MIKAH 3:1 - Bawm Common Language Bible Version

¹ Nannih Israel lâirêltu tla, ngâi u! Diknâk leikâng duhtu siding hen ruat nan si mi lakah a ṭha leikâng nan hua le,

MIKAH 3:1 ပူးပေါင်းရင်းမြစ်များ

NEHEMIAH 13:17

Juda ruitu tla chu nun ka simh na le, “Nan thilti sual tla hi zauhnik u! Pathian ni nan nawmh mi hi.

SAM 14:4

“Thilsual titu tla nih an theih lo masi? Ka mi tla chu an rawk le; Ka sin khawm thla an cham lo,” LALPA nih a ti.

ISAI 1:10

Jerusalem, na lâirêltu leh na minung tla chu Sodom leh Gomorah ah um mi tla hâwi an si rawh. LALPA nih na sinah thu a nan simh mi hi ngâi rawh. Kan Pathian nih a nan sîntirnâk ah hin ngâi set rawh.

ISAI 10:2

Chubang hâwi hen mipâm tla chu thu nan neitir lo le, dik tak hen um ding khawm nan siang na lo. Churuang tak chun asi, mi ngâkṭah leh numei tla thil-le-rî nan lâk piak na mi chu.

EZEKIEL 22:6

Israel ruitu tla zawzawng chu anmah chaknâk an rinhsanh le mi an thah.

EZEKIEL 34:2

Nannih Israel dawrâ vêngtu tla, nan vânduai rawh! Nanmah kawngkâ cho nan ruat le, sikhawmsele dawrâ nan zauhkhenh lo.

EZEKIEL 34:3

A nûk hâng nan din le, a mul hen puan nan siam mi nanna aih, a ṭha chem mi tla nan thah le nan ei. Sikhawmsele dawrâ tla chu nan zauhkhenh dahlo.

EZEKIEL 9:9

Pathian nih a sâng le, “Israel leh Juda mi tla nih thilsual ṭihnungkâi tla an ti, ram pumpi ah mi an thah na le, Jerusalem chu buarnâk hen an khattir. Kei, LALPA nih an ram chu kaltâk hen anmah tla ka muh na lo rawh mi hâwi hen an sim.

HOSEA 5:1

“Nannih bâwlpu tla, hi hi ngâi u! Israel mi tla, ngâi u! Nannih lal dâwngsung si mi tla, ngâi u! Dik tak hen lâi nan rêl ding asi. Nan tlûnah lâirêlnâk a hawng tlung lai. Mizpah ah chun thang nan si le, Tabor tlâng tlûnah lên zâr mi nan si,

AMOS 4:1

Nannih Samaria ram mi nunau, Basan chawpinu bit tal a châwm mi hâwi tla, mi chaklo leh mipâm tla nehsawhtu, din phung hen nan pasal le nih an châwm na ding hen hauhtu tla, ngâi u!

AMOS 6:1

Nannih Zion ah nuamchenhtu tla leh Samaria ah him tak a um ding hen ruattu Israel phun lakah mi rokual rangah ṭihnung a kâi awt chiam e, nannih chubang tla sinah ṭangpi deih hen kaltu tla!

MIKAH 2:13

Pathian nih an rangah lampi a awng lai le, sal ah tâng mi chu a suah na lai. Khuapi kulh thawk hen an suak lai, an lal LALPA ngelchel nih a rui na lai.

1 KORIN 6:5

Nan ningzaknâk ding hen ka sim asi. A unau tla kar lakah thu thlûk kho mi mi fing pakhat tal nan lakah nan tawng kho lo menmaw!

DEUTERONOMY 16:18

“LALPA nan Pathian nih a nan pêk na mi khua kip ah lâirêltu leh rianṭuantu ruat na u. Chubang tla nih zapi tla chu thliar dangnâk nei lo hen lâi an rêl ding asi.