MIKAH 5:13 - Bawm Common Language Bible Version

¹³ Na milem tla leh na lungphun tla chu ka veih lai le, nangmah tak nih na siam mi thil tla chu na sawnh lai lo rawh.

MIKAH 5:13 ပူးပေါင်းရင်းမြစ်များ

ISAI 2:8

An ram chu milem hen a khat le, anmah kut ngelchel hen an siam mi thil tla chu an sawnh.

ISAI 27:9

Sikhawmsele Israel sualnâk chu lunglo tla mâichâm sangvut hâwi hen rial dip asi tik leh rimthâw mâichâm mawh pathiannu Aserah lem pakhat khawm zuah lo asi tikah ngaihdam asi lai.

EZEKIEL 16:41

Na in tla chu an duah lai le, rêp hen na um mi chu nunau rual nih a nan muh lai. A zuar mi nunau na sinâk kan bângtir lai le, na duh na mi tla sinah thilpêk khawm ka nan bângtir lai rawh.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

EZEKIEL 37:23

Milem fihnungkâi tla hen anna nawmh lai lo rawh le, sualnâk hen anna râwk lai lo rawh. An hawng ka phiarnâk leh an sualnâk zawzawng lakah mi ka lîttir na lai rawh. Ka thiangtir na lai le, ka mi tla an si lai le, kei, an Pathian kasi lai rawh.

EZEKIEL 6:9

An thinlung ah zumhnâk nei lo hen an hawng ka kaltâk le, kei ngâk hen milem an duh dauh ruangah ka rêp na hen ningzak ka saih na mi asi ti chunah an ka theih lai rawh. Thilsual ti hen anmah niamnâk ding thil an ti ruangah anmah anna fih lai.

HOSEA 10:2

An thinlung ah perpet mang mi chu tuah an tuar ding asi. Pathian nih an mâichâm tla leh an lungphun thenhlimh tla chu a râwk lai.

HOSEA 14:3

Asiria nih hawng kan hum kho dah ding asi lo, râltuknâk rang tla khawm nih hawng kan hum kho lai lo, kan milem tla sinah kan pathian na si kan ti lai lo rawh. LALPA âu sin khawm pial lotu tla sinah khua na ruat,” a ti.

HOSEA 14:8

Israel mi tla chu milem hen tlâinâk an nei lai lo rawh; An thlachamnâk ka sâng lai le, keimah nih ka zauhkhenh lai; Thing a ring kumza mi hâwi hen ka dawrtir na lai le, Kei chu an rangah malsâwmnâk bul kasi lai,” a ti.

NAHUM 1:14

Hi hi LALPA nih Asiria mi tla lakah a thusuah chu asi: “An min thâwn vima ding hen thlâk an nei lo rawh, an biakin ah milem an pathian tla ka veih awt. Asiria mi tla chu lung ding hen an tlâklo, an rangah thlân ka timhtuah rawh,” a ti.

ZEPHANIAH 1:4

“Jerusalem mi leh Juda mi zawzawng ka rêp na awt. Chunah Baal sawnhtu tla thu chu ka veih lai le, lunglotu tla sawnhnâk ah bâwlpu mang mi tla chu âukhawm nih an theih lai lo rawh.

ZEKARIA 13:2

Chu tikah chun ram lakah milem min chu ka veih ving lai le, âukhawm nih an theih lai lo rawh. Khuavâng kasi titu zawzawng chu ka thliar lai le, milem sawnh duhnâk khawm ka veih ving lai.

THUPHUANG 9:20

Chun, chubang rêpnâk nih a thah bang minung tla nih chun, an thil siam sawnhnâk tla chu bângtâk lo hen, khuri tla leh ngûn milem tla, tangka milem tla, dâr milem tla, lung milem tla, thing milem tla, zeikhawm muh kho lo, theih kho lo, kal kho lo tla chu an sawnh le an rim lêm lo.

LÂIRÊL 18:17

Chu zauh thlingthlâktu panga chu in ah an va kal phêt le, tangka hen tuam mi thing milem leh milem dang tla leh ephod chu bâwlpu kulh kawtkâ kiangah kawrsen zaruk sinah a um karah chun an lâk rawh.