MIKAH 2:7 - Bawm Common Language Bible Version

⁷ Israel mi tla hi siatbarh mi hen ma na ruat? Pathian nih sûmnâk a nei lo rawh mazei? Chubang hâwi thil chu a ti tak awt mazei? Thil dik titu tla sinah vêlnei tak hen thu a sim lo ma?” an ti.

MIKAH 2:7 ပူးပေါင်းရင်းမြစ်များ

SAM 119:65

LALPA, na thutiam chu na kil le, kei na to-aw sinah ṭhat na suah.

SAM 119:68

Na ṭha hen vêl na nei a! Na thupêk tla hawng ka sîntir.

SAM 15:2

Thil zeizawng ah Pathian ê-aw ngâitu leh thil dik ti kumzatu, Thudik simtu, mi zumhkâi,

SAM 18:26

 thenhlimh mi sinah chun na thenhlimh le, misual sinah chun na ṭhalo.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

THUFING LASUIBU 10:29

LALPA nih mi zumhkâi tla a hum na le, sikhawmsele thilsual titu tla lam chu a veih na.

THUFING LASUIBU 10:9

Mi zumhkâi tla chu him tak leh thlangam tak hen an um le, sikhawmsele mi zumhkâilo chu tleih an si lai.

THUFING LASUIBU 14:2

Zumhkâi hen um le, LALPA lakah ê-aw ngâi zia na langh mi asi lai. Zumhkâi na silo mi nih LALPA ê-aw ngâilo ti a langh.

THUFING LASUIBU 2:7

Ṭangpinâk a pêk le, mirep zumhkâi rangah a hum na.

THUFING LASUIBU 28:18

Zumhkâi tak hen um le, na him lai. Zumhkâi tak hen na um lo chun, na tlû sawm lai.

ISAI 50:2

“Zei rangah anmah ruangsuah ding hen ka kal liauah ka mi le tla nih an hawng ka sunhsak lo? Ka auh na liauah zei rangah an sâng lo? Anmah ruangsuah kho lo ding ma kasi? Tipi tla kang ding hen thu ka pêk kho hen tiva tla khawm tî umlo ruangah ngâ thi ver ding hen ka tuah kho.

ISAI 58:1

LALPA nih, “A fâk kho rirî hen âu le, ka mi Israel tla an sual thu simh na.

JEREMIA 15:16

Ka sinah thu na sim mi zawzawng chu ka ngâi ver. LALPA Zeizawng tikho, na tâ kasi, churuangah na thu nih chun ka thinlung ah lâwmnâk leh lâwptlonâk a khattir.

JEREMIA 2:4

Nannih Jakob thlâk tla, nannih Israel phun tla, LALPA thuchah ngâi u.

HOSEA 14:9

Hinah rîn mi tla hi fing tak hen theihthiam mi nih chun thinlung ah kil na seh. LALPA lampi tla chu a dik le, mirep tla nih chu chu an zûl le, an nung. Sikhawinsele misual tla nih an siarlo ruangah an bah le, an tlû.

MIKAH 3:9

Israel lâirêltu tla, diknâk hua hen, diknâk chu diklonâk ah changtirtu, ka thu ngâi u.

ZEKARIA 4:6

Chu vânmifial nih chun Zerubabel sinah Lalpa thu va sim ding hen hawng ka simh: “Kawrsen chaknâk leh nangmah chaknâk chu silo hen, keimah thlarau chaknâk hen asi dauh lai.

NUMBER 11:23

LALPA nih a sâng le, “Ka thiltikhonâk hi tikho ri leh ti kho lo ri a um mazei? Ka sim mi hi a tlung lai ma, tlung lai lo na muh tuan lai,” a ti.

MATHAI 3:8

Nan rim rawh ti zauhtir ding hen thilti hen langhtir u.

JOHAN 8:39

Chun, annih nih chun a sinah “Kan pa Abraham asi,” an ti le, an sâng. Chun, Jisu nih an sinah, “Abraham fa le nan si chun, Abraham thilti kha nan ti ding asi.

ROM 7:13

Asi chun, thil ṭha chu ka rangah thihnâk a hawng si masi? Si lo e! Sualnâk chu ka rang thihnâk a hawng si dauh rawh asi. Chun, sualnâk chu sualnâk asi ti a lang khonâk ding hen, thil ṭha chu mang hen a ka thah asi. Sualnâk chu thupêk ruang khan sual fâk tak asi khonâk ding hen.

2 KORIN 6:12

Kanmah lakah hin tawrkhân hen nan um lo le, nanmah thinlung ah asi tawrkhân hen nan um dauh mi chu.

2 TIMOTHE 3:5

Pathian sunhsak mi banghnâk an nei lai le, sikhawmsele a thiltikhonâk chu an lung lai loh; chubang hâwi chu hawitâk rawh.