MIKAH 4:9 - Bawm Common Language Bible Version

⁹ Zei rangah fâk tak hen na ṭap? Nunau nganfâk tuar hâwi hen zei rangah na tuar? Lal nei lo hen remruattu tla an thi ruangah ma?

MIKAH 4:9 ပူးပေါင်းရင်းမြစ်များ

ISAI 13:8

An ektê hen an lâu lai le, nganfâknâk nih a neh na lai le, nunau nganfâk mi hâwi asi lai. Ningṭih hen anmah leh anmah anna zauh lai le, an mêl chu ningzaknâk hen a mûi lai.

ISAI 21:3

Langhnâk ka muh mi leh theih mi nih nunau a nganfâk mi hâwi hen, nganfâknâk leh ningṭihnâk ka lakah a khattir.

ISAI 26:17

LALPA, nangnih nunau nganfâk tuar a râk mi hâwi hen na kan râktir.

JEREMIA 22:23

Lebanon tlâng thawk hen lâk mi sidar thing tla lakah him tak hen na dîn le; sikhawmsele nunau faring hâwi hen nganfâk nih a nan tlunh tik chun zângfâk na ti awt chiam e!

JEREMIA 30:10

“Ka mi tla, ṭih lah u; Israel mi tla, lâu lah u. Ram lât tak sal ah nan tângnâk ram ah mi chu ruang ka nan suah na awt. In leiah hawng kîr hen thlangam tak hen nan um lai le; him tak hen kan umtir na lai le; âukhawm nih an lâutir na lai lo rawh.

JEREMIA 4:21

Zei tiang riamruam me râltuk chu ka muh hen tâwtawrâwt hâu chu ka theih awt?

JEREMIA 4:31

Nunau nganfâk a ṭap mi hâwi leh nunau nih a fa tîr ring liauah a râk mi hâwi hen ṭap hâu ka theih. Jerusalem chu a thawsuah kho lo rê hen a râk le, a kut zo bû hen, “Ka vânduai a! Keimah thah ding hen an hawng ko rawh,” a ti.

JEREMIA 48:41

khuapi tla leh kulh tla chu lâk hen a um lai. Chu ni chun Moab kawrsen tla chu nunau nganfâk mi hâwi hen an lâu lai.

JEREMIA 50:43

Babulon lalchem nih thâwngthâng a theih le, a kut a thlâi thlo. Lawksawngnâk nih a tleih le, nunau nganfâk mi hâwi asi rawh.

JEREMIA 8:19

Ngâinik u! Ram pumpi ah ka mi tla ṭap hâu ka theih, “Zion ah LALPA a um lo rawh na maw? Chunah chun Zion lalchem a um lo rawh na maw?” ti hen, LALPA, an lalchem nih a sâng le, “Zei rangah nan milem tla sawnh hen leh nan ramdang pathian tla zeikhawm silo mi sinah kûn hen ka thin nan ka thawktir?” a ti.

LUNGFÂKNÂK 4:20

LALPA nih a thîm mi lalchem hawng kan rûntu lakah humtu ah kan rinhsanh mi kan nungnâk bulpi chu an tleih rawh.

HOSEA 10:3

Hi bang minung tla nih hin, “LALPA kan ṭih lo ruangah lal kan nei lo mi asi rawh. Sikhawmsele lal nih kan rangah a ti kho mi a um awt?” an ti sawm teh lai.

HOSEA 13:13

Israel nih chun nung ding hen tik a nei le, sikhawmsele ngâksia a suak ding mi a nu pawsung ah a suak duh lo mi hâwi hen ti ding hen a â tuktarâi.

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

MIKAH 5:3

Churuangah LALPA nih a mi tla chu fapa ring lânlo chu an mêlma sinah a mi chu a kaltâk awt rih. Churawhchun, ram sungah a hâwi tla sal ah an um mi tla chu anmah minung tla hen anna fawnh nawlh lai.

JOHAN 16:21

Nunau a nganfâk liauah a ngaihsia tâwn, amah tik a tlung rawh ruangah; sikhawmsele, nau a nei rawh chun a lawksawngnâk chu a theih nawlh lo rawh; laikulh ah minung a hawng suak mi chu a lawmh ruangah.

THUPHUANG 12:2

Chu nih chun nâu a pâwi le, nâu neih nganfâk tuar hen a râk rawh.