MIKAH 4:1 - Bawm Common Language Bible Version

¹ Ni a hawng tlung ding mi lakah Biakin umnâk tlâng chu tlâng dang zawzawng a khûp ver lai. Phun tam tak tla chu chunah chun tî hâwi hen an hawng luang lai.

MIKAH 4:1 ပူးပေါင်းရင်းမြစ်များ

GENESIS 49:1

Jakob nih a fapa tla a kawh na le, “Ka mâika ah hawng a pûm ver u, mâilei ah thil a hawng um ding mi kan simh na lai:

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

SAM 110:3

Na mêlma na do ni ah chun na mi tla nih anmah thu hen an do lai. Zînglei ah dâmti hâwi hen na tlangvâl tla chu tlâng thenhlimh ah na sinah an hawng lai.

SAM 22:27

Phun zawzawng nih LALPA chu an theihkumza lai. Laikulh mun kip ah mi chu amah leiah an hawng a hawi lai. Chi kip nih amah an sawnh lai.

SAM 48:1

LALPA chu thungâi a rokual le, a tlâng thenhlimh ah mi kan Pathian khuapi ah fâk tak hen chawnglawmh ding asi.

SAM 86:9

Phun zawzawng na siam na mi chu an hawng lai le, na sinah kûn hen na rokualnâk an sawr lai.

ISAI 27:13

Chu ni chu a hawng tlung tik chun, Asiria leh Aigupta ah Israel mi tla sal ah tâng hen um mi ruangah kîr ding hen kawhnâk tâwtawrâwt an tum lai. An hawng lai le, LALPA chu Jerusalem ah mi a tlâng thenhlimh ah an sawnh lai rawh.

ISAI 43:6

Marlei chu a nan suah na ding hen ka simh na lai le, simlei chu a nan thloh na lo ding hen ka simh lai. Ka mi tla chu ram lât tak, laikulh munkip thawk hen kîrtir na u.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 54:2

Na umnâk puanin chu kauh le; a puan dung sâutir le, a rêngnâk tung birhtir.

ISAI 56:7

“Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

JEREMIA 16:19

LALPA, nang chu hawng ka humtu leh chaknâk hawng ka pêktu na si; lawksawng liauah na hawng ka ṭangpi. Tual dawnghnâk thawk hen phun tla chu na sinah an hawng kal lai le, “Hawng kan thlâktu tla nih chun pathian diklo tla leh zeikhawm mang tlâklo mi milem cho lo chu zeikhawm an nei lo.

JEREMIA 26:18

“Hezekiah Juda lalchem asi liauah, Moreseth ah mi khuavâng Mikah nih LALPA Zeizawng tikho thusim chu zapi tla sinah a sim, ‘Zion chu phâisen nâwn mi hâwi asi lai le, Jerusalem chu thilsia pawng mi asi lai le, Biakin tlâng chu thingmun asi lai,’ a ti.

JEREMIA 3:17

Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

JEREMIA 31:12

Zion tlângah an hawng kal lai le, lâwm hen la an sak lai, ka thilpêk fâng leh uain, oliv sariak, dawrâ rual leh ranrual tla lakah anna lâwm lai. Dûm tikhurchawh hen châwm mi hâwi an si lai le, an herh mi zawzawng an nei lai.

JEREMIA 48:47

Sikhawmsele, tik a hawng ding mi lakah, Moab chu LALPA nih sul-le-lam tluang hen a siam nawlh lai. Hi bang zawzawng LALPA nih a sim rawh mi tla chu Moab tlûnah a hawng tlung lai.

EZEKIEL 38:16

Ram kanh dak hen ka mi Israel tla chu thlipi hâwi hen na do na lai. Chu chu a tlung tikah phun tla chu âu kasi ti theih ding leh nangmah mang hen ka thenhlimhnâk muhtir ding hen ka ram rûn ding hen ka nan fial awt.

EZEKIEL 40:2

Muhtirnâk ah chun Pathian nih Israel ram ah hawng ka put ving le, tlâng sâng tlûnah hawng ka siah. Ka mâika ah khuapi hâwi hen in sak dul mi ka muh.

EZEKIEL 43:12

Hi hi Biakin dân tla chu asi: Tlâng sâng tlûn kiangkam zawzawng chu mun thenhlimh hep asi,” a ti.

DANIAL 10:14

Hi nûnthâi ah na mi le tla lakah thil a hawng tlung ding mi an theihthiam tir ding hen hawng kal mi kasi, hi hi mâilei a hawng um ding mi thu ah langhnâk asi,” a ti.

DANIAL 2:28

Sikhawmsele lal rangah muhtirtu vân Pathian a um, hi nûn mâilei thil a hawng um ding mi lal nangmah rangah a nan theihtir mi asi, tuah langhnâk na muh mi leh mang na it liauah na manh mi chu kan simh lai.

DANIAL 2:35

thîr leh valei, dâr, tangkasa, ngûn tla chu a mân le, ṭhalpini ah fâng zâpnâk mun ah mi vûisadip hâwi hen an um hep, thli nih a sêm phin, sikhawmsele chu lung chu a hawng lian le, tual pumpi a luah hep.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

DANIAL 7:18

Chungnungchem Pathian mi tla nih lal thiltikhonâk anna ting kumza lai rawh,” a ti.

DANIAL 7:22

A nung kumza mi chu a hawng le, Pathian mi tla sunhsaknâk ruangah lâirêlnâk thu a hawng sim. Pathian mi tla nih lal thiltikhonâk anna ting ding mi tik a hawng tlung rawh.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

MIKAH 3:12

Churuang chun Zion chu nangmah ruangah phâisen hâwi hen nâwn asi lai le, Jerusalem chu nâwm pawngnâk asi lai, Biakin tlâng chu tumun asi lai.

ZEKARIA 14:10

Marlei mi Geba thawk hen simlei mi Rimon tiang hen chu ram bial zawzawng chu râwn dep hen siam asi lai. Jerusalem chu a kiangkam ah mi ram zawzawng tlûnlei sâng takah a um lai. Chu khuapi nih chun Benjamin kulh kawtkâ thawk hen a lânah mi kulh kawtkâ umnâk leh Hananel in sâng thawk hen lal uain sûrnâk ram ah kulh ki ram mi kawtkâ tiang a luah lai.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

ZEKARIA 8:3

Ka khuapi thenhlimh Jerusalem ah ka kîr nawlh lai le, chunah chun ka um lai. Khuapi zumhkâi tak ti hen theih asi lai. LALPA Zeizawng tikho tlâng chu tlâng thenhlimh ti asi lai.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

THILTI 2:17

‘Pathian nih ni madung tla ah chun, mi zawzawng tlûnah ka Thlarau ka tawih lai le, nan fapa tla leh nan fanu tla nih ka thu an sim lai, nan tlangvâl tla nih muhtirnâk an muh lai, chun tar tla nih mang tla an manh lai.

HEBRAI 1:2

sikhawmsele ni dawngh lei tla ah chun a Fapa mang hen kan sinah thu a sim. Chu a Fapa chu zeizawng ah rotingtu ah a siam; chu nih chun laikulh khawm hi a siam.

2 PETER 3:3

Hi hi a masa hen theih ule, ni dawnghlei ah chun, anmah duhnâk hâwi vima a um hen, mi mah kawngkâ cho ruattu tla an hawng um lai.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.