MIKAH 4:4 - Bawm Common Language Bible Version

⁴ Mikip rem tak hen an grep leh an theipi nâwngah an um lai le, an lâutir na lai lo rawh. LALPA Zeizawng tikho nih hi hi a tiamh mi asi.

MIKAH 4:4 ပူးပေါင်းရင်းမြစ်များ

1 Lal 4:25

A damsung zawzawng chu Israel leh Juda tla chu him tak hen an um le, dâwngsungkhur kip nih grep zûn leh theipi mah tâ chiau an nei.

1 Lal 5:5

LALPA nih ka pa David sinah, ‘Na fapa, a nehnûnah Lalchem ah ka siam ding mi nih ka rangah Biakin hawng ka sak piak lai,’ ti hen thu a tiamh. Tuah LALPA ka Pathian sawnhnâk ding hen Biakin chu sak ding ka tum rawh asi.

JOB LASUIBU 11:19

Na mêlma tla chu na ṭih na lai lo le, mi tam tak nih ṭangpitu ah a nan sâwm lai.

SAM 72:3

Ram chu vân ṭhatnâk lakah a lâwm sele; repnâk chu theihthiam seh.

THUFING LASUIBU 3:25

Lâkkhatko ah veihnâk thu ah na lawksawng lai lo, chubang tla chu misual tlûnah thlipi hâwi hen a hawng tlung tâwn.

ISAI 1:20

Sikhawmsele nan ka siarlo mi asi chun, vânduai tak hen nan thi lai. Kei, LALPA nih ka sim asi,” a ti.

ISAI 17:2

Siria khuapi tla chu a vei pawt lai rawh. Ran leh dawrâ tla râwl tlatnâk asi lai le, chunah mi chu âukhawm nih an khalh na lai lo rawh.

ISAI 22:25

Chu chu a hawng um tik chun, chu thîr khenh bir tak a khenh mi chu a hawng tlawng lai le, a tlâ lai. Chu chu thil zeizawng thlâi mi dawnghnâk asi lai rawh. LALPA nih a sim mi asi,” a ti.

ISAI 26:16

LALPA, na mi tla chu na rêp na le, ngaihsia tak hen na sinah thla an cham.

ISAI 32:17

Mikip nih thil dik an ti ruangah himnâk leh thlangamnâk a um kumza lai rawh.

ISAI 36:16

Hezekiah thu ngâi lah u! Asiria lal lianchem nih khuapi ah mi hawng suak hen hawng a pêk ding hen thu an pêk na. Nan dûm mi grep tla ei ding leh nan theipi kûng ah mi theipi ei ding hen, nan tikhurchawh lakah mi tî din ding hen siang asi lai.

ISAI 40:5

Churawhchun, LALPA rokualnâk a hawng lang lai le, mi zawzawng nih an muh lai. LALPA amah tak nih hi hi a tiamh mi asi,” a ti.

ISAI 54:14

Diknâk leh repnâk nih a nan chaktir lai. Nehsawhnâk leh ningṭihnâk lakah mi chu na him lai rawh.

ISAI 58:14

keimah rian na ṭuan ruangah lâwmnâk na tawng lai. Laikulh pumpi nih zah ding hen ka nan siam lai le, a nan thlâktu Jakob sinah ka pêk mi ram ah lâwm tak hen na um lai. LALPA, keimah nih ka sim mi asi,” a ti.

JEREMIA 23:4

Anmah zauhkhenhtu ding hen lâirêltu tla ka ruat lai. Ka mi tla chu an ningṭih hen an lâu lai lo rawh le, rêp khawm ka rêp nawlh na lai lo rawh. Kei, LALPA nih ka sim asi,” a ti.

JEREMIA 30:10

“Ka mi tla, ṭih lah u; Israel mi tla, lâu lah u. Ram lât tak sal ah nan tângnâk ram ah mi chu ruang ka nan suah na awt. In leiah hawng kîr hen thlangam tak hen nan um lai le; him tak hen kan umtir na lai le; âukhawm nih an lâutir na lai lo rawh.

EZEKIEL 34:25

An sinah an himnâk ding hen thudântuk ka siam awt. Ram lakah ramsa ṭihnungkâi ka ṭhiau phin na lai le, churawhchun ka dawrâ tla chu phâisen ah him tak hen an um lai le, tumun tla ah an bawk lai.

EZEKIEL 34:28

Lunglo phun tla nih an rûn lai lo rawh le, ramsa tla khawm nih an thah hen an ei na lai lo rawh. Him tak hen an um lai le, âukhawm nih an lauh na lai lo rawh.

EZEKIEL 38:11

Ṭangpitu nei lo ram thlangam tak leh him tak hen kulh nei lo leh vêngtu nei lo khuapi ah an um mi tla chu rûn na tum lai.

EZEKIEL 39:26

An ram ah him tak hen an um liauah, âukhawm nih nehsawh an si lo liauah kei an ka phiar ruangah ningzak saih hen an um mi khawm an philh kho lai rawh.

LEVITICUS 26:6

“Nan ram ah thlangamnâk kan pêk na lai le, ningṭihnâk nei lo hen nuam tak hen nan it lai. Ram sa ṭihnungkâi tla nan ram ah mi ka kiangtir ver lai le, râltuk khawm a um lai lo rawh.

MIKAH 5:3

Churuangah LALPA nih a mi tla chu fapa ring lânlo chu an mêlma sinah a mi chu a kaltâk awt rih. Churawhchun, ram sungah a hâwi tla sal ah an um mi tla chu anmah minung tla hen anna fawnh nawlh lai.

ZEPHANIAH 3:13

Israel a thibang tla nih chun âu sin khawm ah thil diklo ti hen âwkrâwl thu an sim lai lo le, perpet ding an tum lai lo. Sul-le-lam tluang leh him tak hen an um lai le, âukhawm ṭih an nei lai lo,” a ti.

ZEKARIA 3:10

Chu ni a hawng tlung tikah mikip nih nan inpa thlangam leh rem tak a um hen theipi leh grep nih an kulh dak mi ruangah a lâwm ding hen nan sâwm na lai,” a ti.