MIKAH 4:10 - Bawm Common Language Bible Version

¹⁰ Jerusalem mi tla, nunau nih fa a ring awt mi hâwi a, merh le rûm, tuah khuapi kaltâk hen mâng ah na um awt rawh ruangah. Babulon ah sal ah na kal lai le, sikhawmsele chu lakah mi na mêlma lakah mi LALPA nih ruang an suah lai.

MIKAH 4:10 ပူးပေါင်းရင်းမြစ်များ

2 Lal 20:18

Nangmah thlâk tak tla khawm Babulon ah an kalpi na lai le, an tilkhei hen rian ṭuan hen an um lai,” a ti.

2 Lal 25:4

Sikhawmsele, Babulon mi tla nih khuapi chu an kulh hep le, Juda kawrsen tla chu zân ah an suak hep, lal dûm lampi lei hen vâm a tawnhnâk kawtkâ lei hen an kal le, Jordan Vakuam leiah an tek hep.

2 CHRONICLES 33:11

Churuangah Asiria kawrsen tla chu LALPA nih Juda tla a rûntir na. Manaseh chu an tleih le, rêng an khimh le, thîr chikchîn hen an khih le, Babulon ah an kalpi.

2 CHRONICLES 36:20

An thah bang tla chu Babulon ah an kalpi le, lal leh a thlâk tla sal ah Persia lal a hawng dîr tiang hen an um.

2 CHRONICLES 36:23

“Hi hi Kirus Persia lal lianchem thupêk asi. LALPA vân Pathian nih, laikulh pumpi lâirêltu ah hawng ka siam le, Juda ram mi Jerusalem ah Biakin sak ding hen thu hawng ka pêk. Tuah Pathian mi zawzawng tla chu, chunah chun kal ule, nan sinah LALPA Pathian um seh,” ti hen.

SAM 106:10

Anmah huatu lakah mi chu ruang a suah na le; An mêlma lakah mi chu a hum na.

ISAI 43:14

Israel Pathian Thenhlimh, a nan hum natu LALPA nih, “Ruang a nan suah na ding hen Babulon ah kawrsen ka hawng fial lai. Khuapi kulh kawtkâ tla ka chimtir lai le, a minung tla âunâk tla chu ṭapnâk ah â chang lai.

ISAI 45:13

Keimah nih Kirus chu ka thiltum rangtlingtir leh diktir ding hen a thinlung ka thawktir mi asi. A kalnâk lampi ka dingtir lai. Anih nih ka khuapi Jerusalem a sak nawlh lai le, ka mi saltâng tla a suah na lai. Hi ti ding hen âukhawm nih an mang hen an nawh mi asi lo,” a ti. LALPA, Zeizawng tikho nih a sim asi.

ISAI 48:20

Suak u, Babulon ah mi hawng suak u! Thâwngthâng lâwm tak hen âupi ule; mun kip ah theihtir u: “LALPA nih a to-aw Israel chu a hum rawh,” ti hen.

JEREMIA 13:4

“Eufretis Tiva ah va kal le, puannêm tâwi tla chu lungpi kua ah va thuh na,” a ti.

JEREMIA 15:21

Misual leh veihtu lakah mi ka nan hum lai. Kei, LALPA nih ka sim asi,” a ti.

JEREMIA 29:20

Babulon sal ah kan kaltir na mi zawzawng tla, kei, LALPA nih thu ka sim mi hi ngâi u,’ a ti.

JEREMIA 4:31

Nunau nganfâk a ṭap mi hâwi leh nunau nih a fa tîr ring liauah a râk mi hâwi hen ṭap hâu ka theih. Jerusalem chu a thawsuah kho lo rê hen a râk le, a kut zo bû hen, “Ka vânduai a! Keimah thah ding hen an hawng ko rawh,” a ti.

JEREMIA 48:41

khuapi tla leh kulh tla chu lâk hen a um lai. Chu ni chun Moab kawrsen tla chu nunau nganfâk mi hâwi hen an lâu lai.

JEREMIA 52:27

Hamath ram ah Riblah khua ah um mi sinah a kalpi na. Chunah chun lalchem nih a rêp na le, a thah na. Churawhchun, Juda mi tla chu sal ah put hen an um rawh.

HOSEA 1:10

Israel mi tla chu tipi mi sep hâwi hen an tam lai le, rêl châwklo leh tah châwklo rê an si lai. Tuah Pathian nih an sinah, “Ka mi tla nan si lo,” Sikhawmsele “Pathian nung fa tla nan si” an ti na ding ni chu a hawng tlung lai.

HOSEA 13:13

Israel nih chun nung ding hen tik a nei le, sikhawmsele ngâksia a suak ding mi a nu pawsung ah a suak duh lo mi hâwi hen ti ding hen a â tuktarâi.

HOSEA 2:14

Churuangah, ramkaro ah ka kalpi nawlh na lai le, chunahchun dâwtnâk thu hen amah chu ka neh lai rawh.

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

MIKAH 5:3

Churuangah LALPA nih a mi tla chu fapa ring lânlo chu an mêlma sinah a mi chu a kaltâk awt rih. Churawhchun, ram sungah a hâwi tla sal ah an um mi tla chu anmah minung tla hen anna fawnh nawlh lai.

THUPHUANG 12:14

Chun, nunau chu kum thum leh a sêu zauhkhenh ding hen leh rûlpi lakah a him khonâk ding hen, a mun ramkaro leiah zuang ding hen mupi thla panih an pêk.