MIKAH 4:5 - Bawm Common Language Bible Version

⁵ Phunkip nih mah pathian chiau an sawnh lai le, an zûl lai. Sikhawmsele LALPA kan Pathian chu sawnh hen a thu kan ngâi kumza lai rawh.

MIKAH 4:5 ပူးပေါင်းရင်းမြစ်များ

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

2 Lal 17:29

Sikhawmsele, Samaria ah um mi tla nih ruklem an siam nget rih le, Israel tla nih mun thenhlimh an siam mi lakah an siah. Murui kip anmah umnâk khuapi chiauah milem an siam.

2 Lal 17:34

Tusûn ni tiang hen an dân li chu an thâwn vima. Jakob a min Israel ti hen sak mi thlâk tla sinah pêk mi dân leh thupêk tla khawm an zûl lo, LALPA khawm chu an sawnh lo.

SAM 20:6

LALPA nih a lalchem thîm mi sinah nehnâk a pêk tih tuah ka theih; a vân thenhlimh thawk hen a sâng le, a thiltikhonâk rokual tak hen nehtu ah a siam.

SAM 48:14

“Hi Pathian hi zungzâl kan Pathian asi; tik a hawng tlung ding mi zawng lakah hawng kan rui lai,” ti hen.

SAM 71:16

LALPA, Pathian, na thiltikhonâk chu ka sawr lai le; nangmah ṭhatnâk ka phuang lai, nangmah cho hi.

ISAI 2:5

Jakob thlâk tla, tuah LALPA nih chêu hawng kan pêk mi lakah kan kal lai!

ISAI 26:13

LALPA kan Pathian, midang tla nih kan lakah lâi an rêl le, sikhawmsele nangmah cho kan LALPA na si.

ISAI 26:8

Na duhzia hâwi hen kan um le, nangmah lakah kan lungum; kan duh mi zawzawng chu nangmah na si.

JEREMIA 32:40

Anmah hen zungzâl thudântuk ka siam lai. Ka lakah mi an hawng ka hertâk lo rawhnâk ding hen an rangah thil ṭha ti ka bâng lai lo, an thinlung zawzawng hen hawng ka ṭihtu ding ah ka siam na lai.

ZEKARIA 10:12

Ka mi tla chu chak tak hen ka siam lai le; keimah an ka sawnh hen ka thu an ngâi lai rawh,” a ti. LALPA nih a sim mi asi.

THILTI 14:16

Chu Pathian nih chun tuan liauah phun kip mah lampi chiau zawh a siang le,

DEUTERONOMY 27:10

churuangah a thu ngâi ule, tusûn ni ah a dân tla ka nan pêk na mi zawzawng kil u,” an ti.

KOLOSA 2:6

Churuangah, Krist Jisu, Lalpa chu nan lawmh hâwi khan, amah lakah ram thlâk leh dirh hen sangh dadauh a um hen, an sîntir na hâwi khan nan lungnâk ah chun bir tak a um hen, lâwmthusim nei tam hen amah lakah chun um u.

KOLOSA 3:17

Chun nan ti mi zawng chu thusim lakah mawh, thilti lakah mawh amah zârah Pa Pathian sinah lâwmthu sim bû hen Lalpa Jisu min hen ti ver u.

JOSUA 24:15

Amah rian chu ṭuan ding nan duh lo asi âwk leh tusûn ni ah hin âu rian nan ṭuan awt a ruat set u. Tuah nan umnâk ram Amor tla pathian mawh Mesopotamia ram ah an thlâk natu pathian rian ma nan ṭuan awt thlûk u. Kei leh ka dâwngsung lam nih chun LALPA rian kan ṭuan lai,” a ti.