MIKAH 5:10 - Bawm Common Language Bible Version

¹⁰ LALPA nih, “Chu tikah chun na rang tla ka lâk lai le, na kari tla khawm ka râwk hep awt.

MIKAH 5:10 ပူးပေါင်းရင်းမြစ်များ

ISAI 2:7

An ram chu ngûn leh tangka hen a khat le, an neih kil khawm dih ti a um lo. An ram chu rang hen a khat le, an kari tla khawm dawng ti a um lo.

JEREMIA 3:23

Tlâng tlûnah lunglo pathian kan sawnh mi nih hawng kan ṭangpi lo thlo. Israel rangah ṭangpinâk chu LALPA thawk hen cho a hawng kal.

HOSEA 1:7

Sikhawmsele Juda mi tla rangah ka dâwtnâk ka langh lai. Kei, LALPA, an Pathian nih ka hum na lai le, râltuknâk nâmsâu mawh chanhtiang leh thalzum, mawh rang tla leh a tlûnah chuan mi hen mawh an lakah ka tlungtir lai lo,” a ti.

HOSEA 14:3

Asiria nih hawng kan hum kho dah ding asi lo, râltuknâk rang tla khawm nih hawng kan hum kho lai lo, kan milem tla sinah kan pathian na si kan ti lai lo rawh. LALPA âu sin khawm pial lotu tla sinah khua na ruat,” a ti.

HAGAI LASUIBU 2:22

lalram tla leh an thiltikhonâk ka dawngtir awt, an kari leh a khalhtu tla chu ka thal tlak lai le, rang tla an thi lai le, a tlûnah totu tla chu anmah leh anmah anna thah lai.

ZEKARIA 9:10

LALPA nih, “Israel lakah mi râltuknâk kari tla chu ka ṭhial lai le, Jerusalem a mi rang tla chu ka lâk ver lai le, râltuknâk chanhtiang tla chu ka râwk hep lai. Nan lal nih phun tla lakah thlangamnâk a siam lai le; khatlei mi tipi thawk hen khatlei mi tipi tiang Eufretis tiva thawk hen tual dawnghnâk tiang lâi a rêl lai,” a ti.

DEUTERONOMY 17:16

Lalchem nih chun a kawrsen tla rangah rang tla tam tak a nei ding asi lo, rang tla châwk ding hen Aigupta ah mi a fial na ding asi lo, LALPA nih chu ram ah chun a mi tla kîr lo rawh ding a ti ruangah.