MIKAH 2:11 - Bawm Common Language Bible Version

¹¹ Hi bang minung tla nih hin, âwkrâwl thu karo sim hen perpettu khuavâng, “Uain hâng nan rangah a luang ding mi thu ka sim,” ti hen thusimtu tla chu nan duh.

MIKAH 2:11 ပူးပေါင်းရင်းမြစ်များ

1 Lal 13:18

Churawhchun, Bethel mi khuavâng tarpa nih a sinah, “Kei khawm nangmah hâwi hen khuavâng kasi bâk, LALPA thupêk hen vânmifial nih ka in ah kalpi ding leh sunhsaknâk an pêk ding hen hawng ka simh asi,”a ti. Sikhawmsele, chu khuavâng tarpa nih âwkrâwl thu a sim mi asi.

1 Lal 22:6

Ahab nih khuavâng lakah mi zali a kawh na, thu a deih na, “Ramoth khua do ding hen ka kal lai ma, kal lai lo?” a ti. Annih nih an sâng le, “Do rawh, LALPA nih neh ding hen a nan pêk awt,” an ti.

JOB LASUIBU 31:5

Sual tak hen thilti lo ding leh midang tla perpet lo ding hen thu ka tiam.

THUFING LASUIBU 25:14

Mi pêk ding hen thu tiamh hen pêklotu chu, vândâwm leh thli-ruah sûr lo mi hâwi asi.

ISAI 28:7

Khuavâng leh bâwlpu tla tiang men zû an rî le an hâwr. Uain leh a hâng tla an din tam tuktarâi le, an tlû le, anna nawk. Khuavâng tla khawm an din zia a tam tuk ruangah langhnâk tla Pathian nih a hawng pêk mi an theihthiam lo, bâwlpu tla khawm uain an din tam tuktarâi le, thurêl ding an hawng put mi tla rêl kho lo hen an um.

ISAI 9:15

Anmah lakah tar leh mi zahkâi tla chu lû an si le, mei chu khuavâng âwkrâwl thusimtu tla chu an si!

JEREMIA 14:14

Sikhawmsele LALPA nih a sâng le, “Khuavâng tla nih ka min hen âwkrâwl thu an sim, mi tla chu Kei nih ka fial na mi an si lo, an sinah thu ka pêk na lo, kâ khat khawm an sinah thu ka sim lo. Langhnâk thu an sim mi khawm Kei thawk hen mi asi lo; an simkannâk tla an ruat mi khawm zeikhawm asi lo.

JEREMIA 23:14

Sikhawmsele, Jerusalem khuavâng bilik nih an sual khun mi ka muh: ṭângdang pawmtâk hen âwkrâwl thu tla an sim; thil diklo ti ding hen mi tla an ṭangpi na, Mi âukhawm nih thilsual ti an bâng lonâk ding hen. Kei rangah an ṭhatlo zia chu an ektê hen Sodom leh Gomorah mi tla hâwi hen an ṭhalo.

JEREMIA 23:17

Ka thu sim ngâi duhlotu tla sinah, nan lakah zeizawng â rêlkhâwng vima lai an ti na. Mi lungkhung tla sin kip ah siatnâk nih a nan tawngh lai loh,” ti hen an simh na.

JEREMIA 23:25

Khuavâng tla nih ka min hen âwkrâwl thu an sim le, an mang leiah thuchah ka pêk na mi ti hen an sim.

JEREMIA 23:32

Kei, LAPA nih ka sim mi hi ngâi rawh! Âwkrâwl karo hen an mang thu simtu khuavâng chu ka do asi. Anna zûmnâk leh âwkrâwl thu hen ka mi tla chu chubang mang thu tla sim hen mahlo leiah an kalpi na. Kei nih kal ding hen ka fial na hen thu ka pêk na mi asi lo, ka mi tla rangah ṭangpitu an si lêm lo. Kei, LALPA nih ka sim asi,” a ti.

JEREMIA 28:15

Churawhchun, Hananiah chu hi hi ka simh le, “Hananiah, ngâinik! LALPA nih a nan fial mi asi lo, hi zapi minung rangah âwkrâwl thu na lungtir na mi asi.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

LUNGFÂKNÂK 2:14

Na khuavâng tla khawm nih âwkrâwl thu cho lo chu zeikhawm sim ding an nei lo; Na sualnâk langh lo hen an thusim nih a nan perpet. Rim ding a herh lo ti ruatnâk a nan neihtir na.

EZEKIEL 13:22

“Nan âwkrâwl thusim hen mi ṭha nganfâk pêk ding ka duh na lo mi tla, nan zerhtir ver na. Misual tla chu thilsual ti bâng ding mi leh an nungnâk hum hen um ding mi nan kham na.

HOSEA 7:14

Zumhkâi tak hen ka sinah thla an cham lo, sikhawmsele, lunglo tla ti dân hâwi hen an tlû hen an lung anna fâktir. Uain leh fâng tla duh hen thla an cham liau khawm ah lunglo tla hâwi hen an taksa an ât.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MIKAH 3:5

Ka mi tla chu khuavâng tla nih an perpet na le, chubang khuavâng tla nih chun an sinah thil pêktu tla rangah thla an ngamh na le, pêklotu tla rang chun râltuknâk a um awt ti hen an ṭhih na. Chubang khuavâng tla sinah chun LALPA nih,

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.

PHILIPI 3:19

chubang tla dawnghnâk chu veihnâk asi, an pathian chu taksa duhnâk asi, anna khâwngnâk chu an mualphonâk asi, laikulh thil tla an duh tâwn asi.

1 JOHAN 4:1

Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.