MIKAH 2:12 - Bawm Common Language Bible Version

¹² “Sikhawmsele nannih Israel mi tla lakah um rih mi tla, munkhat ah ka nan pumh ver na awt. Dawrâ tla an kâwm sungah an hawng kîr mi hâwi hen kan kîrpi na lai. Ram ningno dawrâ a khat mi hâwi hen nan ram chu nan khat zat nawlh teh lai,” a ti.

MIKAH 2:12 ပူးပေါင်းရင်းမြစ်များ

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 27:12

Chu ni ah chun, LALPA nih a mi tla chu Eufretis tiva thawk hen Aigupta ramri tiang hen, pakhat khat hen a pumh na lai le, âunih mawh a fâng leh a hî a thlei mi hâwi hen.

ISAI 34:6

A nâmsâu chu bâwlnâk dawrâ leh kêl thisen leh thâu â buaih mi hâwi hen an thisen leh an thâu â buaih lai. LALPA nih hi bâwlnâk hi Bozrah khuapi ah a ap lai le; hi thahnâk rokual tak hi Edom ram ah a umtir awt.

ISAI 5:17

Chu khuapi â râwk mi lakah chun, dawrâ tla nih belh an ei lai le, kêl tla nih belh ningno an tawng lai.

JEREMIA 23:3

Ka mi tla ka rekrâwitir na mi ram thawk hen a um rih mi tla vial chu ka pumh na lai le, anmah ram leiah ka kîrpi nawlh na lai. Fa tam tak an nei lai le, cherkhet an zan lai.

JEREMIA 3:18

Israel leh Juda chu anna fawnh lai le, munkhat hen marlei ram thawk hen sal ah tâng mi an hawng kal lai le, an thlâktu tla sinah ting pawt ding hen ka pêk na mi ram ah an hawng kîr lai,” a ti.

EZEKIEL 34:11

“Dawrâpu nih a dawrâ tla anna rekrâwi mi a pumh nawlh na le, a zauhkhenh na mi hâwi hen,

EZEKIEL 34:13

Ramdang ah mi tla chu ka suakpi na lai le, munkhat ah ka pumh na lai le, an ram ah ka kîrpi nawlh na lai. Tlâng sâng takah leh Israel ram tinungva ah ka kalpi nawlh na lai le, ram nah ningno nâk mun nuam tak ah râwl ka tlanhtir na lai.

EZEKIEL 34:22

Sikhawmsele ka dawrâ tla chu ruang ka suah na lai le, nehsawh ding hen ka siam na lai lo rawh. Ka dawrâ tla chu an lâi ka rêl chiau na lai le, a sia mi lakah a ṭha mi chu ka thlei na awt.

EZEKIEL 34:31

“Nannih chu ka dawrâ tla, ka châwm mi dawrâ rual, ka minung tla nan si le, kei lam chu nan Pathian kasi,” LALPA Zahkâi nih a ti.

EZEKIEL 36:37

LALPA Zahkâi nih, “Israel mi tla nih ṭangpi an hawng ka ngiar nawlh lai le, kei nih dawrâ rual hâwi hen ka zantir nawlh na lai.

EZEKIEL 37:21

Churawhchun, kei, LALPA Zahkâi nih an va umnâk phun tla lakah mi ka mi zawzawng chu ka lâk na lai le, ka pumh na lai le, anmah ram takah ka kîrpi nawlh na lai.

HOSEA 1:11

Juda mi leh Israel mi tla chu anna tlâi nawlh lai, an rangah ruitu pakhat an thîm lai le, an ram ah tluang tak hen an ṭhanglian nawlh lai. Jezreel ni chu ni rokual tak a hawng si lai!

AMOS 1:12

Churuangah Teman khuapi leh Bozrah in kulh tla chu mei hen ka duah awt,” a ti.

MIKAH 2:13

Pathian nih an rangah lampi a awng lai le, sal ah tâng mi chu a suah na lai. Khuapi kulh thawk hen an suak lai, an lal LALPA ngelchel nih a rui na lai.

MIKAH 4:8

Nang, Jerusalem, Pathian nih a mi tla dawrâpu hâwi hen a vêng na nâk mun na lalram lakah khuapi lianchem na si nawlh nget lai.

MIKAH 5:7

Israel mi lakah a dam rih mi tla chu LALPA nih dâmtî phun tam tak rangah a hawng tlâktir mi hâwi hen leh a fachî tuhtu nih thlâi a chîng mi hâwi an si lai. Minung silo hen Pathian an ngauhsan lai rawh.

MIKAH 5:8

Phun lakah a um rih mi tla chu chakeibaknei thing mun ah ei ding a hâwl mi hâwi mawh an tlawngnâk ah â sawk mi hâwi asi lai le, a nam na le, a sâm dip na le, sanh kho an silo rawh mi hâwi an si lai.

MIKAH 7:14

LALPA, na thîm mi na minung tla lakah vêngtu si rawh. Ramkaro ah a dangtê hen um menza na khawmsele an kiangkam ah ram ningno tak a um. A lânah an um mi hâwitê hen ram ṭha Basan leh Gilead ram ah kaltir na le, châwm na.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

ZEPHANIAH 3:20

Rekrâwi hen um mi tla in leiah ka tlungpi na ding mi leh laikulh pumpi ah min thang tak hen ka nan siam na ding mi leh sul-le-lam tluang tak hen kan umtir ding mi ni chu a tlung rawh!” a ti. LALPA nih a sim mi asi.