MIKAH 4:2 - Bawm Common Language Bible Version

² Chu tla nih chun “LALPA tlângah mi, Israel Pathian Biakin ah kan kal lai. Anih nih ti ding hawng kan duh mi chu hawng kan sîntir awt ruangah; a thîm mi lampi ah chun kan kal lai rawh. LALPA sîntirnâk chu Jerusalem thawk hen a hawng um lai le, a mi tla sinah Zion thawk hen thu a sim lai,” an ti.

MIKAH 4:2 ပူးပေါင်းရင်းမြစ်များ

SAM 110:2

Zion thawk hen na lal thiltikhonâk chu a kauh lai, na mêlma tlûnah lâi rêl rawh,” a ti.

SAM 119:1

An nungnâk sual tel lo mi chu an thaw a suak, LALPA dân hâwi hen um mi chu.

SAM 119:171

Na dân na ka sîntir ruangah ka nan sawr kumza lai.

SAM 122:1

“LALPA in ah kan kal lai,” an ti liauah thungâi ka lâwm.

SAM 25:12

LALPA lakah ê-aw ngâitu tla nih chun an kalnâk lei lampi chu a sinah anna sîn lai.

ISAI 2:3

Chu tla nih chun, “Israel Pathian Biakin leiah LALPA tlângah kan kâi lai. A duhzia thil ti ding hen hawng kan sîntir lai; amah lampi thîm lakah kan kal lai. LALPA sîntirnâk chu Jerusalem ah a um lai le; Zion ah a mi tla sinah thu a sim lai,” an ti lai.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

ISAI 56:7

“Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

JEREMIA 31:6

Asi, vêngtu nih Efraim tlângah, ‘LALPA, kan Pathian sinah Zion tlângah kan kâi lai, ti hen âu ding mi tik chu a tlung rawh,’ ” a ti.

JEREMIA 42:3

Kan kalnâk ding lampi hawng kan muhtir ding leh kan ti ding mi hawng kan theihtir ding hen LALPA, kan Pathian sinah thla hawng kan cham piak,” an ti.

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

ZEKARIA 14:16

Churawhchun, Jerusalem dotu phun lakah a thibang tla chu kum siar hen LALPA Zeizawng tikho chu sawnh ding hen leh Bâsâ Kût mang ding hen chunah chun an kal lai.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

ZEKARIA 9:10

LALPA nih, “Israel lakah mi râltuknâk kari tla chu ka ṭhial lai le, Jerusalem a mi rang tla chu ka lâk ver lai le, râltuknâk chanhtiang tla chu ka râwk hep lai. Nan lal nih phun tla lakah thlangamnâk a siam lai le; khatlei mi tipi thawk hen khatlei mi tipi tiang Eufretis tiva thawk hen tual dawnghnâk tiang lâi a rêl lai,” a ti.

MARK 16:20

Chun, annih chu an suak le, ram kip ah thu an sim rawh le, Lalpa nih anmah tla a ṭuanpi na le; a zûltu singsiahnâk tla hen thu chu a birhtir vima.] 9 [Nunau tla chu Peter leh a hâwi tla sinah an kal le, thâwngthang an sinah simh hen a um mi zawzawng chu a tâwikâng hen an simh na. 10 Chu nehnûnah, Jisu ngelchel nih suahlei thawk hen tlâklei ah a ṭhiruai tla chu zungzâl ruangsuahnâk thu thenhlimh leh nung chu phuang ding hen a fial na.]

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

JOHAN 6:45

Khuavâng tla lasuibu ah, “Pathian sîntir hen an um ver lai,” ti rîn asi. Mi kip Pa thu theih hen sîn mi vial chu ka sinah an hawng kal tâwn.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

THILTI 1:8

Sikhawmsele, Thlarau Thenhlimh chu nan tlûnah a hawng tlung tikah thiltikhonâk nan nei lai. Chun, Jerusalem ah, Juda leh Samaria ram khua kip ah leh kâwlkil tiang khawm hen ka thu theihpitu tla nan si lai,” a ti.

THILTI 13:42

Chun, Pawl leh Barnaba chu pumhnâk in thawk hen an suak liauah Dinh ni nawlh ah chubang thu chu sim nawlh ding hen an ngiar na.

DEUTERONOMY 6:1

“Hi bang dân tla zawzawng hi LALPA nan Pathian nih a nan sîntir na ding hen thu hawng ka pêk mi chu asi. Chu ram ah nan va lût hen nan luah tikah zûl u.