MIKAH 4:8 - Bawm Common Language Bible Version

⁸ Nang, Jerusalem, Pathian nih a mi tla dawrâpu hâwi hen a vêng na nâk mun na lalram lakah khuapi lianchem na si nawlh nget lai.

MIKAH 4:8 ပူးပေါင်းရင်းမြစ်များ

GENESIS 35:21

Jakob chu â ṭhial vima le, Eder insâng khatlei varâl ah um mun a siam.

2 SAMUEL 5:7

(David nih Zion kulhpi chu a lâk le, “David khuapi,” ti asi rawh.)

NEHEMIAH 3:25

Uzai fapa Palal nih chu sangtu kulh ki ram ah mi, mun sâng dauh ah mi insâng vêngnâk in kiang a remh. Parosh fapa Pedaiah nih tikhur kiangah mi chu sangtu saklei ram leh Biakin vêngnâk insâng ram a remh. (Hi hi Ophel an ti mi khuapi zeimaw mun ram Biakin rianṭuantu umnâk asi.)

SAM 24:7

Kulh kawtkâ tla chu kauh ule, a lânah mi inkhâr tla chu awng u, chun lal rokual chu a hawng lût lai.

SAM 48:3

Khuapi kulhpi kulh sungah a sinah himnâk a um mi Pathian nih a langhtir.

SAM 61:3

Ka mêlma lakah mi hawng ka vêngtu chak tak leh hawng ka humtu na si ruangah himnâk ah hawng ka siah.

LA TLA LA 4:4

Na ngâwng khawm David insâng hâwi asi, a bial hen a tlawr, phaw sâng khat hêl dak hen ṭhi thlaih mi hâwi asi.

ISAI 1:26

A lânah mi hâwi hen simhtu leh lâirêltu ka nan pêk lai. Churawhchun, Jerusalem chu khuapi rep leh zumhkâi asi, an ti lai,” ti hen.

ISAI 10:32

Mêlma tla chu tusûn ah Nob khuapi ah an um le, Zion Tlângah Jerusalem khuapi ah an kuttum an lirh rawh.

ISAI 5:2

Tual a chawh le, lung a lawnh hep le; grep ṭha chem mi tla a phun na. A vêngnâk ding hen insâng a sak le, grep chîlnâk ding hen khur a chawh. Grep min tik ding a ngâk le, sikhawmsele grep tla chu a thur hep.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

DANIAL 7:18

Chungnungchem Pathian mi tla nih lal thiltikhonâk anna ting kumza lai rawh,” a ti.

OBADIAH 1:21

Jerusalem ah mi nehtu tla nih Edom ram an do lai le, an tlûnah lâi a rêl lai. LALPA amah tak chu Lal asi lai.”

MIKAH 2:12

“Sikhawmsele nannih Israel mi tla lakah um rih mi tla, munkhat ah ka nan pumh ver na awt. Dawrâ tla an kâwm sungah an hawng kîr mi hâwi hen kan kîrpi na lai. Ram ningno dawrâ a khat mi hâwi hen nan ram chu nan khat zat nawlh teh lai,” a ti.

ZEKARIA 9:10

LALPA nih, “Israel lakah mi râltuknâk kari tla chu ka ṭhial lai le, Jerusalem a mi rang tla chu ka lâk ver lai le, râltuknâk chanhtiang tla chu ka râwk hep lai. Nan lal nih phun tla lakah thlangamnâk a siam lai le; khatlei mi tipi thawk hen khatlei mi tipi tiang Eufretis tiva thawk hen tual dawnghnâk tiang lâi a rêl lai,” a ti.

ZEKARIA 9:12

Nannih saltâng, tuah lungumnâk neitu tla, nan mun ah him tak hen hawng kîr u. Nan tuar mi ruangrûl ah a lehnih ngâk a tam malsâwmnâk kan pêk na ding mi tuah kan simh na lai.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

NUMBER 24:19

Israel phun tla nih an lamhbêk na lai le, A thibang tla khawm an veih hep lai,” a ti.

MATHAI 21:33

“Tahṭhimh thu dang ngâi u: mi âumawh in dâwngpu a um le, chu nih chun grep dûm a siam le; dâi hen a kulh le, grep sûrnâk khur a chawh le, in sâng a sak le; chun a bultu tla sinah a thlawh lawh ding hen a ap na le, ram dang ah a kal rawh.

MARK 12:1

Chun, tahṭhimh thu hen Jisu nih an sinah a sim rawh: “Âunih mawh grep dûm a siam le, dâi hen a kulh le, grep sûrnâk khur a chawh le, in sâng a sak le, a bultu tla sinah thlawh lawh ding hen a pêk le, ram dang ah a kal rawh.

THUPHUANG 22:5

Chun, zân a um lai lo le, khâwnvâr chêu leh nî chêu a herh lai lo le, Lalpa Pathian chu an chêu asi ruangah, zungzâl hen lâi a rêl lai rawh.