram Bethlehem ah um mi chu a nupi Naomi leh a fapa panih Mahlon leh Chilion chu Moab ram ah zeimaw tiang an va um rih ding hen an kal rawh. Chunah an um liauah,

RUTH 4:11

Chubang ruitu tla leh midang tla nih chun, “Theihpitu kan si, na nupi chu Rakel leh Leah nih Jakob rangah fa tam tak an ring piak mi hâwi hen LALPA nih siam seh, nang khawm Ephrath chi lakah Bethlehem khua ah chun minei si hen na min thang seh.

1 SAMUEL 10:19

Kei, nan lawksawngnâk zawzawng leh nan harsatnâk lakah mi ruang a nan suahnatu Pathian kasi, sikhawmsele tusûn ni ah hin nan ka nawng le, lal an pêk na ding hen nan ka deih. A ṭha ma chu, asi chun LALPA mâika ah a phun phun leh a chi chi hen hawng khap u,’ ” a ti na.

1 SAMUEL 17:12

David chu Jese fapa, Judai ram Bethlehem khua mi, Ephrat thlâk asi. Jese nih fapa pariat a nei le, Saul a lal liauah chun a tar ual rawh.

1 SAMUEL 17:18

An hotu rangah chaw nûk khal parâ put piak. Na u le tla zei hâwi an um an dam ma, an thâwngthâng na theih mi leh na muh mi chu sim ding hen hawng kîr nawlh.

1 SAMUEL 23:23

A thupnâk mun tak hâwl ule, a thâwngthâng hawng ka simh phêt u. Churawhchun, nan sinah ka hawng lai le, chu mun ah a um nget rih asi chun, Juda ram pumpi va hâwl lo hen ka thah ko lai,” a ti.

1 SAMUEL 8:12

A zeimaw mi chu sâng hotu ah a siam na lai le, a dang tla chu sâwmnga hotu ah a siam na lai. Nan fapa tla nih a phâisen an nâwn lai le, a fâng an ât piak lai, a riamnâm an siam lai le, a kari thuamthil tla an siam lai.