MIKAH 2:10 - Bawm Common Language Bible Version

¹⁰ Thawk ule, kal u; hinah himnâk a um lo rawh. Nan sualnâk nih hi mun hi siat leh râwk phahnâk ah a siam.

MIKAH 2:10 ပူးပေါင်းရင်းမြစ်များ

1 Lal 9:7

Israel mi tla rangah ram ka pêk na mi thawk hen ka nar na awt. Keimah sawnhnâk ding ah hi Biakin ka thenhlimhtir mi khawm hi ka kaltâk lai. Mun kip mi nih Israel tla chu siarlo tak hen an zauhnawmh na lai.

2 Lal 15:29

Pekah lalchem asi liauah, Asiria lalchem Tiglath Pileser nih Ijon khuapi tla, Abel Beth Maakah, Janoah, Kedes, Hazor leh Gilead ram tla, Galili, Napthali ram tla a lâk le, Asiria ram leiah a mi tleih tla chu a kalpi na.

2 Lal 17:6

chu chu Hoshea lâirêl kum kuanâk asi. Asiria lal lianchem nih Samaria a lâk le, Israel tla chu a tleih na le, Asiria leiah a put na, a zeimaw mi chu Halah khuapi ah an um, a zeimaw mi chu Gozan ram Habor Tiva kiangah an um, a zeimaw mi chu Media khuapi tla ah an um.

2 CHRONICLES 7:20

hi ram kan pêk na mi lakah hin kan ṭhial ving lai le, hi Biakin keimah sawnhnâk ding ah ka ruat mi khawm hi ka kaltâk ving awt. Mun kip mi nih siarlo leh zauhnawmh hen nan um lai.

SAM 106:38

Ngâksia sual nei lo chu an thah na le, chu thahtu tla hen an ram chu an nawmh.

SAM 95:11

Ka thin a thawk le, thutiam fâk tak ka siam: ‘Dinhnâk ding ka nan pêk na mi ram ah chun nan lût rêng lai lo,’ ” ti hen.

JEREMIA 10:18

LALPA nih hi ram thawk hen an lawnh ving awt; pakhat khawm âk lo ding hen nan vei ver tiang hen siatnâk a tlungtir awt. LALPA nih a sim asi.

JEREMIA 3:2

Tlâng tlûn tla khi zauhnik. Nunau â zuar mi hâwi hen na ti lonâk mun rerêng a um ma? Arab mi nih ramkaro ah mi thah ding an bawh mi hâwi hen lamvâu ah na duh mi tla na bawh vima na. Na zuarnâk hen ram chu na nâwmtir.

JEREMIA 9:19

Zion ah mi âu hâu, “Kanna râwk dep rawh! Ningzak saih hen kan um rawh! Kan ram mâk ding mi kan si rawh; kan in tla khawm a râwk hep rawh,” ti mi chu ngâi u.

EZEKIEL 36:17

“Thikho mi minung, Israel mi tla an ram ah an um liauah an umdân leh an thilti nih ram an nawmh. An umdân chu nunau nih thlasiar hen an nunau râitâ an nei liau mi hâwi hen thianglo hen ka ngaih.

EZEKIEL 36:19

An umdân leh an thilti lakah ka mawhtir le, ramdang minung ram ah ka rekrâwitir na.

DEUTERONOMY 12:9

thlangam tak hen nan va umnâk ding mun, LALPA, nan Pathian nih a nan pêk na mi ram ah nan va lût lo rih ruangah.

DEUTERONOMY 30:18

nan vei ver lai, tuah hinah ka nan theihtir na asi. Jordan Va kanh hen nan va luah ding mi ram ah tam sâwt nan um lai lo.

DEUTERONOMY 4:26

Theihpitu ding ah tusûn ni ah hin nanmah ruangah tual leh vân ka auh asi, ka thu nan ngâilo asi chun chu ram ah mi chu nan vei dep sawm lai. Jordan Va kanh hen nan va umnâk ding ram ah chun tam nan um sâwt lai lo. Nan vei dep lai.