MIKAH 4:3 - Bawm Common Language Bible Version

³ Phun tla lakah thunawk a lât leh a nâi nâk ah um mi tla lâi a rêl piak lai. An nâmsâu tla phâisen nâwnnâk ah an mang lai le, an fei tla chu tual nâwnnâk zum ah an siam lai. Phun tla chu râltuk ding hen an kal lai lo rawh le, râltuk ding khawm anna timhtuah lai lo rawh.

MIKAH 4:3 ပူးပေါင်းရင်းမြစ်များ

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

SAM 46:9

Laikulh zawzawng tuknâk a bângtir; chanhtiang tla a khiak le, fei tla a râwk, phaw tla chu mei hen a duah.

SAM 72:3

Ram chu vân ṭhatnâk lakah a lâwm sele; repnâk chu theihthiam seh.

SAM 72:7

Repnâk nih chun a dam kar zawzawng chu ningnotir sele, vânṭhatnâk chu thlâ chêu kar zawzawng tiang si seh.

SAM 82:8

Pathian, hawng le, laikulh lâirêl piak; phun tla zawzawng chu na tâ an si.

SAM 96:13

lâirêl ding hen LALPA a hawng tik chun laikulh mi chu dik tak leh ṭha tak hen lâi a rêl piak na lai.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

ISAI 2:4

Phun rokual tak lakah remlonâk thu ah lâi a rêl lai. An nâmsâu tla chu phâisen ah an dêng lai le, an fei tla chu phâisen nâwnnâk thîr zum rangah an dêng lai. Phun tla chu râltuk ding hen an kal lai lo rawh, râltuk ding khawm timhtuahnâk an nei lai lo rawh.

ISAI 25:3

Phun thiltikho tak tla nih nang chu an sawr lai le; phun sual tla khuapi mi nih a nan ṭih lai.

ISAI 51:5

Ka hawng sawm lai le, ruang ka suah na lai; ka nehnâk tik chu a nâi rawh. Keimah tak nih phun tla tlûnah lâi ka rêl lai. Ram lât tak ah mi tla nih ka hawng ding mi leh anmah ruang ka suah na ding mi lungum tak hen an hawng ka ngâk lai.

ISAI 60:12

Sikhawmsele, na nâwl zulh duh lo phun tla chu veih dep an si lai.

ISAI 65:25

Chingngia leh dawrâ fa tla munkhat hen râwl an ei lai. Chakeibaknei tla nih ran hâwi hen fapawn an ei lai le, rûl tla khawm ṭihnung an kâi lai lo rawh. Ka tlâng thenhlimh Zion ah nganfâk leh sualnâk zeikhawm a um lai lo rawh,” a ti.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

HOSEA 2:18

Chu tikah chun ramsa leh va zawzawng tla hen thudântuknâk ka siam lai le, churawhchun, ka mi tla rangah nganfâk an pêk lai lo rawh. Tuknâk râlthuam tla ram lakah mi chu ka lawnh phin lai rawh le, nâmsâu leh chanhtiang tla khawm, ka mi tla chu thlangam leh him tak hen ka umtir na lai rawh.

HOSEA 2:20

Ka thutiam chu ka kil kumza lai le, an theihtir lai; nang khawm nih LALPA na ka ti lai rawh.

JOEL 3:2

Phun tla zawzawng ka pumh lai. Lâirêlnâk (Jehoshaphat) Vakuam ah ka put na lai. Chun ka mi le tlûnah thil an ti mi ruangah lâi ka rêl lai. Ramdang ah Israel tla chu an rek phin na le, Israel umnâk ka ram chu an semsâi ver.

MIKAH 5:15

Ka thu ngâilotu phun zawzawng tlûnah ka thinthawknâk fâk tak hen phû ka lam awt,” a ti.

ZEKARIA 14:3

A lânah a do na mi hâwi hen LALPA chu a suak lai le, phun tla a do na lai.

ZEKARIA 8:20

LALPA Zeizawng tikho nih, “Khuapi tam tak thawk hen Jerusalem ah mi tla an hawng ding mi tik chu a tlung rawh.

ZEKARIA 9:10

LALPA nih, “Israel lakah mi râltuknâk kari tla chu ka ṭhial lai le, Jerusalem a mi rang tla chu ka lâk ver lai le, râltuknâk chanhtiang tla chu ka râwk hep lai. Nan lal nih phun tla lakah thlangamnâk a siam lai le; khatlei mi tipi thawk hen khatlei mi tipi tiang Eufretis tiva thawk hen tual dawnghnâk tiang lâi a rêl lai,” a ti.

THILTI 17:31

ni a tiamh ruangah, chu ni ah chun a minung ruat mi tla chu tual ah mi tla rep tak hen lâi a rêl lai; chu chu Pathian nih amah chu mithi lakah mi thawh hen mi zawzawng sinah a theihtir rawh,” ti hen.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.

1 SAMUEL 2:10

LALPA mêlma tla chu veih an si lai le, vân thawk hen khuarît hen a do na lai. LALPA nih laikulh pumpi lâi a rêl lai le; a lal sinah thiltikhonâk a pêk lai, a lal thîm ruangah nehnâk a pêk lai,” a ti.