MIKAH 3:11 - Bawm Common Language Bible Version

¹¹ Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MIKAH 3:11 ပူးပေါင်းရင်းမြစ်များ

THUFING LASUIBU 17:23

Siatnâk ding ah lâirêlnâk diklo nih nawhnâk a lâk le, sikhawmsele lâirêlnâk dik nih a ti duh lo.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

ISAI 48:2

Khuapi thenhlimh lakah mi kan si, Israel Pathian, a min chu zeizawng tikhotu LALPA lakah ngauh mi kan si ti hen zûm tak hen thu nan sim nget rih.

ISAI 5:23

Sikhawmsele nawhnâk ruangah misual chu dik hen na siam, midik lam chu a dik sual lebang lai ti hen na vêng rêt.

ISAI 56:11

Annih chu ui hamkah tâwk ti nei lo mi hâwi an si. Hi bang ruitu tla nih theihthiamnâk zeikhawm an nei lo. An ektê hen mah duhzia zia hen thil an ti le, anmah rangah ṭhatnâk cho an hâwl.

JEREMIA 23:17

Ka thu sim ngâi duhlotu tla sinah, nan lakah zeizawng â rêlkhâwng vima lai an ti na. Mi lungkhung tla sin kip ah siatnâk nih a nan tawngh lai loh,” ti hen an simh na.

JEREMIA 26:7

Hi bang thu zawzawng Biakin ah ka sim mi tla chu bâwlpu tla leh khuavâng tla leh mi zapi zawzawng nih an theih le,

JEREMIA 5:12

LALPA mi tla nih amah chu an duh lo le, “Zei thil khawm a ti tatak lai lo. Tik harsa kan tawng lai lo; râltuk mawh pâmnâk mawh kan tawng lai lo,” an ti.

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

JEREMIA 7:4

Chubang perpetnâk thu, ‘Kan him mi rawh! Hi hi LALPA Biakin asi, hi hi LALPA Biakin asi, hi hi LALPA Biakin asi!’ ti mi tla chu lung lah u rawh.

JEREMIA 8:10

An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

EZEKIEL 22:12

Na mi lakah a zeimaw mi nih a man lâk hen mi an thah. A zeimaw mi nih mah hâwi Israel mi lakah pûk an pêk mi lakah a pung an lâk, anmah lakah dingchangnâk lâk hen neihnâk an tawng. An hawng ka philh rawh,” a ti. LALPA Zahkâi nih a sim.

EZEKIEL 22:27

Sawrkar rianṭuantu tla chu, chingngia nih ramsa an thah mi sâm diptu hâwi an si. Nei ding duh hen mi an thah na.

EZEKIEL 34:2

Nannih Israel dawrâ vêngtu tla, nan vânduai rawh! Nanmah kawngkâ cho nan ruat le, sikhawmsele dawrâ nan zauhkhenh lo.

HOSEA 4:18

Uain cherkhet an din rawh chun, anna zuarnâk lakah anna lâwm le, zahkâinâk ngâk hen ningzaknâk an thîm dauh.

HOSEA 4:8

Ka mi tla sual chu nan rangah neih phahnâk ah nan mang le, churuangah sual dadauh ding hen nan duh na.

AMOS 5:14

Na nung khonâk ding hen thilsual ti tumlo hen thil dik ti tum rawh. LALPA Pathian zeizawng tikhotu chu na sim mi hâwi hen amah chu na sinah a um lai.

AMOS 9:10

Ka mi lakah misual tla, ‘Pathian nih kan lakah nganfâk a tlungtir lai lo’ titu zawzawng chu râltuknâk ah thah hen an um lai,” a ti.

MIKAH 3:5

Ka mi tla chu khuavâng tla nih an perpet na le, chubang khuavâng tla nih chun an sinah thil pêktu tla rangah thla an ngamh na le, pêklotu tla rang chun râltuknâk a um awt ti hen an ṭhih na. Chubang khuavâng tla sinah chun LALPA nih,

MIKAH 7:3

Sual leikângah ti chu an thiam ver, rianṭuan ding leh lâirêl ding hen nawhnâk an hauh. Mi kuaih khotu nih a duh thu chu a simh na le, churawhchun a ti dân an ruat tawnh.

ZEPHANIAH 3:3

A rianṭuantu tla chu chakeibaknei hûk mi hâwi an si, a lâirêltu tla chu chingngia râwlṭâm tla nih zînglei rang khawm ah an hamkah ruangah ruh an zuah kho lo mi hâwi an si.

ZEPHANIAH 3:4

Khuavâng tla nih zeikhawm pawisak an nei lo hen zumhkâilo hen an um le, bâwlpu tla nih thil thenhlimh an nawmh. Pathian dân chu anmah lâwknâk ah an mang.

MALAKI 1:10

LALPA Zeizawng tikho nih, “Nan lakah minung pakhat nih ka mâichâm tlûnah manglo ding mi mei tih lo ding hen Biakin khâr pang sele ka duh. Nan tlûnah ka lâwm lo, ka sinah thil ap nan hawng put mi ka pawm awtlo.

MALAKI 2:9

Churuangah ka duh dân nan zûl lo ruangah leh ka mi tla nan sîntir na liauah mikip bang khap hen nan titir na lo ruangah Israel mi tla nanmah zauhnawmhtu ah ka siam rûl na bâk awt,” a ti.

NUMBER 16:15

Mosi chu a rothawk le, LALPA sinah, “Hi minung tla thil ap hi pawm lah rawh. An lakah zeikhawm ka sual mi a um lo; an sanatung pakhat tê khawm ka lâk lo,” a ti.

NUMBER 22:7

Churawhchun, Moab mi leh Midian mi ruitu tla chu siatbarh man put hen Balaam sinah an kal le, Balak thuchah tla an simh.

MATHAI 3:9

‘Abraham hawng kan thlâktu asi lo mazei?’ ti hen a sung-û tir lah u; Pathian nih hi bang lung tla hi Abraham thlâk tla ah a changtir kho, ka nan ti na hi.

1 TIMOTHE 3:3

zûrît mang lo, vuak mang lo mi, a nunnêm mi, ṭhatlo rawt lo mi, tangka sum sunhsak lo mi,

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.

JUD 1:11

An tlûn a pit! Kain lampi chu an zûl le, lawh uh hen Balaam sual lampi chu an zûl le, Kora a hel mi hâwi hen an hel le, amah hâwi hen veih hen an um rawh.

1 SAMUEL 8:3

Sikhawmsele, an pa umdân hâwi hen an um lo; tangka lei an sunhsak dauh le, nawhnâk an lâk le, zumhkâi tak hen thu an thlûk lo.