MIKAH 2:1 - Bawm Common Language Bible Version

¹ It lo hen an zâu mi leh thilsual ti tumtu tla rangah chun ṭihnung a kâi a! Zînglei asi rawh chun, tik remchâng an tawng kâ hen an tum hâwi hen thilsual an ti.

MIKAH 2:1 ပူးပေါင်းရင်းမြစ်များ

GENESIS 31:29

Nganfâk a nan pêk kho kasi, sikhawmsele, mazân zân ah na pa Pathian nih hawng ka khap le, zeitin khawm ti lah hawng ka ti.

1 Lal 21:7

Jezebel nih, “Asi, Lalchem na si lo ma? Ihkhun ah mi thawk, lâwm tak hen um le, buh ei; Naboth dûm chu kan tawng piak lai ma hi a!” a ti.

ESTHER 3:8

Churawhchun, Haman nih lal sinah, “Na ram sung zawzawngah phun pakhat rek thu hen an um mi an um. Midang ti mi hen banglo tak mi dân an nei. Chu lâwng khawm silo hen ram pumpi dân an zûl duh loh, chubang tla umdân chu na sâithiam kâng asi lai loh.

ESTHER 5:14

A hâwi leh a nupi khawm nih, “Zei rangah thlâinâk feet 75 sâng hen na tuah lo? Thâizîng ah Mordekai thlâi ding na deih lai le, chu tikah puai ei ding nuam tak hen na kal ko lai,” an ti. Haman nih krai ṭha tak si hen a theih, churuangah thlâinâk a siam rawh.

ESTHER 9:25

Sikhawmsele, Esther chu lal sinah a va kal le, Haman nih Juda tla rangah thah na ding a tum mi chu lal nih amah leh a fapa tla rangah thlâinâk leh thihnâk ding hen thu a suah.

JOB LASUIBU 15:35

Hi bang minung tla hi sualtirtu leh nawktirtu an si le, an thinlung tla chu perpetnâk hen a khat kumza.

JOB LASUIBU 24:14

Khuadei bâiah mi thahtu chu a thawk le, mipâm thah ding hen a suak le, zân ah chun mi thil a fîr.

SAM 36:4

A ihkhun ah a it liau khawm thilsual ti a tum; thil ṭha rêng a ti lo, thil sual ti a hua lo.

SAM 36:5

LALPA, na dâwtnâk dawnglo nih vân a phanh; na zumhkâinâk chu vân phanh khet hen a kâu.

SAM 58:3

Misual tla chu umdân diklo leikângah an kal le; an suaknâk thawk hen âwkrâwl thu an sim.

THUFING LASUIBU 12:2

Mi ṭha tla tlûnah LALPA chu â lâwm le, sikhawmsele thilsual ti tumtu tla chu a mawhtir na.

THUFING LASUIBU 14:22

Thil ṭha na ti chun midang tla nih an zumh hen an zah lai le; thilsual na ti mi asi chun thil diklo na ti mi asi.

THUFING LASUIBU 3:27

Zeiliau zawng ah na ti kho mi asi chun, ṭangpi herh tla sinah thil ṭha ti rawh.

THUFING LASUIBU 4:16

Misual nih thil diklo an ti lânlo chu an it kho lo. Midang rangah nganfâk an pêk lo chun an it mi an meng kumza.

ISAI 29:20

Midang tla nehsawhtu leh Pathian rangah zauhnawmhtu tla dawnghnâk asi lai rawh. Misual zawzawng veih an si lai rawh.

ISAI 3:14

LALPA nih a mi le tla lakah upa leh ruitu tla chu lâirêl piak na ding hen a put na. Hi phiarnâk hi a siam: “Mi grep dûm tla nan va rawk le, mipâm thil nan lâk mi hen nan in tla nan khattir.

ISAI 32:7

Mi mâwl chu a sual le, thilsual a ti; mipâm tâ chu âwkrâwl hen veitir a tum.

ISAI 5:8

Râwk leh siat hen na um rawh! Na nei rawh mi sap singsuan ding hen phâisen leh in tla na châwk. Sâwtlotê ah hi mun ah âumawh an hawng um ding hen mun a um lai lo le, nangmah cho ram lakah na um lai.

ISAI 59:3

Âwkrâwl thusim hen, siat leh râwk hen, mi thah hen nan sual asi.

JEREMIA 18:18

Churawhchun, mi tla nih, “Jeremia thu ah hin zei thil mawh kan ti lai! Bâwlpu tla nih hawng kan sîntir kumza lai le, mifing tla nih ti dân hawng kan simh lai, khuavâng tla nih Pathian thuchah an sim lai. Amah rang ah hêk hen a thusim kan ngâi piak lai lo rawh,” an ti.

EZEKIEL 11:2

Pathian nih ka sinah, “Thikho mi minung, hi minung tla nih khuapi mi tla rangah thilsual ti tum hen thu ṭhalo an simh na.

EZEKIEL 33:26

Nan nâmsâu tla nanna rinhsan. Nan thilti tla fihnung a kâi. Mikip nih ṭângdang nan pawm. Zeitin ram chu nan tâ si hen nan ruat zia?

EZEKIEL 38:10

Hi hi LALPA Zahkâi nih Gog sinah thu a sim mi chu asi: “Chu chu a hawng tlung tikah thilsual leikâng dawn na dawmh lai.

EZEKIEL 46:18

Lal nih mi thil âu tâ khawm a lâk piak na ding asi lo. A fapa tla rangah ram a pêk na mi chu amah tâ lakah mi asi ding asi, chu tikah an ram lâk piak hen ka mi tla nehsawhtu asi lai lo,” a ti.

MIKAH 6:12

Nan minei tla nih mipâm tla an mang na le, nan ektê hen mi âwkrâwl ver nan si.

NAHUM 1:11

Ninevi, nangmah thawk hen thilsual ti tumtu hen a khat dil mi minung, LALPA rangah do tumtu a hawng.

ZEKARIA 7:10

Nan lakah numei leh ngâkṭah tla, ramdang mi minung leh ṭangpi herh âuzawng um mi tla chu nâuneh lah na u,’ ka ti na.

MARK 15:1

Chun, zînglei a hawng si kâ hen bâwlpu lal tla chu upa tla leh Dân sîntirtu tla zawzawng hen anna thluk le, Jisu chu an phuar le, an ruai le, Pilat sinah an pêk sawm rawh.

LUK 20:19

Chun, chu liau takah chun Dân sîntirtu tla leh bâwlpu lal tla nih tleih an tum le, sikhawmsele mi zapi chu an ṭih le, chu tahṭhimh thu chu anmah ti san hen a sim ti an theih ruangah.

JOHAN 19:11

Jisu nih, “Tlûnlei thawk hen pêk na si lo chun, ka tlûnah hin tikhonâk rerêng na nei lai lo; churuangah na sinah hawng ka pêktu nih khan sual a phurh khun asi,” a ti.

THILTI 23:12

Chun, nî a suak hen Juda tla chu thu anna rual le, Pawl an thah lânlo chu zeikhawm temlo ding hen siat anna sirh.

THILTI 23:15

Churuangah nannih nih lâirêltu tla hen a thup hen a thu rep khun a ruat tum hâwi hen nan sinah hawngpi ding hen kawrsen hotu lianchem sinah pheh zâu hen va sim u; nan kiangah a hawng tlung lânah kannih amah thah ding hen kanna râlring ko,” an ti.

ROM 1:30

Chaih mang tla, mi chawngawih mang tla, Pathian, huatkâng hen um mi tla, â liantir mi, mi zûm tla, â khâwng mi tla, thilsual thar suahtu tla, nu leh pa thu ngâilo tla,

DEUTERONOMY 28:32

Nan zauh ko bû hen nan fanu leh fapa tla ramdang ah sal ah an put na lai. Nisiar hen nan fa tla kîr ding lungum hen nan zauh mi chu a thawttham ko lai rawh.