MIKAH 3:5 - Bawm Common Language Bible Version

⁵ Ka mi tla chu khuavâng tla nih an perpet na le, chubang khuavâng tla nih chun an sinah thil pêktu tla rangah thla an ngamh na le, pêklotu tla rang chun râltuknâk a um awt ti hen an ṭhih na. Chubang khuavâng tla sinah chun LALPA nih,

MIKAH 3:5 ပူးပေါင်းရင်းမြစ်များ

THUFING LASUIBU 28:21

Nabeibâng hen thilti chu a diklo, sikhawmsele lâirêltu nih chun nawhnâk tâwmtê tawng duh ruangah thilsual a ti kho.

ISAI 3:12

Tangka pûktirtu tla nih ka mi tla an nehsawh na le, lei anna batnâk tla nih an perpet na. Ka mi le tla, an rui natu tla nih a mahlo leiah an kalpi na le, churuangah zei lei lampi ah pial ding asi ti nan theih loh.

JEREMIA 23:27

An mang thu an sim mi hen ka mi le tla nih an pa tla nih an hawng ka philh hen, Baal leikângah an hawng ka hertâk mi hâwi hen an hawng ka philh dep ding hen an ruat.

JEREMIA 23:32

Kei, LAPA nih ka sim mi hi ngâi rawh! Âwkrâwl karo hen an mang thu simtu khuavâng chu ka do asi. Anna zûmnâk leh âwkrâwl thu hen ka mi tla chu chubang mang thu tla sim hen mahlo leiah an kalpi na. Kei nih kal ding hen ka fial na hen thu ka pêk na mi asi lo, ka mi tla rangah ṭangpitu an si lêm lo. Kei, LALPA nih ka sim asi,” a ti.

JEREMIA 6:14

Ka mi le tla liammâ chu kheuh mi hâwi cho hen an ti. Ṭha lo pet hen, ‘A ṭha ver rawh,’ an ti.

JEREMIA 6:4

“Jerusalem do ding hen a timhtuah ule, a tîm zet u! Sûn chir ah kan do lai! ” an ti. Sikhawmsele, “A tlâi tuktarâi rawh, nî a tlâ dêng rawh, zânleibâi thlaliah khawm nih a liah dadauh rawh.

LUNGFÂKNÂK 2:14

Na khuavâng tla khawm nih âwkrâwl thu cho lo chu zeikhawm sim ding an nei lo; Na sualnâk langh lo hen an thusim nih a nan perpet. Rim ding a herh lo ti ruatnâk a nan neihtir na.

EZEKIEL 13:9

nannih muhnâk diklo muhtu leh kal sual ding hen simkannâk diklo mangtu khuavâng tla, ka nan rêp na awt. Thu thlûk ding hen ka mi tla ka pumh na nâkah nanna tel lai lo; Israel mi rînnâk lakah nan min khawm telh asi lai lo; nan ram ah khawm nan kîr nawlh lai lo. Chu tikah kei, LALPA Zahkâi kasi ti nan theih lai.

HOSEA 4:5

Sûn leh zân hen mi nan râwk le, khuavâng tla khawm nannih ngâk hen an ṭha khun lêm lo. Israel, nan nu ka veih awt.

JOEL 3:9

“Phun tla lakah hi thu hi sim u; ‘Râldo ding hen a timhtuah ule; nan râldo thiam tla kawh na ule; nan kawrsen zawzawng pumh na ule, kal u!

MIKAH 2:11

Hi bang minung tla nih hin, âwkrâwl thu karo sim hen perpettu khuavâng, “Uain hâng nan rangah a luang ding mi thu ka sim,” ti hen thusimtu tla chu nan duh.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MALAKI 2:8

“Sikhawmsele, tuah nannih bâwlpu tla, diknâk lampi mi chu nan pial rawh, nan sîntirnâk nih mi tam tak nih thil diklo ti ding hen a kalpi na. Nan sinah ka thudântuk chu nan râwk rawh.

MATHAI 15:14

Annih chu zeikhawm siar lah u; ruitu mitchâw an si. Chun, mitchâw nih mitchâw lîlâ a rui chun khursaduap ah munkhat hen an tlâ vevê lai,” a ti le, a sâng.

MATHAI 7:15

“Khuavâng telê lakah a thiamthih u; chu tla chu dawrâ vun aih hen nan sinah an hawng kal tâwn le, an sung leiah lam chun chingngia râwlṭâm an si ruangah.

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.