MIKAH 3:7 - Bawm Common Language Bible Version

⁷ Mâilei thu um ding mi simhkanhtu chu a diklonâk nih ningzak â saih lai. Pathian nih a sâng na lo ruangah nâutir hen an um hep lai.

MIKAH 3:7 ပူးပေါင်းရင်းမြစ်များ

SAM 74:9

Kan singsiahnâk thenhlimh tla chu a vei rawh; khuavâng pakhat khawm an relh lo, hi hi zeitiang a sâwt awt âukhawm nih an theih loh,

EXODUS 9:11

Dâwithiam tla chu Mosi mâika ah an hawng lang kho lo rawh, Aigupta ram mi zawzawng tla hâwi hen annih khawm khuailumâ nih a tuam pang na ruangah.

ISAI 44:25

Chamchawh thiam tla chu mi mâwl ah ka siam na le, ârfi leikângah simkantu tla ka mualphoh na. Mifing thu chu ka lawnh le, an finghnâk chu âtnâk asi ti ka langh.

JEREMIA 18:18

Churawhchun, mi tla nih, “Jeremia thu ah hin zei thil mawh kan ti lai! Bâwlpu tla nih hawng kan sîntir kumza lai le, mifing tla nih ti dân hawng kan simh lai, khuavâng tla nih Pathian thuchah an sim lai. Amah rang ah hêk hen a thusim kan ngâi piak lai lo rawh,” an ti.

EZEKIEL 24:17

Na phu-ûk hâu khawm theih hen um lah seh. Na lungfâknâk zauhtir ding hen na lû karo leh kê karo hen kal lah. Na mêl khuh lah le, mi lungfâk tla nih an ei mi buh khawm ei lah,” a ti.

EZEKIEL 24:22

Churawhchun, ka ti mi chu nan ti lai rawh. Nan mêl nan khuh lai lo le, lungfâk tla ei mi buh nan ei lai lo.

LEVITICUS 13:45

Mi vun râi ṭihnungkâi nei mi nih puansia nâwi â aih ding asi, a sam khawm riat ding asi lo, a mêl khingkhuai a tanglei chu a khuh ding asi, “Thianglo, thianglo!” ti hen a âu ding asi.

AMOS 8:11

“Ram sungah pâm ka hawng tlungtir ding tik a nâi rawh. Mi tla chu sang ruang silo hen an sung a vâng lai le, tî ruang silo hen an ti a hâl lai, LALPA thuchah duh hen an tî a hâl hen an sung a vâng lai. Kei, LALPA nih ka sim mi asi.

MIKAH 3:4

LALPA nan auh ding mi tik a tlung awt, sikhawmsele a nan sâng na lai lo. Thilsual nan ti ruangah nan thlachamnâk khawm an sâng na lai lo.

MIKAH 7:16

Phun tla nih chu chu an muh hen chak ding ngangâk hen an lawk lam a sawng lai. An lung a dawng tuktarâi ah an kâ an chîp lai le, an nâ tla an phih lai.

ZEKARIA 13:4

Chu tikah chun khuavâng âukhawm langhnâk muh ruangah anna zûm lai lo rawh le, mi tla hum ding hen khuavâng thuam hen khawm anna thuam lai lo.

1 SAMUEL 14:37

Churawhchun, Saul nih Pathian sinah thu a deih, “Philistia mi tla ka do lai ma? Nehnâk na hawng kan pêk lai ma?” a ti. Sikhawmsele chu ni chun Pathian nih zeikhawm a sang lo.

1 SAMUEL 28:15

Samuel nih Saul sinah, “Zei rangah na ka nawktir hen zei rangah kîr ding hen na ka tuah?” a ti. Saul nih a sâng le, “Thungâi ka lawksawng! Philistia mi tla nih an hawng ka do le, Pathian khawm nih hawng ka kaltâk. Khuavâng leh mang hen khawm hawng ka sâng duh lo rawh. Churuang chun ka ti ding mi hawng ka simh ding hen nangmah kan kawh asi,” a ti.

1 SAMUEL 28:6

Churuangah LALPA rangah zei hâwi ti ding asi awt ti hen a deih. Sikhawmsele LALPA nih a sâng lo thlo, mang lei hen khawm, Urim leh Thummim leh khuavâng mang hen khawm a sâng lo.

1 SAMUEL 9:9

Saul nih a sâng le, “Krai ṭha tak asi, kan kal ngâk lai,” a ti. Churawhchun, mi thenhlimh pa umnâk khua ah chun an va kal rawh. Chu khua umnâk tlâng leiah an kal liauah chun nungâk tla tî than an hawng mi tla an tawng na. An deih na le, “Hi khua ah hin muh khotu a um ma?” an ti. (Chu liau chun khuavâng hi muhtu an ti ruangah zeiliau zawng ah Pathian deih ding hen an duh chun “Muhtu sinah kan kal lai,” an ti tâwn.)