MIKAH 4:13 - Bawm Common Language Bible Version

¹³ LALPA nih, “Jerusalem mi tla, kal ule, nan mêlma tla va rêp na u! Chawchal a kî thîr, a tin dâr nei a chak mi hâwi hen ka nan siam lai. Phun tam tak na veih na lai le, mi leh tuknâk ruangah neih leh siah anna ting mi chu laikulh pumpi LALPA, Keimah sinah na hawng pêk lai,” a ti.

MIKAH 4:13 ပူးပေါင်းရင်းမြစ်များ

SAM 24:1

Laikulh leh a sungah um mi zawzawng chu LALPA tâ asi. Tual leh a tlûnah um mi zawng khawm a tâ asi.

SAM 68:29

na mang mi na thiltikhonâk chu zauhtir.

SAM 72:10

Spain ram lal tla leh tikulh ah um mi tla nih thilthawt an pêk lai le, Arabia leh Ethiophia ram mi lal tla nih thil ap ding an hawng put lai.

ISAI 18:7

LALPA Zeizawng tikho nih hi bang tiva tla nih a ṭhen mi ram, phun chak tak leh thiltikho tak, mi sâng leh taksa tlawr tla, laikulh pumpi nih an ṭih na mi thawk hen thil ap a tawng ding mi tik chu a tlung awt rawh. LALPA Zeizawng tikho sawnhnâk, Zion Tlângah an hawng lai.

ISAI 21:10

Ka mi Israel tla, fâng hâwi hen khâwng hen nan um le, sikhawmsele tuah thâwng ṭha tak nan sinah ka hawng sim asi, chu chu LALPA Zeizawng tikho Israel Pathian thawk hen mi asi.

ISAI 23:18

A sawlehnâk ah a tawng mi tangka chu LALPA sinah ap asi lai. A kil ving lai lo le, LALPA sawnhtu tla nih buh châwknâk leh an nipuan herh châwknâk ah an mang lai.

ISAI 5:28

An thalzum tla chu a hâr, an chanhtiang khawm kah ding hen tîm chia asi. An rang tin tla chu lung hâwi hen a chang, an kari kê khawm thlivir â hêl mi hâwi asi.

JEREMIA 51:20

LALPA nih, “Babulon mi tla, râltuknâk ah ka tukboh leh ka râlthuam nan si. Phun tla leh lalram tla râwktu ah ka nan mang.

JEREMIA 51:33

Sâwtlotê ah mêlma tla nih an thah na lai le, fâng chîlnâk mun ah fâng an chîl mi hâwi hen an lamhbêk na lai. Kei, LALPA Zeizawng tikho Israel Pathian nih ka sim asi,” a ti.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

HOSEA 10:11

“Israel mi tla chu veikhat rang chun chawlâ fâng chîl ding hen zawngtir zet mi hâwi asi. Sikhawmsele a ngâwng dawh tak lakah phâisen nâwnnâk ngul bah hen rianṭuan har dauh pêk ding hen thuamh ka tum. Juda chu phâisen nâwnnâk ngul ka nûktir lai le, Israel chu phâisen nâwnnâk thîr zum ka nûktir lai.

MIKAH 5:7

Israel mi lakah a dam rih mi tla chu LALPA nih dâmtî phun tam tak rangah a hawng tlâktir mi hâwi hen leh a fachî tuhtu nih thlâi a chîng mi hâwi an si lai. Minung silo hen Pathian an ngauhsan lai rawh.

HABAKUK 3:12

Na thinrun bû hen tual chu na kanh le, na thinthawknâk hen phun tla na chîltir na.

ZEKARIA 12:3

Chu tik a hawng tlung tikah chun Jerusalem chu lung rit tak hâwi hen ka siam lai le, zei phun zawng nih châwi ding tumtu chu nganfâk an tawng lai. Jerusalem do ding hen laikulh phun zawzawng thu anna rual lai.

ZEKARIA 12:6

“Chu tik chun Juda phun tla chu tumun mi mei hâwi hen mawh phâisen a mi fâng min hâwi hen mawh ka siam na lai le, an kiangkam a mi phun tla chu an veih phin na lai. Jerusalem mi tla chu him ziar hen an um lai.

ZEKARIA 4:14

Churawhchun, anih nih, “Hi minung panih hi LALPA nih laikulh pumpi ah amah rianṭuantu ding ah sariak a thuh na hen a thîm na mi chu an si.”

ZEKARIA 6:5

Anih nih a sâng le, “Hi bang tla hi thli pali an si. Laikulh pumpi LALPA mâika thawk hen hawng mi an si,” a ti.

1 KORIN 16:2

Ni sarih ni masa chem ah chun mikip nih malsâwmnâk nan tawng hâwi vima hen khawng chiau ule, ka hawng kal tikah thawhlâwm khawlh rerêng a um lonâk ding hen.

DEUTERONOMY 33:25

A khua chu thîr kulh kawtkâ hen hum hen um sele, Him tak hen um kumza seh,”a ti.

JOSUA 6:19

Thil zeizawng tangka, ngûn, dâr leh thîr tla LALPA vo asi. LALPA thil siahnâk ah siah ding asi,” a ti.