MIKAH 2:6 - Bawm Common Language Bible Version

⁶ Mi nih ka sinah thu an sim le, “Kannih lakah sim lah. Chubang thu tla chu sim lah, Pathian nih ningzak hawng kan saih lai lo.

MIKAH 2:6 ပူးပေါင်းရင်းမြစ်များ

SAM 74:9

Kan singsiahnâk thenhlimh tla chu a vei rawh; khuavâng pakhat khawm an relh lo, hi hi zeitiang a sâwt awt âukhawm nih an theih loh,

ISAI 29:10

LALPA nih a nan ngûtir, ihmu thaw tak it ding hen a râlring. Khuavâng tla chu mi zapi tla mit an si lai le, sikhawmsele, Pathian nih an mit a tuam piak na.

ISAI 30:10

Khuavâng tla chu dâisip um ding hen an simh na. “Thudik rerêng kan sinah sim lah u. Kanmah ngâi duh mi hawng kan simh u. Kan perpetnâk hi kan thlah ding asi lo.

EZEKIEL 20:46

“Thikho mi minung, sim leikâng zauhnik. Sim leikâng do hen thu sim le, sim leikâng a mi tumun do hen thu simkan rawh.

EZEKIEL 21:2

“Thikho mi minung, Jerusalem chu sâwi rawh. Mi zapi tla nih an sawnhnâk mun tla sâwi rawh.

EZEKIEL 3:26

Na lei hawlh kho lo hen ka tuah lai le, mi hel tla sinah thu na sim kho lai lo rawh.

AMOS 2:12

Nazirit mi tla chu uain nan dinh na le, khuavâng tla chu ka thuchah an sim ding mi nan khap.

AMOS 7:13

Hi Bethel ah hin thu sim lah rawh, hi hi phun tla Biakin lal nih a sawnhnâk in asi,” a ti.

AMOS 7:16

Churuangah tuah LALPA thusim chu ngâi rawh, ka thusim leh Israel tla tlûnah thinthawknâk chu bâng ding lam na hawng ka simh rih.

MIKAH 3:6

“Khuavâng tla, nan ni a dawng awt rawh; nî nih an tlâk khumh na awt. Ka mi tla mahlo leiah nan kalpi na ruangah langhnâk thu nan sim lai lo rawh le, zei thil simkannâk khawm nan nei kho lai lo rawh,” a ti.

MIKAH 6:16

Lal Omri thilsual ti dân leh a fapa lal Ahab thilsual ti dân nan zûl ruangah chubang chu a hawng tlung lai. An thilti dân nan châwng vima ruangah siatnâk ka hawng tlungtir lai le, mikip nih an zauhnawmh na lai. Munkip mi nih an siar na lai lo rawh.

THILTI 4:17

Sikhawmsele mi sinah an phuang dadauh lonâk ding hen tu thawk hen âu sin khawm ah hi min hen thu an sim lonâk ding hen kan ṭhih na lai,” an ti.

THILTI 5:28

“Hi min hen sîntir lo ding hen kan nan ti thlir na rawh khateh, sikhawmsele nan thusim Jerusalem a khat rawh, hi minung thihnâk ruangah mawhtir ding nan hawng kan duh asi hi,” ti hen, a salh na.

THILTI 5:40

Chun, mifial tla chu an kawh na le; an vuak na le; an vuak thluh nûnah Jisu min hen thu simlo rawh ding ti thlir hen an thlah na rawh.

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.