MIKAH 2:13 - Bawm Common Language Bible Version

¹³ Pathian nih an rangah lampi a awng lai le, sal ah tâng mi chu a suah na lai. Khuapi kulh thawk hen an suak lai, an lal LALPA ngelchel nih a rui na lai.

MIKAH 2:13 ပူးပေါင်းရင်းမြစ်များ

EXODUS 14:19

Pathian vânmifial Israel kawrsen mâilei ah um mi chu an dunglei ah â ṭhial rawh.

ISAI 42:7

Mitchâw mit na deitir lai le, rêngin mûi ah to mi tla chu na suah na lai.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

ISAI 52:12

Tu lam chu nam bû hen nan suak lai lo rawh le; suak ding hen khawm nanna ṭang lai lo rawh. LALPA nan Pathian nih a nan rui na lai le thil zeizawng ah a nan hum na lai.

ISAI 55:4

Anih chu phun tla lakah ruitu ah leh thupêktu ah ka siam le, amah mang hen ka thiltikhonâk ka langh.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

HOSEA 1:11

Juda mi leh Israel mi tla chu anna tlâi nawlh lai, an rangah ruitu pakhat an thîm lai le, an ram ah tluang tak hen an ṭhanglian nawlh lai. Jezreel ni chu ni rokual tak a hawng si lai!

HOSEA 13:14

Hi minung tla hi laikulh thihnâk lakah mi leh thihnâk thiltikhonâk lakah mi ka hum na awtlo. Laikulh thihnâk, siat leh râwknâk hi bang minung tla tlûnah hin hawng tlungtir khawm le, pawi ka ti awtlo.

HOSEA 2:2

Ka fa tla, nan nu chu ka nupi silo rawh hen kei khawm a pasal silo rawh khawmsele a rangah ngiar u. Ṭângdang hawng ka pawmtâk mi leh â zuar mi chu bâng rawh ding hen ngiar u.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

MIKAH 2:12

“Sikhawmsele nannih Israel mi tla lakah um rih mi tla, munkhat ah ka nan pumh ver na awt. Dawrâ tla an kâwm sungah an hawng kîr mi hâwi hen kan kîrpi na lai. Ram ningno dawrâ a khat mi hâwi hen nan ram chu nan khat zat nawlh teh lai,” a ti.

MIKAH 3:1

Nannih Israel lâirêltu tla, ngâi u! Diknâk leikâng duhtu siding hen ruat nan si mi lakah a ṭha leikâng nan hua le,

MIKAH 4:7

Mikhêng in thawk hen lât takah um mi an si le, chubang a thibang tla hen a thartê hen dawmh nawlhnâk ka siam lai le, phun rokual tak ah an um lai. Chu thawk hen chun kumleza hen Zion tlângah an tlûnah lâi ka rêl lai,” a ti.

ZEKARIA 10:12

Ka mi tla chu chak tak hen ka siam lai le; keimah an ka sawnh hen ka thu an ngâi lai rawh,” a ti. LALPA nih a sim mi asi.

HEBRAI 6:20

Chunah chun Jisu chu Melkizedek hâwi hen, zungzâl bâwlpu lalchem si rawh hen, kan ruangrûl ah mâitâwntu ah a lût rawh.

JOSUA 3:6

Churawhchun, bâwlpu tla chu thudântuk Bâwm put hen zapi mâilei ah kal ding hen a simh na le, a simh na mi hâwi hen an kal rawh.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.