MIKAH 3:12 - Bawm Common Language Bible Version

¹² Churuang chun Zion chu nangmah ruangah phâisen hâwi hen nâwn asi lai le, Jerusalem chu nâwm pawngnâk asi lai, Biakin tlâng chu tumun asi lai.

MIKAH 3:12 ပူးပေါင်းရင်းမြစ်များ

SAM 107:34

Chunah um mi tla sualnâk ruangah ramkaro ah mi tual chu a altir.

SAM 79:1

Pathian, lunglo tla nih na ram an rûn. Na Biakin thenhlimh tla chu an nawmh hen Jerusalem chu râwk dep hen an mâk.

ISAI 32:14

Lal in tla chu kaltâk hen a um lai le, khuapi chu an roh thlo lai. In tla leh kulh vêng hen a um mi tla chu â râwk pawt lai rawh. Ram sanatung tla chunah chun an tlawng lai le, dawrâ rual nih chunah chun râwl tlatnâk an tawng lai.

JEREMIA 17:3

Nan ram pumpi ah sual zawzawng nan ti mi ruangah nan mêlma tla chu nan neih leh nan thil-le-rî lâk piaktu ah ka siam awt.

JEREMIA 22:5

Sikhawmsele ka thupêk nan zûl lo mi asi chun, hi lal in hi râwk ding hen thu ka nan tiamh na asi. Kei, LALPA nih ka sim asi.

JEREMIA 22:6

“Juda lal in chu kei rangah chun Gilead ram leh Lebanon Tlâng hâwi hen â dawh le; sikhawmsele ram lâwng âukhawm umlonâk mun ah ka siam awt.

JEREMIA 26:18

“Hezekiah Juda lalchem asi liauah, Moreseth ah mi khuavâng Mikah nih LALPA Zeizawng tikho thusim chu zapi tla sinah a sim, ‘Zion chu phâisen nâwn mi hâwi asi lai le, Jerusalem chu thilsia pawng mi asi lai le, Biakin tlâng chu thingmun asi lai,’ a ti.

JEREMIA 35:17

Churuangah chun tuah Kei, LALPA Zeizawng tikho, Israel Pathian nih Juda mi tla leh Jerusalem mi tla tlûnah siatnâk hawng tlung ding hen ka tiamh mi zawzawng ka hawng tlungtir awt. Nan sinah thu ka sim khawm ah nan ka ngâi piak duh lo le, ka nan auh na khawm ah nan ka sâng lo ruangah hi hi ka ti awt asi,” a ti.

JEREMIA 44:2

LALPA, Zeizawng tikho, Israel Pathian nih, “Jerusalem leh Juda khuapi dang tla zawzawng tlûnah siatnâk ka hawng tlungtir mi tla chu nanmah ngelchel nih nan muh.

JEREMIA 52:13

Biakin leh lal in, Jerusalem ah mi pawiherh in zawzawng tla a duah phin le;

JEREMIA 9:10

Kei nih, “Tlâng sâng tla leh ram ningno tla chu an châr hep le, pakhat khawm chu lakah mi velvâ an um lo ruangah ka lungfâk tukah ka ṭap. Ranrual tla hâu khawm theih asi lo rawh; va leh ramsa tla khawm an tek phin,” ka ti.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

LUNGFÂKNÂK 5:18

Zion tlâng chu king dem hen a karo hen a um ruangah, â râwk mi lakah kâwl-ui tla râwl hâwl hen anna sawk.

MIKAH 1:6

Churuang chun LALPA nih, “Samaria chu thil sianâwi pawngnâk ah leh grep phunnâk ah ka siam lai, a khuapi mi neknâwi chu tivapi kuamah ka thlêt lai le, khuapi lungphûm chu a karo hen ka siah lai.

MATHAI 24:2

Anih lam nih chun an sinah, “Hi bang zawzawng hi nan muh mu? Thungâi tak hen ka nan simh na, chimtir lo hen lung â tiang mi rerêng hinah a um lai lo,” a ti le, a sâng.