MIKAH 3:6 - Bawm Common Language Bible Version

⁶ “Khuavâng tla, nan ni a dawng awt rawh; nî nih an tlâk khumh na awt. Ka mi tla mahlo leiah nan kalpi na ruangah langhnâk thu nan sim lai lo rawh le, zei thil simkannâk khawm nan nei kho lai lo rawh,” a ti.

MIKAH 3:6 ပူးပေါင်းရင်းမြစ်များ

SAM 74:9

Kan singsiahnâk thenhlimh tla chu a vei rawh; khuavâng pakhat khawm an relh lo, hi hi zeitiang a sâwt awt âukhawm nih an theih loh,

ISAI 29:10

LALPA nih a nan ngûtir, ihmu thaw tak it ding hen a râlring. Khuavâng tla chu mi zapi tla mit an si lai le, sikhawmsele, Pathian nih an mit a tuam piak na.

ISAI 59:10

mitchâw tla hâwi hen kanna dap. Zân ah mi hâwi hen sûn ah kanna suih le, laikulh thihnâk mûi ah um mi hâwi kan si.

JEREMIA 13:16

LALPA nan Pathian nih, mûinâk a tlungtir lânah leh tlâng tlûnah nan tlû lânah, chêu nan lungum mi chu mûinâk sah chem asi lânah amah chu zah u.

JEREMIA 15:9

A fa pasarih nih an veitâk mi nu chu a uai tlek le, a thâw men a suah kho lo. A rangah sûn chu zân ah â chang rawh; ningzak saih hen a um le, a thinlung a fâk. Nan dam rih mi tla khawm nan mêlma tla kan thahtir na awt. Kei, LALPA nih ka sim asi,” a ti.

JEREMIA 18:18

Churawhchun, mi tla nih, “Jeremia thu ah hin zei thil mawh kan ti lai! Bâwlpu tla nih hawng kan sîntir kumza lai le, mifing tla nih ti dân hawng kan simh lai, khuavâng tla nih Pathian thuchah an sim lai. Amah rang ah hêk hen a thusim kan ngâi piak lai lo rawh,” an ti.

EZEKIEL 13:9

nannih muhnâk diklo muhtu leh kal sual ding hen simkannâk diklo mangtu khuavâng tla, ka nan rêp na awt. Thu thlûk ding hen ka mi tla ka pumh na nâkah nanna tel lai lo; Israel mi rînnâk lakah nan min khawm telh asi lai lo; nan ram ah khawm nan kîr nawlh lai lo. Chu tikah kei, LALPA Zahkâi kasi ti nan theih lai.

EZEKIEL 7:26

Siatnâk lakah siatnâk dang a hawng tlung lai, tivatê dusah a luang mi thâwng ṭhalo a hawng tlê lai. Khuavâng tla sinah langhnâk an muh mi nan deih na lai. Bâwlpu tla khawm nih mi zapi tla sîntir ding zeikhawm an nei lai lo, upa tla khawm nih thu simh ding an nei lai lo rawh.

AMOS 8:11

“Ram sungah pâm ka hawng tlungtir ding tik a nâi rawh. Mi tla chu sang ruang silo hen an sung a vâng lai le, tî ruang silo hen an ti a hâl lai, LALPA thuchah duh hen an tî a hâl hen an sung a vâng lai. Kei, LALPA nih ka sim mi asi.

MIKAH 2:6

Mi nih ka sinah thu an sim le, “Kannih lakah sim lah. Chubang thu tla chu sim lah, Pathian nih ningzak hawng kan saih lai lo.