MIKAH 3:2 - Bawm Common Language Bible Version

² sual leikâng chu nan duh, ka mi tla nung bû hen an vun nan lîk le, an ruh lakah mi an sa tla nan khelh.

MIKAH 3:2 ပူးပေါင်းရင်းမြစ်များ

1 Lal 21:20

Ahab nih Elija a muh kâ hen a sinah, “Ka mêlmapa, ka sinah na hawng mu?” a ti. Elija nih a sâng le, “Asi, ka hawng mahi! LALPA mitmuh hen thilsual ti ding hen na pumpêk ual ma kha!

2 CHRONICLES 19:2

Hanani fapa khuavâng Jehu chu lal hen va tawng ding hen a kal le, a sinah, “Misual leh LALPA huatu murui tla ṭangpi leh bawp hi dik hen ma na theih? Na lakah Pathian thinrunhnâk ding hen thil na ti.

SAM 15:4

Pathian duhlotu tla chu a zauhnawmh le, LALPA lakah ê-aw ngâitu chu a sunhsak. Thu a pêk mi zawng chu a ti kumza le, Zeizat tal sikhawmsele pawi a ti lo.

SAM 53:4

“An theih lo menmaw? Hi thilsual titu tla nih an theih loh masi? Ka mi tla râwk ding hen an um le, ka sinah khawm thla an cham lo,” Pathian nih a ti.

THUFING LASUIBU 28:4

Dân siarlo tak hen na um chun, misual leikâng ṭângṭawm mi na si le; sikhawmsele dân zûltu na si chun misual dotu na si.

ISAI 3:15

Ka mi tla siat leh rawk ding leh mipam tla nâuneh ding hen thuneihnâk nan nei lo. Kei, LALPA Zahkâi, Zeizawng tikho nih chu chu ka sim asi,” a ti.

ISAI 5:20

Râwk leh siat hen na um rawh! Sual chu ṭha na ti le, a ṭha mi chu sual na ti. Mûi chu chêu na ti le, chêu chu mûi na ti. A khâ mi chu a thlum na ti, a thlum mi chu a khâ na ti.

ISAI 57:12

Nan thilti tla chu dik hen nan ruat le, sikhawmsele nan umdân chu ka langh lai le, nan milem tla nih a nan ṭangpi kho na lai loh.

EZEKIEL 11:7

“Churuangah, kei LALPA Zahkâi nih hi thu hi nan sinah ka sim asi. Hi khuapi hi suangnâk bêl chu asi tatak ngâk, sikhawmsele sa chu zei me si? Nanmah nih nan thah na mi ruak tla an si! Hinah nan um ding asi lo, khuapi lênglei ah ka nan lawnh ving na awt!

EZEKIEL 22:27

Sawrkar rianṭuantu tla chu, chingngia nih ramsa an thah mi sâm diptu hâwi an si. Nei ding duh hen mi an thah na.

EZEKIEL 24:4

A sungah meh a kê leh a dâr sa thlah le, a ruh neknâwi tla khawm thlah.

EZEKIEL 34:3

A nûk hâng nan din le, a mul hen puan nan siam mi nanna aih, a ṭha chem mi tla nan thah le nan ei. Sikhawmsele dawrâ tla chu nan zauhkhenh dahlo.

AMOS 4:1

Nannih Samaria ram mi nunau, Basan chawpinu bit tal a châwm mi hâwi tla, mi chaklo leh mipâm tla nehsawhtu, din phung hen nan pasal le nih an châwm na ding hen hauhtu tla, ngâi u!

AMOS 5:15

Sual chu hua le, thil dik chu duh le, lâirêlnâk ah chun diknâk hi dingchangnâk asi ti theih rawh. Hi phun thibang um rih mi tla sinah hin LALPA nih khua a ruat lai dahmawh.

MIKAH 2:8

LALPA nih a sâng le, “Ka mi tla chu mêlma hâwi hen nan do na. Râltuknâk thawk hen mi tla chu in leiah him ziar a um ding tum hen an hawng kîr le, sikhawmsele chunah nannih nih an dunglei ah an kawrdawh tla fîr piak na ding hen nan bawh na ko.

MIKAH 7:2

Ram lakah mi zumhkâi pakhat khawm an um lo, Pathian lakah khawm zumhkâi pakhat khawm an um lo, mikip nih mi thah ding hen dêngkhâwng tik an bawh ver. Mikip nih ram sungah mi an thah na.

MIKAH 7:3

Sual leikângah ti chu an thiam ver, rianṭuan ding leh lâirêl ding hen nawhnâk an hauh. Mi kuaih khotu nih a duh thu chu a simh na le, churawhchun a ti dân an ruat tawnh.

ZEPHANIAH 3:3

A rianṭuantu tla chu chakeibaknei hûk mi hâwi an si, a lâirêltu tla chu chingngia râwlṭâm tla nih zînglei rang khawm ah an hamkah ruangah ruh an zuah kho lo mi hâwi an si.

LUK 19:14

Sikhawmsele, a ram mi tla nih an hua le, Hi minung hi kan lalchem rangah kan duh lo,’ ti hen a dung leiah mi an fial.

JOHAN 18:40

Chun, annih chu an âu nawlh le, “Hi minung hi chu si lah seh; Baraba si dauh seh,” an ti. (Baraba chu rawkmang asi.)

JOHAN 7:7

Laikulh nih an hua kho na lo, kei lam chu a ka hua tâwn, a thilti tla a sual ti ka simhfiang ruangah.

ROM 1:32

Chu hâwi thil titu tla chu thi ding rêng an si ti Pathian ruat chu theih ko hen, anmah lâwng nih ti mi cho khawm silo hen, midang ti tâwntu tla tlûnah khawm anna lâwm tâwn.

ROM 12:9

Dâwtnâk chu perpetnâk tel lo hen si seh. Sual lei chu hua ule, ṭhat lei chu tleih thlir u.

2 TIMOTHE 3:3

zângfahnâk suakpi lo tla, ṭhat lo rawt tla, phiartu tla, sûm kho lo tla, mirâng tla, ṭha duh lo thlo tla,